"؛بىزدى سوتتاعان نوعاەۆ ەمەس, اقوردا, ءبىراق..."؛. تالعات ايان نوعاەۆقا جاۋاپ بەردى

بۇگىن, 19 جەلتوقساندا نۇر-سۇلتاندا جۋرناليستەر سۇراعىنا جاۋاپ بەرگەن اتىراۋ وبلىسىنىڭ بۇرىنعى اكىمى نۇرلان نوعاەۆ ؛2016 جىلى جەردى شەتەلدىكتەرگە جالعا بەرۋگە قارسى ؛اتىراۋدا وتكەن ميتينگىدە جەرگىلىكتى بەلسەندى ماكس بوقاەۆ پەن تالعات ايانعا بەرگەن ۋادەسىن ورىنداعانىن ايتقان ەدى. نوعاەۆ جۋرناليستەرگە "مەن تالعات ايان مەن ماكس بوقاەۆقا بەرگەن ۋادەمدى ورىندادىم. مەن ولارعا ميتينگ ماتەريالدارى بويىنشا قىلمىستىق قۋدالاۋعا ۇشىرامايتىنىن ايتتىم جانە سوزىمدە تۇردىم. ؛ ولار ؛ قىلمىستىق كودەكستىڭ باسقا بابى بويىنشا جاۋاپقا تارتىلدى" دەپ مالىمدەگەن. ؛

اتىراۋدا جەردى شەتەلدىكتەرگە جالعا بەرۋگە قارسى ؛ميتينگىنى ۇيىمداستىرىپ, كەيىن سول ءۇشىن سوتتالىپ شىققان قوعام بەلسەندىسى تالعات ايان نوعاەۆتىڭ مالىمدەمەسىنە قاتىستى الەۋمەتتىك جەلى ارقىلى جاۋاپ بەردى. ايان youtube-تاعى ارناسىنا جۇكتەگەن ۆيدەودا نوعاەۆتىڭ سوزدەرى شىندىققا جاناسپايتىنىن, ماكس بوقاەۆ پەن ءوزىنىڭ ۇستىنەن قوزعالعان ىستە "ميتينگ وتكىزۋ زاڭدارىن بۇزدى" دەگەن ايىپتاۋ بولعانىن ايتتى. ؛

"بۇگىن نۇرلان نوعاەۆ 2016 جىلى الاڭدا بەرگەن ۋادەمدە تۇردىم دەپ ايتىپتى. ەستەرىڭىزگە سالا كەتەيىن, 2016 جىلى 24 ساۋىردە اتىراۋداعى "ماحامبەت" الاڭىندا "جەرىمىز شەتەلدىكتەر ساتىلماسىن, جالعا بەرىلمەسىن" دەگەن تالاپپەن ميتينگ بولعان. سول جەرگە بيلىك اتىنان كەلگەن نۇرلان نوعاەۆ حالىققا, بىزگە "ەشكىم قۋدالانبايدى, ەشكىم سوتتالمايدى" دەپ ۋادە بەرگەن. ەندى ءقازىر سول ۋادەمدە تۇردىم دەپ سۇحبات بەرىپ جاتىر ەكەن. مەن مۇنى جالعان دەپ ەسەپتەيمىن. ول كىسى ۋادەسىندە تۇرعان جوق. سەبەبى ماكس بوقاەۆ ءالى تۇرمەدە وتىر. ءوزىم ەكى جىل وتىرىپ شىقتىم. نۇرلان نوعاەۆ جۋرناليستەرگە بەرگەن سۇحباتىندا "ولار باسقا باپپەن سوتتالدى" دەپ ايتىپتى. ەگەر مەنىڭ سوت ۇكىمىمە نازار اۋداراتىن بولساڭىزدار, ءبىزدى 174, 274 جانە 400-باپ بويىنشا سوتتادى. ونىڭ ىشىندە 400-باپ ؛&ndash؛ "ميتينگىنى زاڭسىز ۇيىمداستىرۋ" دەگەن باپ. ياعني, ءبىزدىڭ سوت ۇكىمىمىزدە 24 ءساۋىر كۇنى "يساتاي مەن ماحامبەت" الاڭىندا جاساعان ميتينگىمىز ءۇشىن, سول ميتينگىدە سويلەگەن ءسوزىمىز ءۇشىن, سول ميتينگىگە شاقىرعان ءۇشىن سوتتالدى دەپ ايقىن جازىلعان" ؛&ndash؛ دەيدى تالعات ايان. ؛

قوعام بەلسەندىسى "نوعاەۆتىڭ بەرگەن ۋادەسىندە تۇرا الماعى ءۇشىن كىناسى جوق بولعانىمەن, "ۋادەمدە تۇردىم" دەپ جالعان اقپارات تاراتۋدىڭ قاجەتى جوق" دەپ ەسەپتەيتىن ايتتى. ؛

"ارينە, ءبىزدى سوتتاعان نوعاەۆتىڭ جەكە ءوزى ەمەس. ءبىزدى سوتتاعان ؛&ndash؛ سوت بيلىگى. بۇل &ndash؛ ناعىز ساياسي شەشىم بولدى. ءبىزدى سوتتاعان, ءتىپتى, سوت ەمەس, ءبىزدى سوتتاعان ؛&ndash؛ اقوردا. ءبىراق نوعاەۆتىڭ بۇل جەردە كىناسى بولماسا دا, ؛"مەن ۋادەمدە تۇردىم" دەپ جالعان اقپارات تاراتۋدىڭ قاجەتى جوق" ؛&ndash؛ دەدى ايان. ؛

كەشە, 18 جەلتوقساندا پرەزيدەنت قاسىم-جومارت توقاەۆتىڭ جارلىعىمەن نۇرلان نوعاەۆ اتىراۋ وبلىسى اكىمى قىزمەتىنەن بوساتىلىپ, ەنەرگەتيكا ءمينيترى بولىپ تاعايىندالدى. ؛ نوعاەۆ 2016 جىلدىڭ ناۋرىزىنان بەرى اتىراۋ وبلىسى اكىمى قىزمەتىن اتقاردى. ول اكىم بولىپ تاعايىندالعان سوڭ بىرنەشە ايدان كەيىن اتىراۋدا حالىق جەرگە قاتىستى ميتينگىگە شىعىپ, بيلىكتەن جەردى شەتەلدىكتەرگە جالعا بەرۋگە قارسى بولعان. نوعاەۆ سول كەزدە نارازىلارمەن كەزدەسىپ, "ميتينگىگە قاتىسقاندار قۋدالانبايدى" دەپ سەندىرگەن. ءبىراق كەيىن اتىراۋداعى جەر ميتينگىسىنە قاتىسقان ماكس بوقاەۆ پەن تالعات ايان ؛"الەۋمەتتىك ارازدىق تۋدىردى", "جالعان اقپارات تاراتتى" جانە "ميتينگ وتكىزۋ زاڭدارىن بۇزدى" دەگەن ايىپپەن بەس جىلعا سوتتالعان. 2018 جىلى سوت تالعات اياننىڭ تۇرمەدەن ۋاقىتىنان بۇرىن بوساتۋ تۋرالى ءوتىنىشىن قاناعاتتاندىرىپ, ونىڭ جازاسىن شارتتى تۇرگە الماستىرعان. ماكس بوقاەۆ "قاماۋدان ۋاقىتىنان بۇرىن شىعۋعا سۇرانبايتىنىن" ايتقان. ال 2019 جىلى شىلدەدە اتىراۋداعى №2 قالالىق سوتى تالعات اياندى جازادان تولىق بوساتتى.