• usd 468.56

  • eur 497.56

  • rub 7.3

  • cny 67.18

29 ناۋرىز, 19:45:02
الماتى
+35°

ىشكى ىستەر ءمينيسترى ەرلان تۇرعىمباەۆ تاۋەلسىزدىك كۇنى قارساڭىندا بەلسەندىلەردىڭ ۇستالۋىنا بايلانىستى تۇسىنىكتەمە بەردى ؛دەپ جازادى qamshy.kz اقپارات اگەنتتىگى ازاتتىقتىڭ دەرەگىن نەگىزگە الىپ. ؛

بۇعان دەيىن الماتى مەن نۇر-سۇلتاندا "بەيبىت جيىن وتكىزۋ ءتارتىبىن بۇزدى" دەپ ايىپتالعان وننان استام بەلسەندى ؛قامالعان ەدى ؛(كەيبىر دەرەك بويىنشا ولاردىڭ سانى 20-دان اسادى). كەيبىر قۇقىق قورعاۋشىلار مەن بەلسەندىلەر مۇنى تاۋەلسىزدىك كۇنى ءوتۋى مۇمكىن شەرۋدى "بولدىرماۋ امالى" دەپ ەسەپتەيدى.

- بىرىنشىدەن, ميتينگىلەر ءالى باستالعان جوق... ءبىراق [بۇعان دەيىن بولعان ميتينگىلەر بويىنشا] اكىمشىلىك ماتەريالدار بار. ونداي بىزدە كۇندە-كۇندە بولىپ جاتىر عوي. [ۇستاۋلار جايلى] كىم ايتتى سىزگە؟ - دەدى مينيستر ەرلان تۇرعىمباەۆ.

بۇعان دەيىن ءبىر توپ بەلسەندى نۇر-سۇلتان قالالىق پوليسيا دەپارتامەنتىنە بارىپ, 16 جەلتوقسان قارساڭىندا وزدەرىن قۋدالاماۋدى, تەرگەمەۋدى ؛تالاپ ەتكەن. ال پوليسيا قىلمىستىق ءىس بويىنشا بولىمشەگە شاقىرىلىپ جۇرگەن بەلسەندىلەردى تەرگەۋشىلەردىڭ "قاجەت كەزىندە شاقىرتاتىنىن" ايتىپ, زاڭ اياسىندا جۇمىستارىن جالعاستىرا بەرەتىنىن ايتقان.

حالىقارالىق قۇقىق قورعاۋ ۇيىمدارى قازاقستان بيلىگىن قوعامدىق-ساياسي ماسەلەلەردى كوتەرىپ جۇرگەن ازاماتتىق بەلسەندىلەردى قۋدالادى دەپ ءجيى سىنايدى.

قازاقستان قوعامى ءۇشىن مەملەكەت تاۋەلسىزدىگىن جاريالاعان مەرەكە كۇنى رەتىندە اتاپ وتىلەتىن جەلتوقساننىڭ 16-سى قازاقستان تاريحىندا بولعان تاعى ەكى وقيعامەن ماڭىزدى. 1986 جىلى جەلتوقساندا ماسكەۋدىڭ شەشىمىنە نارازىلىق تانىتىپ, الماتىدا بەيبىت شەرۋگە شىققان ستۋدەنت جانە جۇمىسشى قازاق جاستارىن بيلىك كۇشپەن تاراتىپ, كەيىن جۇزدەگەن ادامدى قۋعىنعا سالعان. 2011 جىلى ماڭعىستاۋ وبلىسىنىڭ جاڭاوزەن قالاسىندا بىرنەشە ايعا سوزىلعان مۇنايشىلار ەرەۋىلىنە پوليسيا وق اتقان. رەسمي دەرەك بويىنشا, جاڭاوزەن مەن شەتپەدەگى وقيعالاردا 17 ادام قازا تاپقان.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر