08 قاڭتار, 2020 news

دەموكراتيا باستاماشىلارى قۇرىلتاي سەزد وتەتىن كۇندى بەلگىلەدى

facebook.com

بۇل تۋرالى ؛دەموكراتيالىق پارتيا قۇرۋعا ىنتالى باستاماشىل توپ جەتەكشىسى جانبولات ماماي ءوزىنىڭ الەۋمەتتىك جەلىدەگى پاراقشاسىندا حابارلادى.

"قۇرمەتتى اعايىن!

26 جەلتوقسان كۇنى قر ادىلەت مينيسترلىگى دەموكراتيالىق پارتيانى قۇرۋ بويىنشا باستاماشىل توپتىڭ ءتىزىمىن راستادى.

"ساياسي پارتيالار تۋرالى" زاڭىنا سايكەس, بۇل ءتىزىم راستالعان كۇننەن ەكى ايدىڭ ىشىندە ۇيىمداستىرۋ كوميتەتى پارتيانىڭ قۇرىلتاي سەزىن وتكىزۋى ءتيىس.

وسىعان وراي, دەموكراتيالىق پارتيانى ۇيىمداستىرۋ كوميتەتى 2020 جىلدىڭ 22 اقپانىندا, ساعات 11:00-دە, الماتى قالاسى, "almaty hall" مەيرامحاناسىندا (ابىلاي حان كوشەسى 125, جامبىل كوشەسىنىڭ قيىلىسىندا) پارتيانىڭ قۇرىلتاي سەزىن (كونفەرەنسيا) وتكىزەتىنىن حابارلايدى.

بۇل جيىنعا دەموكراتيالىق پارتيانى قولداۋشى باستاماشىل توپ وكىلدەرىن, قوعام بەلسەندىلەرىن, جۋرناليستەردى جانە قازاقستاننىڭ پاتريوت ازاماتتارىن شاقىرامىز!

دەموكراتيالىق پارتيانىڭ قۇرىلتاي سەزىنە قاتىسامىن دەگەن ازاماتتاردىڭ قوسىمشا سۇراقتارى بولسا, مىنا تەلەفونعا حابارلاسۋعا بولادى: +7 747 644 2979

الماتىداعى ۇيىمداستىرۋ كوميتەتىنىڭ مەكەن جايى: 8-ىقشاماۋدان, ءۇي 4ا, 405 كابينەت" دەلىنگەن قوعام بەلسەندىسىنىڭ جازباسىندا.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر