جامبىلدا وبلىستىق «كىتاپ وقىپ, رۋحاني باي بول!» بايقاۋى ءوتتى

كيەلى اۋليەاتا وڭىرىندە ايماقتىق «؛كىتاپ وقىپ, رۋحاني باي بول!»؛ بايقاۋى ءوز مارەسىنە جەتتى. قازان ايىندا باستاۋ العان بايقاۋدا ءوڭىردىڭ بارلىق اۋداندارى مەن تاراز قالاسىنان 55 قاتىسۋشى باق سىنادى. بۇل ءبىلىم باسەكەسى قازاقستان رەسپۋبليكاسىنىڭ اقپارات جانە قوعامدىق دامۋ مينيسترلىگىنىڭ باستاۋىمەن ەلىمىزدىڭ بارلىق وبلىستارىندا وتۋدە. ايتا كەتۋ كەرەك, اتالمىش بايقاۋ تۇڭعىش رەت 2018 جىلى جامبىل وبلىسىندا بەلگىلى جۋرناليست, تاراز قالالىق «؛jambyl-taraz»؛ ساياسي-قوعامدىق گازەتىنىڭ ديرەكتور-باس رەداكتورى ەلميرا مىرزا-عاليدىڭ باستاماسىمەن قولعا الىنعان ەدى.

قوعامدا رۋحاني سىلكىنىس تۋدىرعان جوبا مينيسترلىك تاراپىنان قولداۋ الىپ, باسقا ايماقتاردا دا جالعاسىن تابۋدا. كەزەكتى كىتاپ وقۋ جارىسىن جامبىل وبلىسىنىڭ «؛رۋحاني جاڭعىرۋ»؛ جوبالىق ءوفيسى مەن ءش.ۋاليحانوۆ اتىنداعى وبلىستىق امبەباپ عىلىمي كىتاپحاناسى بىرلەسىپ ۇيىمداستىردى.

ەرەجەگە سايكەس بايقاۋ 2 كەزەڭگە, 2 كاتەگورياعا بولىنگەن. بايقاۋ قاتىسۋشىلارىنا ارنايى بەلگىلەنگەن 43 كىتاپ ۇسىنىلدى. ء1-شى كەزەڭنەن ءساتتى وتكەن 22 قاتىسۋشى اقتىق سىندا وزدەرى تاڭداپ وقىعان كىتاپتاردان قويىلعان سۇراقتارعا جاۋاپ بەرىپ, جەڭىمپازدار انىقتالدى. 15 جاسقا دەيىنگى قاتىسۋشىلار اراسىنان ءىىى ورىندى جامبىل اۋدانى, بىرلەسۋ-ەڭبەك ورتا مەكتەبىنىڭ 9 سىنىپ وقۋشىسى جولدىباي ەلدوس, ءىى ورىندى جامبىل اۋدانى, بىرلەسۋ-ەڭبەك ورتا مەكتەبىنىڭ 7 سىنىپ وقۋشىسى جاحان سايدا, ءى ورىندى تاراز قالالىق №48 ت.رىسقۇلوۆ اتىنداعى ورتا مەكتەبىنىڭ 6 سىنىپ وقۋشىسى مۇحتار امينا يەلەندى. ال, 15 جاستان جوعارعى قاتىسۋشىلار اراسىندا ءىىى ورىندى تاراز قالاسى, جامبىل پوليتەحنيكالىق جوعارعى كوللەدجىنىڭ 2 كۋرس ستۋدەنتى اقنۇر باشيروۆا, ءىى ورىندى مەركى اۋدانى, №6 ورتا مەكتەبىنىڭ 10 سىنىپ وقۋشىسى ديانا جەكسەنبيەۆا, ءى ورىندى تاراز قالالىق №54 ورتا مەكتەبىنىڭ 10 سىنىپ وقۋشىسى ءاسىل اياجان يەلەندى.

بارلىق قاتىسۋشىلار مەن جەتەكشىلەرىنە العىس حاتتار, جەڭىمپازدارعا باعالى سىيلىقتاردى تابىس ەتىلدى. جۇلدەگەرلەردى جامبىل وبلىستىق «؛رۋحاني جاڭعىرۋ»؛ جوبالىق ءوفيسىنىڭ باسشىسى زارينا قۋاتوۆا ماراپاتتادى. جاستار اراسىندا كىتاپ وقۋ مادەنيەتىن دامىتىپ, ۇزدىك كوركەم ادەبي شىعارمالاردى تانىمال ەتۋ ماقساتىندا وتكەن شارا الدىڭعى ۋاقىتتا دا جالعاسىن تاباتىن بولادى.