08 قاڭتار, 2020 ساياسات

توقاەۆ تاياۋ شىعىستاعى احۋالعا بايلانىستى اقوردادا كەڭەس وتكىزدى

akorda.kz

بۇگىن, 8 جەلتوقساندا قازاقستان پرەزيدەنتى قاسىم-جومارت توقاەۆ اقوردادا تاياۋ شىعىستاعى احۋالعا بايلانىستى كەڭەس وتكىزدى. اقوردا سايتىنىڭ جازۋىنشا, كەڭەسكە پرەزيدەنت اكىمشىلىگى باسشىسى, پرەمەر-مينيستردىڭ ورىنباسارى, قاۋىپسىزدىك كەڭەسىنىڭ حاتشىسى, ۇلتتىق قاۋىپسىزدىك كوميتەتى ءتوراعاسى, سىرتقى ىستەر ءمينيسترى, قورعانىس ءمينيسترى, ىشكى ىستەر ءمينيسترى جانە قارۋلى كۇشتەر باس شتابىنىڭ باستىعى قاتىسقان. ؛

اقوردانىڭ حابارلاۋىنشا, سىرتقى ىستەر ءمينيسترى مۇحتار تىلەۋبەردى مەن باسقا دا ۆەدومستۆو باسشىلارى تاياۋ شىعىستاعى قازىرگى احۋال تۋرالى بايانداعان.

"قازاقستان پرەزيدەنتى پارسى شىعاناعى ايماعىنداعى احۋالدىڭ كۇرت شيەلەنىسۋىنە الاڭداۋشىلىق ءبىلدىرىپ, اتالعان ءىس-قيمىلدارعا قاتىسۋشى تاراپتاردىڭ بارىنشا ۇستامدىلىق تانىتۋى قاجەتتىگىن ايتىپ, قاقتىعىستاردى ديپلوماتيالىق ادىس-تاسىلدەرمەن, ەڭ الدىمەن, بۇل ىسكە بۇۇ ارالاستىرا وتىرىپ, سونداي-اق ەكىجاقتى بايلانىستار مەن كەلىسسوزدەر ارقىلى رەتتەۋ مۇمكىن ەكەنىن اتاپ ءوتتى.

كەڭەس قورىتىندىسى بويىنشا مەملەكەت باسشىسى قازاقستاننىڭ تاياۋ شىعىستاعى ەلشىلىكتەرى مەن ونداعى قىزمەتكەرلەردىڭ قاۋىپسىزدىگىن قامتاماسىز ەتۋدى, ەلىمىزدەگى شەتەلدىك ديپلوماتيالىق وكىلدىكتەر مەن كومپانيالار كەڭسەلەرىنىڭ قاۋىپسىزدىگىن ساقتاۋ ءۇشىن شارالار قابىلداۋدى, مەملەكەتىمىزدىڭ ۇلتتىق مۇددەسىنە قاتىستى ماڭىزدى اقپاراتتاردى الۋ جانە تالداۋ جۇمىستارىن كۇشەيتۋدى تاپسىردى. حالىقارالىق احۋالدىڭ شيەلەنىسۋى جاعدايىندا قازاقستاننىڭ الەۋمەتتىك-ەكونوميكالىق دامۋ جانە قورعانىس الەۋەتىن كۇشەيتۋ ماسەلەلەرىنە ەرەكشە كوڭىل بولىنەدى" - دەلىنگەن اقوردا تاراتقان حابارلامادا. ؛

3 قاڭتاردا يراك استاناسى باعداتتا يران يسلام رەۆوليۋسياسى كورپۋسىنىڭ "قۇدس" ارنايى جاساعىنىڭ قولباسشىسى گەنەرال كاسەم سۇلەيماني اقش-تىڭ اۋە شابۋىلىنان مەرت بولعاننان كەيىن يران مەن اقش اراسى ودان سايىن ۋشىعىپ كەتكەن. سۇلەيمانيدى ءولتىرۋ تۋرالى بۇيرىقتى اقش پرەزيدەنتى دونالد ترامپ بەرگەنى تۋرالى ايتىلدى.

قاڭتاردىڭ ء8-ى كۇنى يران اقش اسكەريلەرى مەن كواليسيا كۇشتەرى شوعىرلانعان يراكتاعى بىرنەشە نىساندى ونداعان زىمىرانمەن اتقىلاعان بولاتىن. "ولاردىڭ اراسىندا يراكتىڭ باتىسىنداعى ءال-اساد جانە ەربيلدەگى بازا دا بار" دەپ حابارلادى پەنتاگون.

اقش قورعانىس مينيسترلىگىنىڭ رەسمي وكىلى دجوناتان حوفمان "بۇل زىمىرانداردى يراننىڭ جىبەرگەنى انىق" دەدى. ول شىعىن مولشەرى انىقتالىپ جاتقانىن ايتتى.

اقش-تا تىركەلگەن بارلىق اۋە كومپانيالارىنا يران, يراك جانە ومان شىعاناعىنىڭ اۋە كەڭىستىگىنەن ۇشۋعا تىيىم سالىندى. ؛

بۇعان دەيىن تەگەران "سۇلەيمانيدى ولتىرگەن اقش-تان كەك الۋعا" ۋادە ەتكەن. اقش پرەزيدەنتى دونالد ترامپ "ەگەر تەگەران اقش-قا شابۋىلدايتىن بولسا, يراننىڭ 52 نىسانىنا سوققى بەرىلەتىنىن" مالىمدەگەن.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر