كانادادا قازاقستاندىق ستۋدەنتتىڭ جەرلەۋ ءراسىمى ءوتتى (ۆيدەو)

قايتىس بولعان قازاقستاندىق ستۋدەنت كانادادا جەرلەندى ؛دەپ جازادى qamshy.kz اقپارات اگەنتتىگى ctv news سايتىنىڭ دەرەگىن نەگىزگە الىپ. ؛centennial كولەدجى دامير قۇساين اتىنداعى ستيپەنديا تاعايىندادى.

ستۋدەنتتىڭ اناسى مەن تۋىستارى, كوللەدج اكىمشىلىگى مارقۇممەن قوشتاسىپ, 4 قاڭتاردا جەرلەۋ ءراسىمىن وتكىزدى. مارقۇمنىڭ اناسى ءداميردىڭ مۋزىكانى جاقسى كورگەنىن, اعىلشىن تىلىندە ولەڭ جازعانىن جانە كانادا ازاماتى بولۋدى ارمانداعانىن ايتتى. ؛

"ول كانادادا وقيمىن دەگەن بالا كەزدەگى ارمانىن ورىندادى. مەن ۇزاق ۋاقىت بويى سەنگىم كەلمەدى. ماعان قاتەلەسىن حابارلاسقان شىعار دەپ ويلادىم, سولاي بولعانىن قالادىم. ۇلىمنان ايىرىلعانىم تۋرالى ويلاعىم دا كەلمەدى. كەلەسى كۇنى مەنى 31 جەلتوقسانعا دەيىن اۋرۋحاناعا جاتقىزدى. سەبەبى ۇلىمنىڭ قايتىس بولعانىن ەستىگەندە سترەسستەن ورىنىمنان قوزعالا الماي قالدىم", - دەدى جەرلەۋ راسىمىندە ءداميردىڭ اناسى. ؛

كەيىن اناسى ءداميردى ءوزى ارمانداعان ەلگە جەرلەگەندى ءجون دەپ شەشكەن. ؛

centennial place جاتاقحاناسىنىڭ ديرەكتورى ؛مەتيۋ فلەمينگ دامير قۇسايننىڭ ءتۇرلى ءىس-شارالارعا بەلسەندى قاتىسقان ستۋدەنت رەتىندە تانيتىنىن ايتتى. ؛

"ول ءوزىنىڭ اينالاسىنداعى ادامدارعا "جان دۇنيەڭ كوركەم" دەپ ايتاتىنى ەسىمدە. ءبىراق شىن مانىندە ەڭ مەيرىمدى جۇرەكتىڭ يەسى دامير بولاتىن. ونىڭ جان دۇنيەسى تازا ەدى. ول جاناشىر, جۇرەگى نازىك ءارى ۇقىپتى ستۋدەنت بولاتىن. دامير بارىنە بىردەي ادال, جاناشىر دوس بولا ءبىلدى. مەن ونى ساعىناتىن بولامىن", - دەدى مەتيۋ فلەمينگ. ؛

سونداي-اق ول روبوتوتەحنيكادا وقيتىن, ەڭ جوعارى ورتاشا بالل العان ستۋدەنتكە 500 دوللار كولەمىندەگى ؛دامير قۇساين اتىنداعى ستيپەنديا تاعايىندالاتىنىن ايتتى. ؛

ەسكە سالساق, ؛22 جەلتوقساندا كەشكىسىن كانادادا كولىك جۇرگىزۋشى تورونتودان سكاربورو ايماعىندا قازاقستان ستۋدەنتىن قاعىپ كەتتى.