15 جەلتوقسان, 2019 news
sputnik.kz
ايتىس جۇرگىزۋشىسى ءارى ۇيىمداستىرۋشىسى ءجۇرسىن ەرمان باسقاراتىن "ايتىس اقىندارى مەن جىرشى- ەرمەشىلەردىڭ حالىقارالىق وداعى" قوعامدىق بىرلەستىگى 16-17 جەلتوقسان كۇندەرى ورالدا وتەتىن جىلدىڭ قورىتىندى ايتىسىنا ("التىن دومبىرا" ايتىسى) قاتىساتىن اقىنداردىڭ ءتىزىمىن جاريالادى.
ايتىسكەرلەر وداعىنىڭ حابارلاۋىنشا, "التىن دومبىرا" ايتىسىنا بيىل 20 اقىن قاتىسقالى وتىر. ولار جىل باسىنان بەرى وتكەن 13 ايتىستا جيناعان ۇپايلارى ارقىلى ىرىكتەلگەن. ؛
سونىمەن ورالداعى قورىتىندى ايتىسقا تالعات مىقي, ديدار قامي, رۇستەم قايىرتايۇلى, مۇحتار نيازوۆ, ايبەك قاليەۆ, قانات مىرزاحان, شالقارباي ءىزباساروۆ, جانسايا مۋسينا, سەرىك قۇسانباەۆ, باۋىرجان شيرمەدينۇلى, ؛ اسپانبەك شۇعاتاەۆ, جانداربەك بۇلعاقوۆ, حازىرەت بەردىحان, شۇعايىپ سەزىمحان, ب.اسقاروۆ, اسەم ەرەجەقىزى, ءومىرجان كوپبوسىنوۆ, ءبىرجان بايتۋوۆ, ارۋنا كەرىمبەك, جۇلدىزاي ماراتبەكوۆا سىندى اقىندار قاتىسادى. ؛
"التىن دومبىرا" ايتىسىنا قاتىسۋعا ۇپايلارى جەتسە دە, ؛ەركەبۇلان قاينازار, ماقسات اقانوۆ, بەكارىس شويبەكوۆ, ؛ تولەگەن جامانوۆ, مەيىربەك سۇلتانحان سىندى اقىندار ءارتۇرلى سەبەپتەرمەن ايتىسقا قاتىسپايتىنىن مالىمدەگەن. ال قىتايداعى قازاق اقىنى ە.امانقوجا قۇجاتاتى دۇرىس بولماعاندىقتان "التىن دومبىرا" ايتىسىنا قاتىسا المايدى. ؛
ايتىسكەرلەر وداعى الەۋمەتتىك جەلىلەر ارقىلى "التىن دومبىرا ايتىسىنا نەگە قاتىستىرىلمايدى؟" دەپ كوپشىلىكتىڭ سۇرانىسىن تۋدىرعان رينات زايتوۆ پەن بولاتبەك ورازباەۆقا قاتىستى دا مالىمدەمە جاسادى. وداقتىڭ حابارلاۋىنشا, رينات زايتوۆ 2019 جىلى تەك ءبىر عانا ايتىسقا قاتىسقان, ال بولاتبەك ورازباەۆ مۇلدەم قاتىسپاعان. اتالعان ەكى اقىن سوندىقتان دا قورىتىندى ايتىسقا قاتىستىرىلمايدى. ؛
"التىن دومبىرا" ايتىسى بيىل سەگىزىنشى رەت وتكەلى وتىر. بۇعان دەيىنگى جىلدىڭ قورىتىندى ايتىستارىندا مۇحتار نيزوۆ پەن جانداربەك بۇلعاقوۆ ەكى رەتتەن باس جۇلدە السا, اسپانبەك شۇعاتاەۆ, بالعىنبەك يماشەۆ, جانسايا مۋسينا سىندى اقىندىر ءبىر رەتتەن جىلدىڭ قورىتىندى ايتىسىندا جەڭىمپاز اتانعان. ؛
 ؛
 ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر