جاڭا جىلدان باستاپ الەۋمەتتىك جاردەماقىنىڭ جاڭا ءتۇرى بەرىلمەك

قازاقستاندا 2020 جىلدان باستاپ 347 مىڭ وتباسىعا جاردەماقىنىڭ جاڭا ءتۇرى بەرىلەدى. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ نۇر-سۇلتاندا "اتاۋلى الەۋمەتتىك كومەك بويىنشا مەملەكەتتىك ساياساتتىڭ جۇزەگە اسىرىلۋى" تاقىرىبىندا وتكەن ۇكىمەت ساعاتىندا ايتتى.

مينيستردىڭ سوزىنشە, 2020 جىلدىڭ 1 قاڭتاردان باستاپ كامەلەتكە تولماعان 4 جانە ودان دا كوپ بالالارى بار وتباسىلارعا جاردەماقى تاعايىندالعاندا وتباسىنىڭ تابىسىنا قارامايدى. 4 بالاعا 42 496 تەڭگە؛ 5 بالاعا 53127 تەڭگە؛ 6 بالاعا 63 757 تەڭگە؛ 7 جانە ودان كوپ بالاعا 74 388 تەڭگە بەرىلەدى.

"اتاۋلى الەۋمەتتىك كومەك ؛الىپ جۇرگەندەردىڭ 60 پايىزى كوپبالالى وتباسىلارعا تيەسىلى. بۇل ەڭ ءالجۋاز توپقا جاتاتىندارى. ؛بالانىڭ سانى كوبەيگەن سايىن اۋىرتپاشىلىق دا ارتادى, وسىعان بايلانىستى زاڭ جوباسى بويىنشا 2020 جىلدان باستاپ كوپبالالى وتباسىلارعا بولەك جاڭا جاردەماقى قاراستىرىلدى. ؛ياعني 4 جانە ودان دا كوپ كامەلەت جاسىنا تولماعان بالالارى بار وتباسىنىڭ تابىسىنا قاراماستان, جاردەماقى ەنگىزۋ كوزدەلىپ وتىر. ؛ەسەبىمىز ؛بويىنشا جاڭا جاردەماقىعا جاڭا جىلدان باستاپ 347 مىڭ وتباسى يە بولادى. ونىڭ مولشەرى 42 500 تەڭگەدەن 74 000 تەڭگەگە دەيىن", - دەدى نۇرىمبەتوۆ. ؛

مينيستر جاڭا جىلدان باستاپ "كەپىلدەندىرىلگەن الەۋمەتتىك توپتاما" بەرىلە باستايتىنىن دا ايتتى. بۇل الەۋمەتتىك توپتامانىڭ شارتى بويىنشا, 1 جاستان 6 جاسقا دەيىنگى تابىسى از وتباسى بالالارىنا ازىق-تۇلىك جانە گيگيەنا قۇرالدارى, 6 جاستان 18 جاسقا دەيىنگى بالالارعا مەكتەپتەردە ىستىق تاماق بەرىلىپ, وقۋ قۇرالدارىمەن جانە مەكتەپ كيىممەن قامتاماسىز ەتىلەدى, مەكتەپكە دەيىنگى جول شىعىندارى وتەلەدى. ؛

 ؛

ەسكە سالساق, قازاقستان پرەزيدەنتى قاسىم-جومارت توقاەۆ 2 قىركۇيەكتە حالىققا جولداعان جولداۋىندا تۇرمىسى تومەن وتباسىلارعا ارنالعان اتاۋلى الەۋمەتتىك كومەكتى "ازاماتتاردى ەڭبەككە ىنتالاندىراتىن, اشىق, ءادىل جولمەن بەرۋدى" ايتقان. ؛