• usd 389.52
  • eur 429.21
  • rub 6.07
  • cny 54.94
29 قاڭتار, 11:04:34
قازاقستان ۋكراينانىڭ ساۋدا نارىعىنا الاڭداۋلى

09 قاڭتار, 2020 بارلىق ايماقتار

اپەللياسيا سوتى تۇرمەگە قامالعان ءجۋرناليستى اقتاپ, كەشىرىم سۇرادى

ازاتتىق

تۇركىستان وبلىستىق سوتى جەرگىلىكتى شەنەۋنىكتىڭ "ار-نامىسىنا ءتيىپ, قورلاعان" دەگەن ايىپپەن سوتتالعان سارىاعاشتىق جۋرناليست امانگەلدى باتىربەكوۆتى اقتاپ, قاماۋدان بوساتتى. جابىرلەنۋشى سوت شەشىمىنە پىكىر بىلدىرۋدەن باس تارتتى. "جالا جابۋ" جانە "قورلاۋ" بابى بويىنشا جۋرناليسكە قارسى تاعى ءبىر ءىستى سوت قاراپ جاتىر دەپ جازادى qamshy.kz اقپارات اگەنتتىگى ازاتتىقتىڭ دەرەگىن نەگىزگە الىپ. ؛

قاڭتاردىڭ 9-ى كۇنى تۇركىستان وبلىستىق سوتىنىڭ اپەللياسيا القاسى جەرگىلىكتى كەلەس اۋدانى ءبىلىم ءبولىمىنىڭ باسشىسى, جابىرلەنۋشى باحتيار ابديەۆكە "جالا جاۋىپ", "قورلاعان" دەگەن ايىپپەن 2 جىل 3 ايعا تۇرمەگە قامالعان "سارىاعاش ينفو" گازەتىنىڭ باس رەداكتورى ءارى "سارىاعاش-ادىلەت" قوعامدىق بىرلەستىگىنىڭ ءتوراعاسى امانگەلدى باتىربەكوۆتى اقتادى.

"امانگەلدى باتىربەكوۆ قىلمىستىق كودەكستىڭ 130-بابىنىڭ ء3-بولىمى ("جالا جابۋ") جانە 131-بابىنىڭ ء2-بولىمى ("قورلاۋ") بويىنشا كىناسىز دەپ تانىلىپ, (ونىڭ ىس-ارەكەتىندە) قىلمىس قۇرامىنىڭ بولماۋىنا بايلانىستى اقتالسىن. باتىربەكوۆ سوت زالىندا دەرەۋ قاماۋدان بوساتىلسىن" دەدى ۇكىمدى وقىعان وبلىستىق سوت القاسىنىڭ ءتوراعاسى تاۋباي قادىرباەۆ. سۋديا ءجۋرناليستىڭ شەككەن زياندى ءوندىرىپ الۋ تۋرالى شاعىم بەرۋگە قۇقىعى بار ەكەنىن حابارلادى.

قاماۋدا وتىرعان 54 جاستاعى امانگەلدى باتىربەكوۆتى قولداۋعا تۇركىستانعا قازاقستاننىڭ ءار ايماعىنان كەلگەن ونداعان ادام سوت شەشىمىنە ريزالىعىن ءبىلدىرىپ, "ادىلدىك جاساسىن!" دەپ ايعايلادى. سوت القاسىنىڭ ءتوراعاسى قادىرباەۆ وتكەن جىلعى قىركۇيەكتىڭ 23-ىنەن بەرى قاماۋدا وتىرعان امانگەلدى باتىربەكوۆتەن مەملەكەتتىڭ جانە سوتتىڭ اتىنان كەشىرىم سۇرادى.

سوت زالىنان بوستاندىققا شىققان سوڭ امانگەلدى باتىربەكوۆ قىسقاشا سۇحبات بەردى.

- سوتتىڭ قارا قىلدى قاق جارىپ ءادىل شەشىم شىعارعانىنا ريزامىن. مەنى قولداعان قازاقستاننىڭ ءىشى مەن سىرتىنداعى بارشا جۇرتقا, ء"ادىل ءسوز" قورىنا العىسىمدى بىلدىرەمىن, - دەدى باتىربەكوۆ.

وزىنە قارسى سوت پروسەسىن كاسىبي قىزمەتىمەن بايلانىستىرعان ول جۇمىسىن ارى قاراي دا جالعاستىرا بەرەتىنىن ايتتى.

&ndash؛ مۇنىڭ ارتىندا تۇرعان - سىبايلاس جەمقورلىققا قارسى كۇرەسىم. كەۋدەمدە جانىم تۇرعاندا سىبايلاس جەمقورلىققا قارسى كۇرەستى جالعاستىرامىن, - دەپ مالىمدەدى جۋرناليست, قوعامدىق ۇيىم جەتەكشىسى باتىربەكوۆ.

امانگەلدى باتىربەكوۆتىڭ الەۋمەتتىك جەلىدە جاريالاعان جازبالارى ءوز ار-نامىسىنا ءتيىپ, قورلاعانىن ايتىپ, سوتقا شاعىمدانعان جابىرلەنۋشى, كەلەس اۋدانى ءبىلىم ءبولىمىنىڭ باسشىسى باحتيار ابديەۆ بەيسەنبىدەگى وبلىستىق سوت شەشىمىن سارىاعاش اۋدانى سوتىنان بەينەبايلانىس ارقىلى تىڭدادى. سوت شەشىمى جاريالاعاننان كەيىن پىكىرىن سۇراعان جۋرناليستكە "ازىرگە پىكىر بىلدىرۋگە دايىن ەمەسىن" ايتتى. ونىڭ ادۆوكاتى گۇلجان ابدۋكاليكوۆا بۇل جولعى وتىرىسقا قاتىسقان جوق. ەكەۋى دە سوت پروسەسى كەزىندە وزدەرىن سۋرەت پەن ۆيدەوعا تۇسىرۋگە قارسى بولدى.

قاڭتاردىڭ ء8-ى كۇنى وبلىستىق سوت القاسىنىڭ وتىرىسىنداعى ءجارىسسوز كەزىندە جابىرلەنۋشى باحتيار ابديەۆ اۋداندىق سوتتىڭ ۇكىمىن كۇشىندە قالدىرىپ, باتىربەكوۆتىڭ اپەللياسيا شاعىمىن قاناعاتتاندىرماۋدى سۇراعان ەدى. ونىڭ ادۆوكاتى گۇلجان ابدۋكاليكوۆا باتىربەكوۆ پەن ونىڭ قورعاۋشىلارىنىڭ ۋاجدەرىمەن مۇلدە كەلىسپەيتىنىن, اۋداندىق سوت زاڭدى ۇكىم شىعاردى دەپ سانايتىنىن ايتقان.

"باتىربەكوۆ ابديەۆتىڭ سوڭىنان شام الىپ ءتۇسىپ, كىمنىڭ قۇقىعىن بۇزىپ, قورعاپ جۇرگەنى بەلگىسىز. ءبىر ەمەس, ون ءبىر رەت "كەلەستەگى كەڭكەلەستىك" دەگەن تاقىرىپپەن جازبا جاريالادى. بۇل &ndash؛ قاساقانا قۋدالاۋ, قىلمىستى قاساقانا جاساعانىن بىلدىرەدى. باتىربەكوۆكە بىرەۋدى كەمسىتۋگە, قورلاۋعا, مۇقاتۋعا, جالا جابۋعا كىم قۇقىق بەردى؟ "تۋپوي" دەگەن ءسوز قورلاۋعا جاتپايدى دەيدى. بەلگىسىز بىرەۋگە سىلتەمە جاسادىم دەپ جاۋاپكەرشىلىكتەن قاشىپ, ايلاعا سالدى. سىن ماقالالاردى جازسىن. ءبىراق سىن ماقالا جازۋ - بىرەۋدى قورلاۋ دەگەن ءسوز ەمەس. قولىمەن ىستەگەندى موينىمەن كوتەرە ءبىلۋى كەرەك" دەدى ادۆوكات ءجارىسسوز كەزىندە.

ىلمەك سوزدەر: جۋرناليست قازاقستان

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر