ساۋالناما قورىتىندىسىنا ساي, ەرەسەك امەريكالىقتاردىڭ 53 پايىزى پرەزيدەنتتىڭ يرانعا قاتىستى ساياساتىن قولدامايدى. بۇنداي پىكىردەگىلەر جەلتوقساننىڭ ورتا شەگىندە جۇرگىزىلگەن ساۋالناماعا قاتىسۋشىلاردان 9 پايىزعا ارتىق. كەلىسپەيتىندەرىن ايتقانداردىڭ 39 پايىزى يرانعا قاتىستى ارەكەتكە ۇسىلدى-كەسىلدى قارسىلىعىن بىلدىرگەن.
ترامپ ارەكەتىنە قاتىستى ەلدەگى باستى پارتيالاردىڭ كوزقاراسى دا قاق جارىلىپ وتىر. دەموكراتتار مەن تاۋەلسىز سايلاۋشىلار پرەزيدەنت ساياساتىمەن كەلىسپەيتىندەرىن ايتسا, رەسپۋبليكاشىلدار قولداپ وتىر.
يرانداعى جاعداي پرەزيدەنت رەيتينگىنە كوپ اسەر ەتە قويماعان. ترامپ جۇمىسىنا 41 پايىز امەريكالىقتاردىڭ كوڭىلى تولسا, 54 پايىزى قارسى پىكىردە.
3-6 قاڭتاردا جۇرگىزىلگەن ساۋالداناما بارىسىندا امەريكالىقتاردىڭ 41 پايىزى يران اقش-قا قاتەر توندىرەدى دەپ ەسەپتەيتىنى انىقتالدى. زەرتتەۋگە قاتىسقانداردىڭ 71 پايىزى اقش الداعى بىرنەشە ايدا يرانمەن سوعىسادى دەپ جاۋاپ بەرگەن.
بۇعان دەيىن, 3 قاڭتاردا يسلام رەۆوليۋسياسى كورپۋسىنىڭ "قۇدىس كۇشتەرى" ارنايى جاساعىنىڭ قولباسشىسى سۇلەيماني يراك استاناسى باعداتتىڭ اۋەجايىندا اقش-تىڭ اۋە شابۋىلى كەزىندە قاتا تاپقان. ارتىنشا شابۋىل جاساۋعا اقش پرەزيدەنتى دونالد ترامپتىڭ بۇيرىق بەرگەنى انىقتالدى. بۇعان شامدانعان يران ؛اقش-تان كەك الاتىنىن مالىمدەدى.
پىكىر قالدىرۋ
پىكىر