جورگەكپۇل, جاردەماقى, شاكىرتاقى وسەدى. بۇگىننەن باستاپ قازاقستاندا نە وزگەردى؟

جاردەماقى

تىشقان جىلىندا كوپبالالى وتباسىلارعا ارنالعان الەۋمەتتىك كومەكتىڭ جاڭا ءتۇرى ۇسىنىلماق.

وتباسىلىق تابىس ەسكەرىلمەستەن 4 بالاسى بار وتباسىلارعا 42 500 تەڭگە, 5 بالاعا &ndash؛ 53 125 تەڭگە, 6 بالاعا &ndash؛ 63 750 تەڭگە, 7 جانە ودان دا كوپ بالالارعا 74 375 تەڭگە تولەنەدى.  ؛

2020 جىلى اتاۋلى الەۋمەتتىك كومەكتى بەرۋ دە جالعاسىن تابادى. ؛ەسكەرە كەتەتىنى, مەملەكەت اتالمىش جاردەماقىنى تاعايىنداۋدا وتباسىلىق تابىستى ەسەپتەپ, وسى ارقىلى جاردەماقىنى شىنايى مۇقتاج ازاماتتاردىڭ عانا الۋىن قامتاماسىز ەتپەك. بۇل ءۇشىن ەڭبەككە قابىلەتتى وتباسى مۇشەسىنە جۇمىس ۇسىنىلادى. جۇمىستان باس تارتقان جاعدايدا, ااك تولەمى تۇتاس وتباسى ءۇشىن توقتاتىلادى. ؛

بالا دۇنيەگە كەلگەندە بەرىلەتىن جورگەكپۇل كولەمى دە ارتپاق. ءبىرىنشى, ەكىنشى جانە ءۇشىنشى بالا ءۇشىن 100 766 تەڭگە, ءتورتىنشى بالاعا 167 076 تەڭگە تولەنەدى. ؛

2020 جىلى ەڭ تومەنگى ەڭبەكاقى مولشەرى (42 500 تەڭگە) وزگەرىسسىز قالادا.

زەينەتاقى

مەملەكەتتىك بازالىق زەينەتاقى مولشەرى بەس پايىزعا ارتىپ, 16 839 تەڭگە, زەينەتاقىنىڭ ەڭ تومەنگى مولشەرى 38 636 تەڭگە بولادى. ؛

جالاقى

1 قاڭتاردان باستاپ مۇعالىمدەردىڭ جالاقىسى 25%-عا, مادەنيەت سالاسىنداعى قىزمەتكەرلەردىڭ ەڭبەكاقىسى 35%-عا, كەيبىرىنىڭ جالاقىسى 50%-عا دەيىن, الەۋمەتتىك سالا قىزمەتكەرلەرىنىڭ ەڭبەكاقىسى 30-60%-عا دەيىن ارتادى.

جۇرگىزۋشىلەرگە قۇلاققاعىس

قازاقستاندا بەنزين باعاسى قىمباتتايدى. وتاندىق مۇناي وڭدەۋ زاۋىتتارىندا وندىرىلەتىن جانار-جاعارماي باعاسى تونناسىنا 10 500 تەڭگەدەن 24 435 تەڭگەگە ارتپاق. بۇل جانارماي قۇيۋ بەكەتتەرىندە بەنزيننىڭ 10 تەڭگەگە قىمباتتاۋىنا سوقتىرادى. جينالعان قاراجات الەۋمەتتىك جوبالاردى, ونىڭ ىشىندە اتاۋلى الەۋمەتتىك كومەكتى قارجىلاندىرۋعا جۇمسالماق.

سونداي-اق ماس كۇيىندە جول-كولىك وقيعاسىنا ۇشىراپ, ەكى نەمەسە ودان دا كوپ ادامنىڭ ءولىمى تىركەلگەن جاعدايدا جۇرگىزۋشىنى 7 جىلدان 10 جىلعا دەيىن باس بوستاندىعىنان, ؛ ءومىر بويىنا كولىك ايداۋ قۇقىعىنان ايىرۋدى كوزدەيتىن زاڭ كۇشىنە ەنبەك.

نەسيە

1 قاڭتاردان باستاپ ايلىق تابىسى كۇنكورىس دەڭگەيىنەن تومەن, ياعني 31 183 تەڭگەدەن از تاباتىن ازاماتتارعا نەسيە بەرىلمەيدى. زاڭعا سايكەس كرەديت بەرەتىن بارلىق سۋبەكتتەر ؛&ndash؛ لومباردتار, شاعىن قارجى ۇيىمدارى جاڭا نورمانى ۇستانۋى ءتيىس. سونداي-اق كەپىلسىز نەسيەلەردىڭ تولەنبەگەنىنە 90 كۇن تولعاندا, ءوسىمپۇل, كوميسسيا قوسىلۋى توقتاتىلادى.

شاكىرتاقى

ستۋدەنتتەر شاكىرتاقىسى 25 پايىزعا ارتادى. ول ءۇشىن رەسپۋبليكالىق بيۋدجەتتەن 18 ملرد تەڭگە كولەمىندە قارجى قاراستىرىلعان.