تارازدا اسقار توقپانوۆتىڭ ەسكەرتكىشى اشىلدى

بۇگىن تاراز قالاسىندا جامبىل وبلىسىنىڭ 80 جىلدىق مەرەيتويى سالتاناتتى تۇردە تويلانىپ جاتىر. مەرەيلى داتاعا ارنالعان شارالار بارىسىندا ءبىرقاتار ەسكەرتكىشتەر مەن مادەني نىساندار پايدالانۋعا بەرىلمەك.

جامبىل وبلىسىنىڭ 80 جىلدىعىنا ارنالىپ اشىلعان رۋحاني نىسانداردىڭ العاشقىسى - اسقار توقپانوۆتىڭ ەسكەرتكىشى. وبلىستىق قازاق دراما تەاترىنىڭ نەگىزىن قالاپ, ونداعى شىعارماشىلىق ۇجىمىنىڭ كاسىبي بىلىكتىلىگىن جەتىلدىرۋگە ءوز قولتاڭباسىن قالدىرعان رەجيسسەردىڭ ءمۇسىنى ونەر ورداسىنىڭ الدىنا قويىلدى.

ەسكەرتكىشتىڭ لەنتاسىن كسرو جانە قازاقستاننىڭ حالىق ءارتىسى, قازاقستاننىڭ ەڭبەك ەرى ءاسانالى ءاشىموۆ پەن ؛ قازاقستان تەاتر قايراتكەرلەرى وداعىنىڭ ءتوراعاسى, اسقار توقپانوۆتىڭ شاكىرتى, قازاقستاننىڭ حالىق ءارتىسى ؛ تۇڭعىشباي جامانقۇلوۆ قيدى. ولار تۇلعا تۋرالى ەستى ەستەلىكتەرى مەن تاعىلىمدى ويلارىن ورتاعا سالىپ, ا.توقپانوۆ ەسكەرتكىشىنىڭ ؛ وبلىستىق تەاتر الدىنا قويىلعانى وتە ورىندى شەشىم بولعانىن باسا ايتتى.

سونداي-اق شارا بارىسىندا ا.توقپانوۆتىڭ ءومىرى مەن شىعارماشىلىعى جونىندەگى «؛توقپانوۆ تۇلعاسى»؛ اتتى ەستەلىك كىتاپتىڭ تۇساۋكەسەر ءراسىمى ءوتتى. قوناقتار ءۇشىن ا.توقپانوۆتىڭ قىزمەت جولى, ەڭبەكتەرى, ناگرادالارى, شاكىرتتەرى جايلى فوتوستەند ۇيىمداستىرىلىپ, ؛ تۇلعا تۋرالى دەرەكتى فيلم كورسەتىلدى.

ەسكە سال كەتسەك, بۇگىندە جامبىل وبلىستىق قازاق دراما تەاترىنا قازاقتىڭ تۇڭعىش كاسىبي رەجيسسەرى, حالىق ءارتىسى اسقار توقپانوۆتىڭ ەسىمىن بەرۋ بويىنشا ءتيىستى جۇمىستار جۇرگىزىلىپ جاتىر. رەسپۋبليكالىق ونوماستيكالىق كوميسسيادان قولداۋ تاپقان بۇل ۇسىنىس ؛ بويىنشا ءقازىر ۇكىمەت قاۋلىسىنىڭ جوباسى دايىندالۋدا.

وبلىس تەاترىنا تۇلعانىڭ ەسىمىن بەرۋ &mdash؛ ونەرسۇيەر قاۋىمنىڭ كوپتەن بەرگى ارمان-تىلەگى بولاتىن. ويتكەنى قازاق ونەرىنىڭ دامۋىنا ولشەۋسىز ۇلەس قوسقان تۇلعا ءوز ەڭبەك جولىندا جامبىل وبلىستىق قازاق تەاترىندا دا ەلەۋلى ەڭبەك ەتكەن. كوپتەگەن قويىلىمدار ساحنالاپ, شاكىرتتەر تاربيەلەگەن.

بۇل ۇسىنىستى وسىدان 10-15 جىل بۇرىن ءاسانالى ءاشىموۆ, ءسابيت ورازباەۆ, تۇڭعىشباي جامانقۇلوۆ سەكىلدى تەاتر ساڭلاقتارى كوتەرىپ, ۇسىنىس حات جازعانىمەن, جاۋاپسىز قالعان ەدى. وبلىس اكىمى اسقار يسابەكۇلى وسى ماسەلەنى ۇكىمەت, مادەنيەت مينيسترلىگى دەڭگەيىندە كوتەرىپ, يگى باستاما ءوز شەشىمىن تابۋدا.

ا. توقپانوۆ ەسىمى بۇعان دەيىن ەلىمىزدە ەشقانداي تەاتر مەن ونەر ۇجىمىنا بەرىلمەگەن. ال  ؛1936 جىلى قۇرىلعان وبلىستىق قازاق دراما تەاترى وسى جىلدار بويى بىردە-بىر تۇلعانىڭ اتىمەن اتالماعان. وسى تۇرعىدان العاندا بۇل باستاما كوپشىلىكتەن زور قولداۋ تابۋدا.

تەاتر رەجيسسەرىنىڭ ءمۇسىنىن بەلگىلى ءمۇسىنشى مومىش سۇلتان جاساپ شىقتى. ونىڭ قۇرىلىسىنا تانىمال مەسەنات «؛super pharm»؛ جاۋاپكەرشىلىگى شەكتەۋلى سەرىكتەستىگىنىڭ ديرەكتورى قايرات قايمولداەۆ دەمەۋشىلىك ەتكەن.