life.ru
قىتاي حالىق رەسپۋبليكاسىنداعى قىتاي-قازاق راديو جەلىسىندە قىتايدىڭ شىڭجاڭ ۇيعىر اۆتونوميالىق اۋدانىنداعى ەتنوستىق توپتارعا (ىشىندە ەتنيكالىق قازاقتار دا بار) قاتىستى قىتاي ۇكىمەتىنىڭ رەسمي مالىمدەمەسى جاريالاندى. وسى رەتتە ؛qamshy.kz اقپارات اگەنتتىگى اتالعان قۇجاتتىڭ ەش ءارپىن وزگەرتپەستەن وقىرمانعا ۇسىنعاندى ءجون كوردى. "شىڭجاڭنىڭ تىنىش, بەرەكەلى, گۇلدەنىپ-كوركەيگەن تاماشا جاعدايىن باتىل قورعايىق" دەگەن تاقىرىپتا جاريالانعان مالىمدەمەدە بىلاي دەلىنگەن:
"قازىر ؛شىڭجاڭنىڭ ؛قوعامى جاراسىمدى, ورنىقتى, ەكونوميكاسى باياندى دامىپ, حالقى الاڭسىز تىرشىلىك ەتىپ, تاريحتاعى ەڭ تاماشا گۇلدەنۋ, دامۋ كەزەڭىندە تۇر. ءبىراق اقش-تاعى كەيبىرەۋلەر شىڭجاڭنىڭ تاماشا جاعدايىن كورگىسى كەلمەي, ؛ ورىندى-ورىنسىز ايىپتاپ, شىندىقتى ەلەمەي, اق پەن قارانى شاتاستىراتىن سوزدەر ايتىپ, شىڭجاڭدى بارىنشا قارالادى. اقش پارلامەنتى قاۋىم پالاتاسى 3 جەلتوقسان كۇنى "ۇيعىر اكتىسىن" ماقۇلداپ, سينسزياننىڭ ادامدىق قۇقىق جاعدايىنا بارىنشا شابۋىل جاسادى, بۇل قىتايدىڭ ؛ىشكى ىسىنە دورەكىلىكپەن كيلىگىپ, حالقارالىق زاڭ مەن حالقارالىق قاتىناستىڭ نەگىزگى ولشەمىن اۋىر دارەجەدە اياقاستى ەتكەندىك".
بۇدان ءارى شىڭجاڭ ۇيعىر اۆتونوميالى اۋدانى مەن ونداعى ءار ۇلت حالقى بۇنى قاتاڭ ايىپتايتىنىن, بۇنداي ارەكەتكە باتىل قارسى تۇراتىنىن جەتكىزگەن. ؛ ؛
"شىڭجاڭنىڭ تىنىش, بەرەكەلى, گۇلدەنىپ-كوركەيگەن تاماشا جاعدايى وڭاي-وسپاق قولعا كەلگەن جوق. قىتاي ۇكىمەتى شىڭجاڭداعى ءار ۇلت حالقىن بارىنشا ايالاپ, بارىنشا قاستەرلەيدى, سىرتقى كۇشتەردىڭ كيلىگۋىنە استە جول بەرمەيدى. ءتۇرلى جالا جابۋ شىڭجاڭداعى ءار ۇلت حالقىنىڭ ىنتىماقتاسا العا باسۋ قادامىن بوگەي المايدى؛ ءتۇرلى وسەك-اياڭ شىڭجاڭنىڭ ادامدىق قۇقىق ىستەرىنىڭ دامۋى مەن العا باسۋى سىندى شىندىقتى جوققا شىعارا المايدى؛ ءتۇرلى قاسكۇنەمدىك شىڭجاڭنىڭ دامۋ, گۇلدەنۋ بارىسىنا كەدەرگى بولا المايدى. ءبىز اقش-تاعى كەيبىر ادامداردى قىرعي-قاباقتىق سوعىس ويىنان ارىلىپ, وبەكتيۆ شىندىققا قۇرمەتپەن قاراۋعا, وزدەرىنىڭ بوتەن نيەتىن ىسكە اسىرۋ ءۇشىن شىڭجاڭنىڭ وبرازىنا كۇيە جاقپاۋعا, زورلىقشىل جولمەن جۇرە بەرمەۋگە شاقىرامىز".
اۋدارعان
قوزىباي قۇرمان
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر