"؛نازارباەۆ الدىمىزعا كەلىپ, ناقتى سۇراقتارىمىزعا جاۋاپ بەرەتىن"؛

كورنەكتى مەملەكەت قايراتكەرى, حالىقتىڭ ناعىز جاقتاۋشىسى, قايسار وپپوزيسيونەر, ويشىل عالىم, اتى اڭىزعا اينالعان قازاقتىڭ ءبىرتۋار ۇلى سەرىكبولسىن ءابدىلدين ومىردەن وزدى. ەلىمىزدىڭ تۇپكىر-تۇپكىرىنەن, الىس شەتەلدەردەن مارقۇمنىڭ ارتىنان كوڭىلدەرىن مىڭداعان قاراپايىم ادامدار, بەلگىلى تۇلعالار قايعىعا ورتاق ەكەندەرىن ءبىلدىرىپ, سىڭىرگەن ەڭبەكتەرىن اتاپ جاتىر.

بۇل كىسىنىڭ حالقىنا ىستەگەن قىزمەتى, مەملەكەتتىگىمىزدى قالىپتاستىرۋداعى سىڭىرگەن ەڭبەگى, اسىرەسە تاۋەلسىزدىگىمىزدىڭ زاڭنامالىق نەگىزىن قالاۋداعى جوعارعى كەڭەستىڭ ءتوراعاسى رەتىندە كورسەتكەن ەرلىگى قازاقستاننىڭ جاڭا تاريحىندا التىن ارىپتەرمەن جازىلاتىنىنا ەش كۇمان جوق. سەكەڭنىڭ دانالىعىنىڭ ارقاسىندا حالىقتان سايلانعان, بۇقارانىڭ اماناتىن جالاۋ ەتكەن وت اۋىز, وراق ءتىلدى دەپۋتاتتاردى تەكە تىرەسكە جىبەرمەي, داۋىلدارعا اينالعان پىكىرتالاستاردا, «؛تىعىرىققا تىرەلگەن»؛ ساتتەردە دانالىق ءسوزىن ايتىپ, جول تابا بىلگەنىنە ءوزىم دە تالاي كۋا بولدىم.

ۇلى تۇلعا, تالانتتى ساياساتكەر ءابدىلديننىڭ ءتوراعالىعىنىڭ ارقاسىندا قىزۋ تالاستار مەن قايشىلىقتار ەڭسەرىلىپ, تاۋەلسىزدىك جاريالانىپ, تۇنعىش كونستيتۋسيامىز قابىلدانىپ, مەملەكەتتىك رامىزدەر بەكىتىلدى. سەرىكبولسىن اعامىز ەلىمىزدىڭ تاريحىندا وشپەس ءىز قالتىردى.

شىنايى بالاما ارقىلى قازاقستان پارلامەنتىنىڭ ءتوراعاسى بولىپ جاڭا تاريحىمىزدا سايلانعان جالعىز تۇلعا &ndash؛ سەرىكبولسىن ءابدىلدين. وسىلاي سايلانعانىنىڭ ارقاسىندا ول جەر-جەرلەردەن دەموكراتيالىق جولمەن 1990-شى جىلى سايلانعان 360 دەپۋتاتتى باسقارا ءبىلدى. ءارقايسىسىنىڭ پىكىرىمەن ساناسىپ, ءپرينسيپتى قارىم-قاتىناس قۇرىپ, كوپشىلىكتىڭ كوڭىلىن تابا ءبىلدى دە, جەتەكشىلىك ەتتى. «؛ەكى قوشقاردىڭ باسى ءبىر قازانعا سىيمايدى»؛ دەگەندى ەسكە الىپ, تۇڭعىش ءتوراعا ۇلكەن ساياسي تالانتتىڭ يەسى ەكەنىن مويىنداۋىمىز كەرەك.

سەكەڭ ەسىمە ءتۇسىپ, ء1994-شى جىلى سايلانعان جوعارعى كەڭەستىڭ ء13-شى شاقىرىلىمىنىڭ باسشىلارىنىڭ دارمەنسىزدىگىنە شىداي الماي, كومەكشىلەرىنىڭ جازىپ بەرگەندەرىن عانا وقىپ وتىرعان «؛كوسەمدەردى»؛ ورىندارىنان كەتۋلەرىن تالاپ ەتتىم. سەبەبى, ءابدىلديننىڭ بەلسەندىلىگى مەن ءۇشىن ۇلكەن ۇلگى, دەموكراتيالىق ستاندارتقا اينالدى.

توراعانىڭ ارقاسىندا دەپۋتاتتىق قىزمەتىمىزدىڭ كەرەكتىگىن, ەل الدىنداعى جاۋاپكەرشىلىگىمىزدى انىق سەزىنەتىن بولدىق. پارلامەنتتىڭ بەدەلى تاۋداي بولعانى دا جەتەكشىمىزدىڭ ارقاسى دەپ سانايمىن. جالپى وتىرىستارعا, كەيدە, كوميتەت وتىرىستارىنا پرەزيدەنتتىڭ ءوزىن كۇردەلى ماسەلەلەر بويىنشا شاقىرىپ الاتىنبىز. نازارباەۆ الدىمىزعا كەلىپ, ناقتى سۇراقتارىمىزعا جاۋاپ بەرەتىن. قىزىپ كەتكەن كەيبىر ارىپتەستەرىمىز نازارباەۆتىڭ ءوزىن سىناپ, ۇسىنعان ادامدارىن وتكىزبەي قويعان جەرلەرىمىز دە بولعان. بۇنى دا قاتارداعى جاعداي دەپ بارلىعىمىز قابىلدايتىنبىز.

سەكەڭنىڭ تاعى ءبىر قاسيەتى &ndash؛ ادامگەرشىلىگى, قاراپايىمدىلىعى. ول كىسى ەشقاشان شالقايمادى, شىرەنبەدى. ءتوراعا بولىپ ءجۇرىپ, قاتارداعى دەپۋتاتتارمەن ءوزىن تەڭ ۇستادى. شىدامدىلىعى تاڭقالارلىق. كەيدە, «؛دەرەۋ ءسوز بەرە قويمادىڭىز»؛ دەپ قاتتى سىنعا الاتىنبىز. ارتىق ايتىپ قويعان جەرلەرىمىز دە بولدى. ءوزىم دە ءتىل تيگىزگەنىم بار. ول كىسى بولسا, ءبىر دە ءبىر رەت رەنىشىن كورسەتىپ, كەك ساقتاعان ەمەس. بۇل ۇلى تۇلعاعا ءتان قاسيەت.

ابدىلدين تاعى ءبىر ستاندارت كورسەتىپ كەتتى. جوعارىدا جۇرگەن «؛كوسەمدەر»؛ ءجيى-جيى ۇلكەن ساياساتتىڭ كىر, لاس ەكەندىگىن, وزدەرىنىڭ امالسىزدان سول ورتادا جۇرگەندىگىن تىلگە تيەك ەتەتىندىگى بار. كوپتەگەن باسشىلارىمىزدىڭ ارتىنان ەرگەن سىبايلاس جەمقورلىققا بايلانىستى جانجالداردىڭ كۋاسىمىز. ال, سەكەڭنىڭ ارتىنان ءبىر جامان ءسوز ەرمەدى. ءوزى بەت جۇزىنە قاراماي باسشىلاردى قاتتى سىنعا الىپ ءجۇردى. شەتەلگە قاشىپ بارىپ ەمەس, بەتتەرىنە باسىپ تۇرىپ بار شىندىعىن ايتاتىن. بۇل تازالىقتان, ادالدىقتان تۋعان ەرلىك بارشاعا ۇلگى بولارلىق.

الى سەكەڭ تۋرالى ايتار ءسوزىمىز الدا...

بۇگىن مارقۇمنىڭ جانباسى جەرگە ءتيدى. سەرىكبولسىن اعامىز ماڭگى جۇرەگىمىزدە دەگىم كەلەدى. جانى جاناتتا, توپىراعى تورقا بولسىن!

 ؛

پارلامەنت ءماجىلىسىنىڭ بۇرىنعى دەپۋتاتى ؛سەرىك ءابدىراحمانوۆتىڭ ؛facebook پاراقشاسىنان الىندى

 ؛