11 جەلتوقسان, 2019 news
qamshy.kz
قازاقستاننىڭ ءبىلىم جانە عىلىم مينيسترلىگى قوسىمشا تەكسەرۋ جۇمىستارىن جۇرگىزە كەلە, 5 جوعارى وقۋ ورنىنىڭ ليسەنزياسىن ۋاقىتشا توقتاتۋ تۋرالى شەشىم قابىلدادى. بۇل تۋرالى بۇگىن, 11 جەتوقساندا وتكەن ءباسپاسوز جيىنىندا مينيستر اسحات ايماعانبەتوۆ مالىمدەدى. ؛
مينيستردىڭ ايتۋىنشا, ۋنيۆەرسيتەتتەردىڭ ليسەنزياسىن ۋاقىتشا توقتاتۋ پرەزيدەنت قاسىم-جومارت توقاەۆتىڭ تاپسىرماسىنا سايكەس جۇرگىزىلگەن. ؛
- ءبىز بۇعان دەيىن, ەلىمىزدە 5 جوو ليسەنزياسىنىڭ ۋاقىتشا توقتاتىلعانىن حابارلاعان بولاتىنبىز. بۇگىندە جوو-نا قوسىمشا تەكسەرۋ جۇمىستارىن جۇرگىزۋدەمىز, سونىڭ ناتيجەسىندە تاعى 5 جوو-نىڭ ليسەنزياسىن ۋاقىتشا توقتاتۋ تۋرالى شەشىم قابىلدادىق. شەشىممەن كەلىسپەيتىن جوو-نىڭ زاڭ بويىنشا شاعىمدانۋعا 10 كۇن ۋاقىتى بار. ەگەر شاعىم تۇسپەسە نەمەسە شاعىمدانعان جاعدايدىڭ وزىندە سوت شەشىمدى وزگەرتپەسە, ءبىز ولاردىڭ اتاۋلارىن جاريالاي الامىز. جالپى جوو بويىنشا پروبلەمالار جەتكىلىكتى. انىقتالعانداي, 1 كۋرسقا 5 ستۋدەنت قابىلدانسا, 4 كۋرستى 150 ستۋدەنت ءبىتىرىپ شىعادى. دەمەك 2,3 كۋرستاردا جاۋاپسىز ۋنيۆەرسيتەتتەر وقۋدان شىعىپ قالعان ستۋدەنتتەردى قابىلدايدى. مەملەكەت باسشىسىنىڭ تاپسىرماسىنا سايكەس, ءبىز جوو-نا دەگەن تالاپتى كۇشەيتتىك جانە جوعارى ءبىلىم بەرۋ سالاسىن رەتتەۋدىڭ جاڭا مەحانيزمدەرى ەنگىزىلەتىن بولادى", - دەدى اسحات ايماعامبەتوۆ مينيسترلىكتە وتكەن ءباسپاسوز ءماسليحاتىندا.
بۇعان دەيىن پرەزيدەنت توقاەۆ "ديپلوم تاراتاتىن كونتورعا اينالعان جوو-لارعا قاتال شارالار قابىلدانۋى ءتيىس" دەگەن ەدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر