بولاشاق تەلەجۋرناليستەر كوزىمەن

ەلىمىزدەگى جۋرناليستيكا سالاسى ءار عاسىردىڭ ءوز تالابىنا قاراي ءومىر سۇرگەنى بارىمىزگە ءمالىم. قازاق جۋرناليستيكاسىنىڭ وتكەنىن اقتاراتىن بولساق, بىردەن ەلىمىزگە ماسكەۋ ؛ بيلىگى ؛ ءجۇرىپ جاتقان كەزدەر ەسكە تۇسەدى. ارينە, شالا دامىپ جاتسا دا ول كەزدە دە جۋرناليستيكا بولدى. الايدا, كوپ تاقىرىپتىڭ اشىلماي قالعاندىعى, كوپ ماسەلەگە جۋرناليستەردىڭ قالام تارتۋعا باتىلدارى جەتپەگەندەرى, سەنزۋرانىڭ قاتال بولعاندىعى جاسىرىن دۇنيە ەمەس. ول كەزدەرى قازاق باسىلىمدارىنىڭ سانى ساۋساقپەن سانارلىقتاي عانا بولدى. ؛ ال سول باسىلىمداردىڭ تارالىم سانى سان قازاققا رۋحاني ازىق بولۋعا جەتپەيتىن دە ەدى. ۋاقىت وتە كەلە ەگەمەندىكپەن بىرگە ءباسپاسوز بوستاندىعىنا دا قول جەتكىزدىك. كەزىندە تالقىلانا الماي قالعان ەندىگى باسىلىم بەتتەرىندە ءجۇر. گازەت باسىلىدارى دا كوپ. دەرەكتەر بويىنشا مينيسترلىكتە تىركەلگەن گازەتتەر سانى جەتى مىڭنان اسىپ كەتكەن. ال ولاردىڭ 12%-ى عانا ۇكىمەتتىك ەكەندىگى انىقتالىپ وتىر.

قازاق جۋرناليستيكاسىن قالىپتاستىرعانىمىزبەن, الدىمىزدا الەمدىك مەديا ستاندارتتارىن قابىلداۋ مىندەتتەرى تۇر. قازىرگى تاڭدا الەمدىك جۋرناليستيكا تەحنولوگيامەن وتە تىعىز بايلانىستا. جوعارى وقۋ ورنىنداعى ءبىلىم بازاسىۆن مەڭگەرۋ ءقازىر دە جەتكىلىكسىز. سەبەبى, تەوريالىق بىلىمنەن بولەك تەحنولوگيانىڭ دا ءتىلىن بىلەتىن ادام عانا باسەكەگە قابىلەتتى مامان بولا الادى.  ؛باق سالاسى مەنەدجەرلەرىنىڭ جوقتىعىنان ەلىمىزدىڭ ءباسپاسوز نارىعىندا جارنامانىڭ 49%-ىن رەسەيلىكتەر يەمدەنىپ وتىر. وسىنشاما تابىستان ايىرىلىپ وتىرۋىمىزدىڭ ءوزى ەلىمىزدە مەديا سالاسىنداعى مامانداردىڭ جەتىسپەۋشىلىگىن كورسەتىپ تۇر. سوندىقتان ناعىز مامان بولۋ ءۇشىن ءبىر عانا «؛جۋرناليست»؛ دەگەن ديپلوم جەتكىلىكتى ەمەس.

«؛جۋرناليستكە جەتى ونەر دە از»؛... ءيا, قازىرگى تاڭدا ءبىر عانا سالانىڭ ءتىلشىسى بولۋ &ndash؛ ەشقانداي ناتيجەسىن بەرمەيدى. سەبەبى, ؛ جۋرناليست جان-جاقتى بولۋى شارت. ەكونوميكادان دا , ساياساتتان دا, عىلىم مەن مادەنيەت اقپاراتتارىنان دا حاباردار بولۋى ءتيىس. جوعارى وقۋ ورىندارىندا ءار ءجۋرناليستى قوس ماماندىق بويىنشا دايارلايتىن بولسا جاڭا ءبىر دەڭگەيگە كوتەرىلۋىمىزگە سەبەپشى بولار ەدى دەپ ويلايمىن.

قازاق جۋرناليستيكاسىنا قاتىستى وقۋلىقتاردى ءجيى كەزدەستىرىپ جاتپايمىز. بار بولعان كۇننىڭ وزىندە تارالىم سانى از. سوندىقتان, كوپ جاعدايدا شەتەل زەرتتەۋشىلەرىنىڭ وقۋلىقتارىنا جۇگىنۋىمىزگە تۋرا كەلىپ جاتادى. مەنىڭ ويىمشا, شەتەل ەمەس قازاق جۋرناليستەرىنىڭ وقۋلىقتارىن وقىعان بىزگە كوبىرەك پايداسىن تيگىزەدى. سەبەبى, ول كىتاپتاردا ءبىزدىڭ ۇلتتىق يدەولوگيامىز جاتىر.

سوز بوستاندىعى ماسەلەسى تەك قازاق جۋرناليستيكاسىنا عانا ءتان ەمەس. بارلىق ەلدەردە دە بۇل تاقىرىپ وزەكتى ورىندا. «؛اقپاراتتىق سوعىس»؛ زامانىندا ءار مەملەكەت ءوز باسىلىمدارىن قاتاڭ قاداعالاۋعا ءتيىستى. سەبەبى, كەي جاعدايدا تىم شەكتەن شىققان ء«؛سوز بوستاندىعى»؛ ۇلتتىق يدەولوگيا مەن ەل دەربەستىگىنە ءقاۋىپ توندىرەتىن وقيعالارعا اكەلىپ سوقتىرۋى مۇمكىن. ءبىر سوزبەن ايتقاندا ءسوز بوستاندىعى &ndash؛ قۋاتتى كۇشپەن تەڭ. باق قۇرالدارى بيلىك پەن حالىق اراسىنداعى جالعىز كوپىر بولعاندىقتان ءسوز بوستاندىعىن دا اسىرا سىلتەپ پايدالانۋعا بولمايدى. حالقىمىز قاشان دا استارلى سوزبەن تالاي ماسەلەنىڭ شەشىمىن تاۋىپ, ەستىر قۇلاققا جەتكىزە بىلگەن. وسى قاسيەت قازىرگى جۋرناليستەر بويىنان دا تابىلسا ارتىق بولمايدى دەپ ويلايمىن.

قازىرگى قازاق جۋرناليستيكاسىنىڭ دەڭگەيىن ءبىلۋ ءۇشىن الدىمەن شەتەل جۋرناليستيكاسىمەن سالىستىرىپ جاتامىز. تەحنولوگيامەن جۇمىس جاساۋ تۇسىنان ءالى دە اقساپ جاتقان بولارمىز, دەسە دە ساۋاتتى ءارى ساپالى جازۋدان قازاق جۋرناليستەرى ەشكىمنەن كەم ەمەس. سەبەبى, بىزدە باي كوركەم ادەبيەت ءستيلى ءالى دە بولسا گازەت بەتتەرىندە ساقتالعان. ماقالانى كوركەمدەپ جەتكىزۋ تاسىلدەرىنەن دە شەت قالعان جوقپىز. سوندىقتان دا, ؛ ءدال قازىرگى قازاق جۋرناليستيكاسى بىرنەشە تۇرعىدان العاندا ساپالى, ساۋاتتى دەپ ايتا الامىز.

ەلىمىز جاڭا مەدياعا ساي مامانداردى دايارلايتىن بولسا, قازاق جۋرناليستيكاسى تاعى دا ءبىر جاڭا دەڭگەيگە كوتەرىلەتىنى ءسوزسىز. ول ءۇشىن ءاربىر مامان تەوريالىق ءبىلىم مەن پراكتيكالىق تاجىريبەنى ۇشتاستىرا ءبىلۋى قاجەت. كۇن سايىن دامىپ جاتقان تەحنولوگيا اعىمىنا ىلىسە الۋى قاجەت. سوندا عانا قازاق جۋرناليستيكاسى الەمدىك باق قۇرالدارىمەن قاتار تۇرا الادى.

 ؛

داۋرەن سىبانباي

ال-فارابي اتىنداعى قازۇۋ جۋرناليستيكا فاكۋلتەتىنىڭ 3 كۋرس ستۋدەنتى ؛

 ؛