ratel.kz
قازاقستان ىشكى ىستەر مينيسترلىگى قىلمىستىق اتقارۋ جۇيەسى كوميتەتى الماتىداعى تەرگەۋ يزولياتورىندا "جۇمباق جاعدايدا كوز جۇمعان" ەركەبۇلان نۇرمىحانوۆتىڭ ولىمىنە بايلانىستى تۇسىنىكتەمە بەردى.
كوميتەتتىڭ حابارلاۋىنشا, نۇرمىحانوۆ وكپە-جۇرەك اۋرۋىنان قايتىس بولعان. ؛
"سوت-مەديسينالىق ساراپتاماعا سايكەس, تۇتقىن وكپە-جۇرەك اۋرۋىنان قايتىس بولعان. بۇل فاكتى بويىنشا قاجەتتى تەكسەرۋ جۇمىستارى تاعايىندالدى" دەدى قىلمىستىق اتقارۋ جۇيەسى كوميتەتى وكىلدەرى. ؛
ولاردىڭ ايتۋىنشا, تۇتقىن قىلمىستىق كودەكستىڭ 200 ("كولىك قۇرالىن زاڭسىز يەمدەنۋ") جانە 192-باپتارى ("قاراقشىلىق") بويىنشا كۇدىككە ىلىنگەن.
بۇعان دەيىن 14 قاڭتاردا الماتىنىڭ لا-155/18 تەرگەۋ يزولياتورىندا 19 جاستاعى ەركەبۇلان نۇرمىحانوۆ ەسىمدى تۇتقىن جۇمباق جاعدايدا كوز جۇمعانى حابارلانعان. ؛
تەرگەۋ يزولياتورى دارىگەرلەرىنىڭ سوزىنشە, نۇرمىحانوۆتىڭ دەنە قىزۋى كوتەرىلىپ, وعان انالگين جانە ديمەدرولدان ۋكول سالىنعان. ۋكولدان كەيىن تۇتقىننىڭ جاعدايى ءتىپتى مۇشكىلدەنگەن, جەدەل جاردەم كەلگەنگە دەيىن ءولىپ كەتكەن.
ال تۋىستارى تەرگەۋ يزولياتورى وكىلدەرىنىڭ سوزىنە كۇمان كەلتىرگەن. ولاردىڭ ايتۋىنشا, تۇتقىننىڭ دارىگە اللەرگياسى بولماعان. ءمايىتتى تانۋ ءۇشىن ءمايىتحاناعا بارعان كەزدە ولار نۇرمىحانوۆتىڭ دەنەسىنىڭ وڭ جاعى, بەتى مەن باسى دا كوكپەڭبەك داقتارعا تولىپ كەتكەنىن بايقاعان. يىعىنان جاراعا ۇقساس ءىز بىلىنگەن.
نۇرمىحانوۆ 14 قاراشادا ەكى ايعا قاماۋعا الىنعان. 14 قاڭتاردا تۇرمەدە وتىرۋ مەرزىمى ءبىتۋى ءتيىس بولعان.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر