ەكس-پرەزيدەنت ءولىم جازاسىنا كەسىلدى

مەملەكەتكە ساتقىندىق جاسادى دەپ ايىپتالعان پاكىستاننىڭ ەكس-پرەزيدەنتى پەرۆەز مۋشارراف ءولىم جاسىنا كەسىلدى. بۇل تۋرالى samaa تەلەارناسىنا سىلتەمە جاساعان ريا نوۆوستي ؛حابارلادى. ؛

مۋشاررافقا ۇكىمدى ءۇش ادامنان تۇراتىن ارنايى سوت القاسى شىعاران. ولاردىڭ ەكەۋى ءولىم جازاسىنا كەسۋ ۇكىمىن قولداپ داۋىس بەرگەن.

تەرگەۋشىلەردىڭ مالىمەتى بويىنشا, 2001 جىلدان 2008 جىلدار ارالىعىندا پاكىستان پرەزيدەنتى قىزمەتىن اتقارعان مۋشارراف 2007 جىلى توتەنشە جاعداي ەنگىزىپ, جوعارعى سوت مۇشەلەرىن تۇتقىنداۋعا بۇيرىق بەرگەن كەزدە مەملەكەتكە وپاسىزدىق جاساعان. مۋشاررافقا قارسى قىلمىستىق ءىس 2013 جىلى پاكىستان ۇكىمەتىنىڭ باستاماسىمەن قوزعالعان.

2016 جىلدىڭ ناۋرىز ايىندا جوعارعى سوت ەكس-پرەزيدەنتتى ەلدەن كەتۋگە تىيىم سالىنعان ادامدار تىزىمىنەن الىپ تاستاعاننان كەيىن 72 جاستاعى مۋشارراف باا-گە ەمدەلۋگە كەتكەن. سودان بەرى ول دۋبايدا تۇرىپ جاتىر. تەرگەۋشىلەردىڭ نۇسقاسى بويىنشا, مۋشارراف سوت شەشىمىنەن قاشىپ ءجۇر. ؛