• usd 389.52
  • eur 429.21
  • rub 6.07
  • cny 54.94
29 قاڭتار, 11:56:40
قازاقستان ۋكراينانىڭ ساۋدا نارىعىنا الاڭداۋلى

10 جەلتوقسان, 2019 news

ساياسي ەليتا سەركەلەرىمەن قوش ايتىسۋ تەحنولوگياسى تاسماعامبەتوۆكە دە قولدانىلا ما؟

فوتوكوللاج

كۇنى كەشە 63-كە تولعان يمانعالي تاسماعامبەتوۆ زەينەت دەمالىسىنا كەتەدى-مىس دەگەن اڭگىمە الەۋمەتتىك جەلىدە جەلدەي ەسۋدە. كەزىندە ءىس جۇزىندە يمانعالي تاسماعامبەتوۆ رەسەيگە ەلشى بولىپ تاعايىندالعان ءسات ونىڭ ساياسي ساحنادان كەتۋىنىڭ باسى دەۋشىلەر از بولمادى. الايدا بيلىك ەرمۇحامەت ەرتىسباەۆ سەنارييىن مارات تاجينگە قولدانۋى مۇمكىن, ءبىراق يمانعالي نۇرعاليۇلىنا قاتىستى ولاي بولا قويۋى ەكىتالاي.

ەرتىسباەۆ سەنارييى كوپتىڭ ەسىندە. ۇزاق جىلدار پرەزيدەنتتىڭ ساياسي ماسەلەلەر جونىندەگى كەڭەسشىسى دە, مينيستر دە, ساياسي ساراپشى دا بولعان ونىڭ داۋىرلەپ تۇرعان كەزەڭىنە 2013 جىلى نۇكتە قويىلدى. ەلدەن ەلشى بولىپ كەتكەن ول وتانىنا زەينەتتىك دەمالىسقا شىعىپ ءبىر-اق ورالدى.

نازارباەۆتىڭ سەنىمدى سەرىگى بولعان مارات تاجين دە ۇلكەن ويىننان وسى جولمەن شىعارىلاتىنعا ۇقسايدى. بۇگىندە ول &ndash؛ قارت قۇرلىقتا. زەينەتتىك دەمالىسقا دەيىنگى 4 جىلىن چەحياداعى توتەنشە جانە وكىلەتتى ەلشى قىزمەتىندە وتكىزەتىن سەكىلدى.

ال تاسماعامبەتوۆتىڭ الداعى تاعدىرى بولەك اڭگىمەنىڭ تاقىرىبى رەتىندە قارالۋى مۇمكىن. وعان تولىقتاي نەگىز بار.

ويتكەنى تاسماعامبەتوۆ جوعارىدا اتالعان مەملەكەتتىك قىزمەتتەگى ەڭبەگى ەسىل ساياساتكەرلەر سياقتى كولەڭكەدە جۇرگەن جوق. ول ؛&ndash؛ تاۋەلسىزدىك تاريحىنداعى الىپ ساياسي ءھام مەملەكەتتىك قايراتكەر.

وعان دەگەن ەلدىڭ ماحابباتى ەرەكشە. ەلشى بولىپ, جۇرتتان جىراقتا جۇرسە دە بۇقارا ونى ۇمىتپاي, اۋزىنان شىققان ءار ءسوزى مەن باسقان قادامىن باقىلاپ, قولداپ, قۋاتتاپ وتىر.

ەسىمى ۇمىتىلمادى, ابىرويى ورتايمادى. ءالى دە بولسا, ۇلكەن ساياساتتان كورگىسى كەلەتىندەر كوپ. نەسىن جاسىرايىق, "يمەكەڭ پرەزيدەنت بولسا عوي" دەيتىندەر ءالى از ەمەس. مۇنى ونىڭ دوستارى دا, ساياساتتاعى قاستارى دا جاقسى بىلەدى.

سوندىقتان يمانعالي نۇرعاليۇلىنىڭ قاتارداعى قىزمەتشى سەكىلدى ساياسي ارەنادان شىعارىلۋى نەعايبىل. ساياساتتانۋشى ەربول ەدىلوۆتىڭ ءوزىنىڭ دەرەككوزدەرىنە سۇيەنىپ ايتۋىنشا, تاسماعامبەتوۆ ورنىنان بوساتۋىن كۇتپەستەن ءوزى باستاما كوتەرىپ, قىزمەتتەن ءوزى كەتەدى. زاڭ شەڭبەرىندە. ۇسىنىلۋى بەك مۇمكىن سەناتتاعى قىزمەتتەن دە باس تارتادى.

وسىلايشا, ساياسي مانسابىنا ادەمى نۇكتە قويماق. ءتىپتى ول تۋرالى ء"وتىنىش تە بىلدىرگەن" دەگەندى ايتادى ساياساتتانۋشى.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر