توقاەۆ: بۇل مەرەكە – بۇكىل حالقىمىزعا ورتاق تاۋبەنىڭ تويى

&ndash؛«؛بارشاڭىزدى ەلىمىزدىڭ ەڭ باستى مەرەكەسى &ndash؛ قاسيەتتى تاۋەلسىزدىك كۇنىمەن شىن جۇرەكتەن قۇتتىقتايمىن! مەرەيلى مەملەكەت بولعانىمىزعا 28 جىل تولدى. بۇل &ndash؛ تاريحي بەلەستەرىمىزدىڭ باستاۋى, ۇلى مەيرام!»؛. بۇل تۋرالى قازاقستان پرەزيدەنتى قاسىم-جومارت توقاەۆ مەملەكەت باسشىسى ق.ك. توقاەۆ مەملەكەتتىك ناگرادالاردى جانە ءال-فارابي اتىنداعى عىلىم مەن تەحنيكا سالاسىنداعى 2019 جىلعى مەملەكەتتىك سىيلىقتى تاپسىرۋ سالتاناتىندا ءمالىم ەتتى.

&ndash؛«؛بۇكىل ەلىمىز ءۇشىن بۇدان اسقان ايتۋلى كۇن, ماڭىزدى مەرەكە جوق!
تاۋەلسىزدىك &ndash؛ ۇلتىمىزدىڭ باعا جەتپەس بايلىعى.
ءبىزدىڭ بۋىن ەلباسى نۇرسۇلتان ءابىشۇلى نازارباەۆتىڭ سارابدال ساياساتىنىڭ ارقاسىندا حالقىمىزدىڭ اسقاق ارمانىن اقيقاتقا اينالدىردى.
بايراقتى بابالارىمىز بىزگە ۇلان-بايتاق جەردى مۇرا ەتىپ قالدىردى.
ولاردىڭ اماناتىنا ادال بولۋ &ndash؛ بارشامىزدىڭ كيەلى پارىزىمىز.
ازاتتىق ءۇشىن الىسىپ, ەل ءۇشىن جان پيدا ەتكەن باتىرلاردىڭ ەرلىگى ەشقاشان ۇمىتىلمايدى.
ەلىمىزدىڭ التىن ءداۋىرى, دەربەس دامۋى ەگەمەندىك العان كۇننەن باستالدى.
كوپتەگەن جەتىستىكتەرگە قول جەتكىزدىك.
الەم بويىنشا توعىزىنشى ورىنداعى جەرىمىزدىڭ شەكاراسىن تولىق شەگەندەدىك. بۇكىل الەم تاۋەلسىز قازاقستاندى سەنىمدى سەرىكتەس رەتىندە تانىدى.
الاتاۋدىڭ باۋرايىنان ەلوردامىزدى ارقا توسىنە كوشىرىپ, ەسىلدىڭ جاعاسىنا ەل قوندىردىق.
باس قالامىز اسا ماڭىزدى حالىقارالىق جيىنداردىڭ ورتالىعىنا اينالدى.
مەملەكەتتىك جانە ازاماتتىق ينستيتۋتتارعا نەگىزدەلگەن باسقارۋ جۇيەسىن جەتىلدىردىك.

حالىقتىڭ تۇرمىس ساپاسىن جاقسارتۋ باستى مىندەتىمىز بولدى.
قيىندىققا تولى العاشقى جىلداردا ەكونوميكادا تۇبەگەيلى رەفورمالاردى قولعا الدىق.
سونىڭ ارقاسىندا 28 جىل ىشىندە ىشكى جالپى ءونىم ءابسوليۋتتى ولشەمدە 16 ەسەگە ءوسىپ, 180 ميلليارد دوللار بولدى.
وسى كورسەتكىش بويىنشا قازاقستان ورتالىق ازيادا كوش باستاپ كەلەدى.
ەلىمىز حالىقارالىق ەكونوميكادا ءوزىنىڭ لايىقتى ورنىن الدى.
بىزگە شەت ەلدەن 330 ميلليارد دوللار ينۆەستيسيا تارتىلدى.
وسىنىڭ ءبارى, ەڭ الدىمەن, حالقىمىزدىڭ ءال-اۋقاتىن ارتتىرۋعا باعىتتالعان.
بۇل, ەلىمىزدىڭ ابىرويىن جانە كەمەلدىگىن ايقىن كورسەتەدى.
تاريحتا تۇڭعىش رەت حالقىمىز ءوز تاعدىرىنا يە بولدى.
بۇگىندە ازاماتتارىمىز ءوزىنىڭ جانە مەملەكەتىمىزدىڭ بولاشاعىنا نىق سەنىممەن قارايدى.
ەلىمىز سان قيلى تاريح زۇلماتتارىن وتكەرىپ, ەڭسەسىن تىكتەدى. الەم قوعامداستىعىنا نىق قادام باستى.
حالىق سانى 2 ميلليونعا كوبەيىپ, تاۋەلسىزدىك الدىنداعى دەموگرافيالىق داعدارىستى ەڭسەردىك. ءقازىر ءبىز 18,5 ميلليوننان استىق!
مەملەكەتىمىزدىڭ دامۋ باعدارىن ءوزىمىز ايقىنداۋ مۇمكىندىگىن الدىق.
بۇگىندە ەلىمىزدىڭ جاڭعىرۋ ۇلگىسىن «؛قازاقستان جولى»؛ دەپ اتايدى.
وسىنداي اۋقىمدى وزگەرىستەرگە تۇڭعىش پرەزيدەنتىمىز نۇرسۇلتان ءابىشۇلى نازارباەۆ باستاماشى جانە كوشباسشى بولدى.
جاھان جۇرتشىلىعى ەلباسىمىزدى الەمدىك دەڭگەيدەگى تاريح تۇلعا رەتىندە مويىندادى.
بارلىق سالادا تولايىم تابىسقا كەنەلدىك دەپ كۇمانسىز ايتۋعا بولادى. مۇنى بۇگىنگى بۋىن جانە كەلەر ۇرپاق باعالاۋى كەرەك.
«؛بەينەت كورمەي, داۋلەت جوق»؛ دەپ حاكىم اباي ايتقانداي, ءبىز بۇعان وڭايلىقپەن جەتكەن جوقپىز.
سوندىقتان, بۇل مەرەكە &ndash؛ بۇكىل حالقىمىزعا ورتاق تاۋبەنىڭ تويى, مارتەبەنىڭ مەرەكەسى!
تاۋەلسىزدىكتەن اسقان قۇندىلىق جوق. ونى قادىرلەۋ &ndash؛ بارشامىزدىڭ قاسيەتتى بورىشىمىز.

 ؛

 ؛