ابليازوۆتىڭ "؛سىبايلاسى"؛ دەلىنگەن رەسەيلىك كاسىپكەر اقش-تا سوتتالعالى جاتىر

قۋعىنداعى قازاقستاندىق ەكس-بانكير مۇحتار ءابليازوۆتىڭ "سىبايلاسى" دەلىنگەن رەسەيلىك كاسىپكەر الەكساندر ۋدوۆەنكو ۆاشينگتون ماڭىنداعى قالالاردىڭ بىرىندە ۇستالعاننان كەيىن اقش سوتىندا جاۋاپ بەردى. بۇل تۋرالى ؛eureporter.co ؛اقپارات اگەنتتىگى ؛حابارلادى.

الەكساندر ۋدوۆەنكو 2009 جىلى لوندوننان قاشىپ كەتكەلى بەرى ءىس-تۇسسىز. ؛باسىلىمنىڭ جازۋىنشا, ۋدوۆەنكو لوندوندا ءابىليازوۆتىڭ مۇددەسى ءۇشىن جۇمىس ىستەگەن جانە "بتا بانكىنەن" ميللياردتاردى جەكە شوتتارعا اۋدارۋ ءۇشىن پايدالانعان وفشورلىق كومپانيالاردىڭ كەڭ جەلىسىن قۇرۋعا قاتىسقان. كەيىن ۋدوۆەنكو امەريكاعا كوشىپ, مەريلەند شتاتىندا "ينۆەستيسيالىق كەڭەسشى" بولىپ جۇمىس ىستەگەن.

باسىلىمنىڭ حابارلاۋىنشا, بريتان سوتى رەسەيلىك كاسىپكەردىڭ ء"ابليازوۆتىڭ باستى سەرىكتەستەرىنىڭ ءبىرى" بولعانىن انىقتاعان. سوت ايىپتاۋىندا ول "ۇرلانعان اقشانى تاسىمالداۋ ءۇشىن پايدالانىلعان جۇزدەگەن وفشورلىق كومپانيالاردىڭ" نومينالدى يەسى جانە اكىمشىسى رەتىندە ارەكەت ەتكەنى ايىتىلعان.

اكتيۆى جاعىنان قازاقستانداعى ەڭ ءىرى بانكتەردىڭ ءبىرى بولعان بتا بانك جەتەكشىسى مۇحتار ءابليازوۆتى قازاقستان بيلىگى 2017 جىلى "ميللياردتاعان سومانى جىمقىردى", "قىلمىستىق توپ قۇردى" دەپ ايىپتاپ, 20 جىلعا سوتتادى. كەيىن, 2018 جىلى ونى "ادام ولتىرۋگە تاپسىرىس بەردى" دەگەن ايىپپەن ءومىر بويىنا باس بوستاندىعىنان ايىرۋ جازاسىنا كەستى. ال 2018 جىلدىڭ ناۋرىز ايىندا استانا سوتى ءابليازوۆ قۇرعان قدت (قازاقستاننىڭ دەموكراتيالىق تاڭداۋى - رەد.) قوزعالىسىن "ەكسترەميستىك ۇيىم" دەپ تانىدى. 2009 جىلدان بەرى شەتەلدە تۇراتىن ءابليازوۆ بۇل ايىپتاردىڭ ءبارىنىڭ ساياسي استارى بار ەكەنىن ايتىپ, جوققا شىعارىپ كەلەدى. ؛