11 قاڭتار, 2020 news

رەسمي: يراندىق اسكەريلەر ۋكراينالىق لاينەردى ابايسىزدا اتىپ تۇسىرگەنىن مويىندادى

bbc.com

بۇل جونىندە يراندىق اسكەريلەر ءمالىم ەتتى. "ۋكراينا حالىقارالىق اۆياجەلىسىنىڭ" ؛بوينگ ۇشاعىنا يران-اقش تەكەتىرەسى ءورشىپ تۇرعان شاقتا ؛ اسكەري وپەراسيالار ءجۇرىپ جاتقان جەردەن ۇشىپ بارا جاتقاندا شابۋىلداعان. اسكەريلەر ونى اقش نىسانى ەكەن دەپ قالعان, دەپ جازادى ؛qamshy.kz اقپارات اگەنتتىگى ؛bbc ؛تاراتقان اقپاراتقا سۇيەنىپ.

يران قارۋشى كۇشتەرى باس شتابى اپات ادامي فاكتور سەبەبىنەن بولعانىن, كىنالىلەر جاۋاپقا تارتىلاتىنىن حابارلادى.

تۋيتتەردە جازبا قالدىرعان يراننىڭ سىرتقى ىستەر ءمينيسترى موحامماد دجاۆاد زاريف تە اپاتتىڭ اقش-تىڭ اۆانتيۋريستىك اركەتىنەن تۋعان ساياسي شيەلەنىس كەزىندە ادام قاتەلىگىنىڭ كەسىرىنەن بولعانىن جازدى.

يران باسشتابىنىڭ حابارلاۋىنشا, يراننىڭ اقش اسكەري بازالارىنا جاساعان شابۋىلىنان بىرنەشە ساعاتتان كەيىن امەريكالىق اسكەري ۇشاقتاردىڭ ۇشۋى جيىلەگەن. بۇل اۋە كۇشتەرى اراسىنداعى قاتەردى ارتتىرا ءتۇسىپ, اسكەريلەردىڭ سەزىمتالدىعىنا سوقتىرعان.

ۋكراينالىق لاينەر 8 قاڭتاردا اپاتقا ۇشىراعان بولاتىن. اپاتتان ۇشاق ىشىندە بولعان 167 جولاۋشى, 9 ەكيپاج مۇشەسىنىڭ ءبارى قازا تاپقان.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر