• usd 468.56

  • eur 497.56

  • rub 7.3

  • cny 67.18

29 ناۋرىز, 05:04:28
الماتى
+35°

بۇنداي ويدى ؛تۇركىستاندا مەكتەپ اۋماعىنداعى دارەتحانانى كۇزەتۋ مىندەتى جۇكتەلگەن ءمۇعالىم ؛&ndash؛ ؛باحىت كاۋكەنوۆ پەن تۇركىستان قالالىق پوليسيا باسقارماسىنىڭ باسشىسى دانيار مەيىرحان اراسىندا بولعان داۋلى وقيعاعا قاتىستى ؛شالقار نۇرسەيىتوۆ اتتى facebook ؛قولدانۋشىسى جازدى.

"قر ازاماتى ءارى تۇركىستان وبلىسىنىڭ تۋماسى, ءمۇعالىمنىڭ بالاسى, &ldquo؛ساياساتتانۋ&rdquo؛ جانە &ldquo؛ستراتەگيالىق كوممۋنيكاسيا&rdquo؛ ماماندىقتارى بويىنشا ديپلومى بار ادام رەتىندە &ldquo؛پودپولكوۆنيك مەيرحان vs ۇستاز كەۋكەنوۆ&rdquo؛ كەيسى جايلى ويىمدى جازىپ وتىرمىن. وسى پوست كەيبىر كىسىلەردىڭ كوڭىلىنە, كىسىلىگىنە ءتيىپ كەتسە, الدىن الا سورري.

ەڭ الدىمەن, قر ازاماتى رەتىندە ايتارىم &ndash؛ پوليسەيلەردىڭ ەشبىر نەگىزسىز بەيبىت ادامدارعا كۇش قولدانۋىنىڭ, ادام قۇقىعىن كوز الدىمىزدا كۇن سايىن تاپتاۋىنىڭ نورماعا اينالۋىنا بيلىكپەن بىرگە مەنىڭ دە ۇلەسىمنىڭ بار ەكەنىن جاقسى تۇسىنەمىن. ويتكەنى مەن كوپ جاعدايدا شاراسىزدىق پەن قورقىنىشتىڭ سالدارىنان وزگە وتانداستارىنىڭ قۇقىعى بۇزىلعان كەزدە نەمقۇرايلىق تانىتاتىن, فورماداعى ادامداردى كورگەندە بويىن جايسىزدىق بيلەيتىن كوپتىڭ ءبىرىمىن. دۇمشە-ازاماتپىن.

بىراق نكۆد-نى ەسكە سالاتىن مىنا جاعدايدا ۇندەمەي قالۋىمدى دۇمشە-ازاماتپىن دەۋمەن اقتاي الماسپىن. ويتكەنى بۇگىن ۇستاز باقىت كەۋكەنوۆكە تۋعان كۇن ەرتەڭ مەنىڭ باسىما, ارعى كۇنى ءسىزدىڭ باسىڭىزعا تۋماسىنا ەشقانداي كەپىل جوق. سوندىقتان ءاربىرىمىز زاڭ ۇستەمدىگىن ورناتۋعا اسىقپاساق, ءوز قۇقىعىمىزدى قورعاپ ۇيرەنبەسەك, قۇقىعى اياقاستى بولعان وتانداستارىمىزعا قولداۋ ءبىلدىرۋدى ادەتكە اينالدىرماساق, كۇن سايىن بيلىكتەن رەفورمانىڭ يميتاسياسىن قويىپ, ناقتى شەشىمدەر قابىلداۋدى تالاپ ەتپەسەك, اتقامىنەرلەرگە قولدا بار مۇمكىندىكتەردى پايدالانىپ, زاڭ شەڭبەرىندە قىسىم جاساماساق, &ldquo؛مەيرحاندار&rdquo؛ مەن &ldquo؛ۋسەنوۆتەردىڭ&rdquo؛ جىرىن جىرلاپ جۇرگەنىمىز جۇرگەن.

مۇعالىمنىڭ بالاسى رەتىندە ايتارىم &ndash؛ ءمۇعالىمنىڭ ستاتۋسىن ءمۇعالىمنىڭ ءوزى عانا كوتەرە الادى. قۇرمەتتى اپايلار! ۇستازدىڭ ابىرويىن كوتەرۋدىڭ العاشقى قادامى ء«؛مۇعالىم ستاتۋسى»؛ جايلى زاڭدى قابىلداۋدان ەمەس, مەكتەپتە كوميسسيا ءۇشىن, رەمونت ءۇشىن اقشا جيناۋعا ۇجىم بولىپ قارسى شىعۋدان, سايلاۋدا بۋما بيۋللەتەندى جاشىككە تاستاماۋدان, كوللەكتيۆتەگى ۇنەمى ءوز قۇقىعىن قورعاۋعا تىرىساتىن 3-4 ءمۇعالىمدى جاۋ كورۋدى دوعارۋدان, ارىپتەسىڭىزدىڭ قۇقى تاپتالعاندا &ldquo؛سوليدارنوست&rdquo؛ تانىتۋدان, مەكتەپتەگى كاسىپوداق ۇيىمىن قايتا قۇرۋدان باستالادى. ال تۇركىستان وبلىسىنىڭ تۋماسى رەتىندە ايتار بولسام, ميلليون تەڭگەمەن جانە ساتىپ العان ديپلوممەن مەكتەپكە جۇمىسقا تۇرۋ &ndash؛ &ldquo؛ۇستازدىق ەتۋ&rdquo؛ دەگەن قاسيەتتى ۇعىمعا قۇرمەتسىزدىك جانە بالالاردىڭ بولاشاعىنا قاستاندىق.

ەڭ باستىسى, ءدال قازىرگى جاعدايدا مەكتەپ ءمۇعالىمىنىڭ ستاتۋسىن پرەزيدەنت توقاەۆ تا, مينيستر ايماحامبەتوۆ تە, شۋدى باسۋ ءۇشىن كەۋكەنوۆ مىرزادان كەشىرىم سۇراۋدى ۇيىمداستىرىپ جۇرگەن تۇركىستان اكىمى ر.ايۋپوۆ تا كوتەرە المايدى. &ldquo؛فەيسبۋكتا م.ابەنوۆ بار عوي!&rdquo؛ دەيسىز بە؟ ماماندىعى بويىنشا ءمۇعالىم, كەزىندە ءبىلىم جانە عىلىم ۆيسە-مينيسترى بولعان, facebook-تا كۇنىنە ءبىر رەت مينيستر ءبىرتانوۆتىڭ &ldquo؛وتستاۆكاسىن&rdquo؛ تالاپ ەتپەسە, ءشايى باتپايتىن مۋرات ابەنوۆتەن ءۇمىت كۇتپەڭىزدەر. ول كىسىگە قاراپايىم ءمۇعالىمنىڭ ستاتۋسى كوتەرىلگەننەن گورى, اكە جولىن قۋىپ, كارەراسى جارىق جىلدامدىعىمەن ءوسىپ كەلە جاتقان تالانتتى پوليسەي د.مەيرحاننىڭ تەز ارادا ىشكى ىستەر ءمينيسترى بولعانى ماڭىزدىراق سەكىلدى.

ساياساتتانۋشى رەتىندە ايتارىم &ndash؛ قازىرگى ساياسي رەجيمنىڭ تيىمسىزدىگى, تۇركىستانداعى وبلىس جانە قالا باسشىلىعىنىڭ ولقىلىعى مەن قالالىق پوليسيا باستىعى د. مەيرحاننىڭ باسسىزدىعى سەبەپ بولعان بۇل وقيعا بيلىك پەن حالىقتىڭ قارىم-قاتىناسىنىڭ جارقىن كورىنىسى. &ldquo؛وبرازنو&rdquo؛ ايتساق, وسى جاعدايدا گەنەرال-مايور مەيرحان جامانباەۆتىڭ بالاسى پودپولكوۆنيك دانيار مەيرحان بيلىكتىڭ, ال ساۋاتسىز ساياساتتىڭ, ادىلەتسىزدىك پەن دورەكىلىكتىڭ قۇربانى بولعان مەكتەپ ءمۇعالىمى ب.كەۋكەنوۆ قاراپايىم حالىقتىڭ رولىندە. سونداي-اق &ldquo؛بيلىكتىڭ وكىلىمىز&rdquo؛ دەپ كەۋدەسىن سوعاتىن, بەيبىت شەرۋلەردە ساياسي بەلسەندىلەرگە كۇش كورسەتەتىن, شاشپەن بىرگە باس الۋعا دايىن كەيبىر پوليسەيلەردىڭ ەڭ كونبىس الەۋمەتتىك توپ سانالاتىن مۇعالىمدەرگە سەس كورسەتۋى &ndash؛ ەلىمىزدىڭ ساياسي دامۋى ءۇشىن وتە ءقاۋىپتى سيگنال. ياعني, بيلىك ءوزىنىڭ قامالى سانايتىن پوليسەيلەر قازىرگى رەجيمنىڭ عۇمىرىن ۇزارتۋعا اتسالىسۋدان بۇرىن, ءوز باسسىزدىعى ارقىلى حالىقتى اشىندىرىپ, &ldquo؛سىرىڭكەنىڭ&rdquo؛ فۋنكسياسىن اتقارۋى ابدەن مۇمكىن.

ال وسى كەيستە ىشكى ىستەر مينيسترلىگىنىڭ قانداي شەشىم قابىلدايتىنى جانە بولاشاقتا مەيرحان مىرزانىڭ كارەرالىق تراەكتورياسى قانداي بولاتىنى وتە ماڭىزدى. ويتكەنى بۇل جاعداي پرەزيدەنت توقاەۆ ايتىپ جۇرگەن &ldquo؛ەستيتىن مەملەكەتتىڭ&rdquo؛, بيلىكتىڭ &ldquo؛قۇقىق قورعاۋ ورگاندارىن رەفورمالاپ جاتىرمىز&rdquo؛ دەگەن سوزدەرىن ءىس جۇزىندە تاعى ءبىر رەت تەكسەرۋگە مۇمكىندىك. ەگەر پودپولكوۆنيكتى شۋ باسىلعانشا ۋاقىتشا قىزمەتتەن شەكتەتىپ, كەيىن وعان كارەراسىن جالعاستىرۋعا مۇمكىندىك بەرىلسە, وندا ءوزىن ءقازىر &ldquo؛پاپا گورودا (تۋركەستانا)&rdquo؛ اتاپ جۇرگەن د.مەيرحاننىڭ 10-15 جىلدىڭ ىشىندە مۆد-نى باسقارىپ, &ldquo؛پاپا سترانى&rdquo؛ بولعانىن كورىپ قالۋىمىز مۇمكىن. وعان د.مەيرحاننىڭ facebook پەن instagram-داعى مىڭداعان فاناتتارى قۋانا-قۋانا كەلىسەتىن سەكىلدى.

ستراتەگيالىق كوممۋنيكاسيا مامانى رەتىندە ايتارىم &ndash؛ جالعان دۇنيەگە نەگىزدەلگەن الەۋمەتتىك جەلىدەگى ءيميدجدىڭ &ldquo؛عۇمىرى&rdquo؛ تىم قىسقا. قازاقستاندا الەۋمەتتىك جەلىدە بەلسەندى بولعانى ءۇشىن &ldquo؛حالىققا جاقىن شەنەۋنىك&rdquo؛ دەگەن ستاتۋستىڭ جارامدىق مەرزىمى ارى كەتسە 4-5 جىل. ومىردە &ldquo؛پاپاسىنىڭ دەرزكيي بالاسى&rdquo؛ بولىپ, ينتەرنەتتە &ldquo؛حالىق ءۇشىن جان پيدا&rdquo؛ دەيتىن ازاماتتىڭ كەيپىن ۇزاق ۋاقىت ۇستاپ تۇرۋ قيىن. ال وسى 4-5 جىلدىڭ ىشىندە رەسپۋبليكالىق دەڭگەيدە &ldquo؛نارودنىي ي كرەاتيۆنىي&rdquo؛ اتانۋ دا, ارتتىڭ اشىلىپ قالۋى دا وپ-وڭاي. قازاقشا ايتقاندا, وتىرىكتىڭ قۇيرىعى ءبىر-اق تۇتام. كوممۋنيكاسيا تىلىمەن ايتساق, وتىرىك ءيميدجدىڭ قۇنى ءبىر-اق ۆيدەو/فوتو/پوست. كەيدە پودپولكوۆنيك مەيرحان سەكىلدى شەنەۋنىكتەردىڭ وزدەرى جەڭىل اتاق پەن ابىرويدى instagram-داعى تىكەلەي ەفيردەن ىزدەيمىن دەپ بەتپەردەسىن ءوزى اشىپ الۋى مۇمكىن. ونداي كەزدە ايگۋل سولوۆەۆا اپاي دا (https://www.ktk.kz/ru/news/video/2017/03/16/76948/), مۋرات ابەنوۆ اعاي دا كومەكتەسە المايدى. ءتىپتى ءسىز گەنەرالدىڭ بالاسى بولساڭىز دا.

p.s. پودپولكوۆنيك مەيرحان (aka &ldquo؛پاپا گورودا&rdquo؛) 10 قازاندا ءوزىنىڭ instagram پاراقشاسىندا مۇعالىمگە قۇرمەت كورسەتۋ جايلى روليكتى ءبولىسىپ, &ldquo؛بالالارىمىز ءبىزدىڭ ىس-ارەكەتتەرىمىزدى قايتالايتىنىن ەستەن شىعارمايىق. ولارعا جەكە باستىق ۇلگىمەن نەنىڭ &ldquo؛جاقسى&rdquo؛ نەنىڭ &ldquo؛جامان&rdquo؛ ەكەنىن كورسەتۋ كەرەك&rdquo؛ دەپ جازعان ەكەن (تومەندەگى سكرينشوتتاردى قاراڭىز). اشىق دەرەكتەرگە سۇيەنسەك, د.مەيرحان &ndash؛ ءۇش بالانىڭ اكەسى. مىنا باسسىزدىعى ارقىلى پودپولكوۆنيك مىرزا facebook پەن instagram-دا «؛ودين يز لۋچشيح ي چەستنىح پوليسەيسكيح سترانى»؛ بولۋدان ابدەن شارشاپ, &ldquo؛جەكە باستىق ۇلگىمەن&rdquo؛ ءۇش بالاسىنا عانا ەمەس, بۇكىل ەلگە نەنىڭ &ldquo؛جامان&rdquo؛ ەكەنىن&rdquo؛ كورسەتۋدى ويلاسا كەرەك-تى. ەگەر ويى سول بولسا, وندا ول تاپسىرمانى &ldquo؛+5&rdquo؛-كە ورىنداپ شىقتى دەۋگە بولادى, ؛&ndash؛ دەلىنگەن جازبادا.

 ؛

نا يزوبراجەنيي موجەت ناحوديتسيا: 1 چەلوۆەك

ەسكەرتە كەتەلىك, 13 جەلتوقسان كۇنى ؛تۇركىستان قالاسىندا دەنە شىنىقتىرۋ ءپانىنىڭ ءمۇعالىمى باحىت كاۋكەنوۆ مەكتەپ اۋماعىن كۇزەتۋگە كەزەكشىلىكتە تۇرعان. اۋا رايى جاڭبىرلى بولعاندىقتان مەكتەپكە كىرگەنىندە پوليسيا كۇزەتشىلىك بارىسىن تەكسەرۋگە كەلىپ قالعان. ورنىندا بولماعان مۇعالىمگە پوليسيا قىزمەتكەرلەرى دورەكى سويلەپ, ؛ ارادا جانجال تۋعان. پوليسەيدىڭ ءمۇعالىم قولىن قايىرىپ, پوليسيا كولىگىنە سالىپ جاتقان تۇسىن مەكتەپ قىزمەتكەرلەرى ۆيدەوعا ءتۇسىرىپ, الەۋمەتتىك جەلىگە تاراتقان. ۆيدەوداعى پوليسەيلەردىڭ ءبىرى تۇركىستان قالالىق پوليسيا باسقارماسىنىڭ باسشىسى دانيار مەيىرحان تەرگەۋ جۇرگىزۋ كەزىندە قىزمەتىنەن ۋاقىتشا بوساتىلدى.

"قامشى" سىلتەيدى
ىلمەك سوزدەر: تۇركىستانداعى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر