• usd 468.56

  • eur 497.56

  • rub 7.3

  • cny 67.18

28 ناۋرىز, 12:45:21
الماتى
+35°

13 جەلتوقسان, 2019 بارلىق ايماقتار

قاسىم-جومارت توقاەۆ «سارىوزەندىك سۋپەرمەندى» «شاپاعات» مەدالىمەن نەگە ماراپاتتادى؟

تاۋەلسىزدىك كۇنى قارساڭىندا «nur otan» پارتياسىنىڭ ورتالىق اپپاراتىندا ەلىمىزدىڭ الەۋمەتتىك-ەكونوميكالىق جانە مادەني دامۋىنا قوسقان ەلەۋلى ۇلەسى, جەمىستى قوعامدىق قىزمەتى ءۇشىن پارتيانىڭ بەلسەندى مۇشەلەرى مەملەكەتتىك جانە پارتيالىق ناگرادالارمەن ماراپاتتالدى.

باۋىرجان بايبەك, مينياگزام اۆلياريموۆ

«؛تاۋەلسىزدىكتىڭ العاشقى جىلدارىندا اعا بۋىن وكىلدەرىن ەگەمەندىگىمىزدى ساقتاپ, ەلدىگىمىزدى نىعايتىپ, ەڭسەمىزدى تىكتەي الامىز با دەگەن ويلار مازالاعانى راس.  ؛سول كەزدە كاسىپورىندار جابىلىپ, جاپپاي جۇمىسسىزدىق ورىن الدى. حالىقتىڭ تۇرمىس-تىرشىلىگى اۋىر بولدى. تۇڭعىش پرەزيدەنت نۇرسۇلتان نازارباەۆتىڭ تاباندىلىعى مەن ءوز حالقىنا دەگەن قالتقىسىز قىزمەتىنىڭ ارقاسىندا از ۋاقىت ىشىندە قيىندىقتاردى ەڭسەرە بىلدىك. قاجەتتى نارىقتىق رەفورمالار جۇرگىزىلىپ, 300 ميلليارد دوللاردان استام تىكەلەي شەتەلدىك ينۆەستيسيا تارتىلدى. بارلىق حالىقارالىق قاۋىمداستىق مويىنداعان مەملەكەتتىك شەكارامىز بەكىتىلدى. مىڭداعان شاقىرىم جول مەن مەكتەپتەر, اۋرۋحانالار سالىندى. 90-شى جىلدارى قازاقستاندىقتاردىڭ ۇشتەن بىرىنەن استامى كەدەيلىك شەگىندە ءومىر سۇرسە, بۇگىندە بۇل كورسەتكىش 4,6% -عا دەيىن تومەندەدى. ءبىز بۇگىن ەڭ قاسيەتتى مەرەكەمىز &ndash؛ تاۋەلسىزدىك كۇنى قارساڭىندا مەملەكەتتىلىگىمىزدىڭ دامۋىنا, قوعامدىق تاتۋلىق پەن تۇراقتىلىقتى, اۋىزبىرشىلىكتى ساقتاي وتىرىپ, ەلباسىنىڭ مەملەكەتتىك باعىتى توڭىرەگىندە توپتاسۋعا اتسالىسقانداردى قۇتتىقتاۋعا جينالدىق»؛, - دەپ اتاپ ءوتتى پارتيا ءتوراعاسىنىڭ ءبىرىنشى ورىنباسارى باۋىرجان بايبەك.

باۋىرجان بايبەك ماراپاتتالعانداردىڭ اراسىندا قاراعاندى ​​وبلىسىنداعى شالعاي جاتقان تىكەنەكتى اۋىلىنىڭ 82 جاستاعى تۇرعىنى مينياگزام اۆلياريموۆتى ەرەكشە اتاپ ءوتتى. 1111

جارتى عاسىرداي دت-75 تراكتورىن تىزگىندەگەن قاريا, اۋىل تۇرعىندارىنا كۇن سايىن كومەك قولىن سوزۋعا ءازىر. جازدا بارلىق مۇقتاج اۋىلداستارىنا قىسقى مال ازىعىن جيناۋعا, ءشوپ شابۋعا جاردەمدەسەدى. وزەندەگى سۋدىڭ دەڭگەيىن باقىلاپ, بوگەتتەردىڭ بۇزىلماۋىن قاداعالاپ جۇرەدى. ال قىستا اۋىل حالقى 300 شاقىرىمنان اساتىن قاشىقتىقتاعى اۋدان ورتالىعىنا قينالماي جەتۋى ءۇشىن جولداردى قاردان تازارتادى. وسىنىڭ بارلىعىن اقساقال تەگىن جاسايدى. ەشكىمنەن, ەشقانداي اقى العان ەمەس. وسىنداي ىستەرى ءۇشىن اۋىل بالالارى ونى «؛سارىوزەندىك سۋپەرمەن»؛ دەپ اتاپ كەتتى.

قاريا تۋرالى جاڭالىقتاردان ەستىپ, بىلگەن ەل پرەزيدەنتى قاسىم-جومارت توقاەۆ «؛سارىوزەندىك سۋپەرمەندى»؛ «؛شاپاعات»؛ مەملەكەتتىك مەدالىمەن ماراپاتتاۋدى ارنايى تاپسىردى.

«؛كۇش-جىگەرىم بار كەزدە جۇمىس ىستەي بەرەمىن. وتانىڭ مەن حالىقتىڭ يگىلىگى ءۇشىن تالماي ەڭبەك ەتسەڭ, كۇش-قۋاتىڭ دا سارقىلمايدى. وسىدان 60 جىل بۇرىن سارىوزەن سوۆحوزىنا تراكتورشى بولىپ جۇمىسقا ورنالاستىم, ءقازىر بۇل اۋىل تىكەنەكتى دەپ اتالادى. وسى اۋىلدا وتباسىن قۇرىپ, بەس بالا تاربيەلەپ ءوسىردىم. ءوزىمنىڭ dt-75 تراكتورىمدى دوس-تەمىر دەپ اتايمىن. بۇل تەمىر دوس دەگەندى بىلدىرەدى. ءومىرىمدى تراكتورسىز مۇلدەم ەلەستەتە دە المايمىن. ونىڭ موتورىنىڭ داۋىسى, ماعان جۇرەك قاعىسى سەكىلدى ەستىلەدى. ەشقاشان اتاققا ۇمتىلىپ, ەشكىمنەن ماراپات سۇراپ كورمەپپىن. بار ويىم, ادال ەڭبەك جولىممەن جاستارعا ۇلگى بولا السام ەكەن دەيمىن»؛, - دەيدى مينياگزام اتا. 1111

سالتاناتتى ءراسىم بارىسىندا ەل پرەزيدەنتىنىڭ اتىنان «؛قۇرمەت»؛ وردەنىمەن «؛بولاشاق»؛ كورپوراتيۆتىك قورىنىڭ ءتورايىمى دينارا ءشايجۇنىسوۆا ماراپاتتالدى. «؛كەدەرگىسىز كەلەشەك»؛ پارتيالىق جوباسىنىڭ اياسىندا قور ەلىمىزدىڭ بارلىق 17 ايماعىندا ينكليۋزيۆتى ءبىلىم بەرۋدىڭ 43 كابينەتىن اشتى. ينكليۋزيا سالاسىنا بەيىمدەلگەن 420 ارنايى جۇمىس ورنى اشىلدى. ەرەكشە قاجەتتىلىگى بار بالالاردىڭ قۇقىقتارىن قورعاۋ ماقساتىندا, تەك «؛بولاشاق»؛ قورىنىڭ مۇشەلەرى زاڭنامالىق اكتىلەرگە ينكليۋزيۆتى ءبىلىم بەرۋدى دامىتۋ ماسەلەلەرى بويىنشا 60-تان استام ساپالى ۇسىنىس پەن تۇزەتۋ ەنگىزدى.

«؛قاسسيەتتى جول»؛ قوعامدىق قورىنىڭ نەگىزىن قالاۋشى دينارا زاكيەۆا دا «؛قۇرمەت»؛ وردەنىنە لايىق دەپ تانىلدى. ول باسقاراتىن ۇيىم سال اۋرۋىنا شالدىققان بالالارعا قولداۋ كورسەتۋگە قاتىستى ءبىرقاتار ءساتتى جوبالاردى جۇزەگە اسىردى. «؛باقىتتى وتباسى»؛ جانە «؛كەدەرگىسىز كەلەشەك»؛ پارتيالىق جوبالارى اياسىندا كوپبالالى وتباسىلار مەن ەرەكشە قاجەتتىلىگى بار جاندارعا بىرلەسكەن قولداۋ كورسەتىلىپ كەلەدى.

«؛ەرەن ەڭبەگى ءۇشىن»؛ مەملەكەتتىك مەدالى «؛دوس»؛ تاۋەلسىز ءومىر ورتالىعى»؛ مۇگەدەكتەر قاۋىمداستىعى ديرەكتورىنىڭ ورىنباسارى ارداق وتورباەۆقا تابىستالدى. بىرنەشە اي بۇرىن ول ارباسىنداعى بي حالىقارالىق تۋرنيرىندە كۇمىس مەدال جەڭىپ العان ەدى.  ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر