ورالدا 7 جىلدان سوڭ العاش رەت رۇقسات ەتىلگەن ميتينگ ءوتتى

8 جەلتوقساندا ورالدا جەتى جىلدان كەيىن العاش رەت رۇقسات ەتىلگەن ميتينگ ءوتتى دەپ جازادى qamshy.kz اقپارات اگەنتتىگى ازاتتىقتىڭ دەرەگىن نەگىزگە الىپ. قارسىلىق شاراسىنا كەلگەندەر باعانىڭ وسۋىنە, جەمقورلىققا, ەلدە ادام قۇقىعىنىڭ بۇزىلىپ جاتقانىنا نارازىلىقتارىن ءبىلدىردى.

شاراعا كەلگەندەر "stop corruption", "الەۋمەتتىك ادىلدىكتى تالاپ ەتەمىز!", "پوليسيا ءوز فۋنكسياسىن ورىنداسىن!", "شىندىق ءۇشىن ەمەس, زورلىق ءۇشىن قاماڭدار!", "استىقتى ەلدە نان نەگە قىمبات؟" دەگەن جازۋى بار پلاكاتتار ۇستاپ شىقتى. ؛

ميتينگىنى جۋرناليستەرمەن بىرگە اكىمدىك وكىلدەرى, پوليسەيلەر باقىلاپ تۇردى. قاراپايىم كيىنگەن بىرنەشە ادام شارانى كامەراعا ءتۇسىرىپ ءجۇردى.

جينالعانداردىڭ اراسىندا الەۋمەتتىك كومەك پەن نەسيە كەشىرۋدى تالاپ ەتكەندەر, شاعان وزەنى ارقىلى كوپىر سالۋعا قارسى شىققاندار دا بولدى.

شارانى ۇيىمداستىرۋشا ماقسات ايساۋىتوۆ بۇل ورالداعى جەتى جىلداعى العاش رەت رۇقسات ەتىلگەن ميتينگ ەكەنىن ايتتى.

- 28 قاراشادا ميتينگ وتكىزۋ تۋرالى ءوتىنىش بەردىك. بەس كۇننەن كەيىن رۇقسات الدىق. تاڭ قالدىق. سەبەبى سوڭعى جىلدا ءبىز اكسيا وتكىزۋگە جۇزدەگەن ءوتىنىش بەرگەن ەدىك. ءار كەزدە بيلىك ءبىز سۇراعان كۇنى باسقا شارا جوسپارلانعانىن, ميتينگ وتكىزەتىن جەردىڭ بوس ەمەسىن ايتاتىن, - دەدى ول.

ميتينگىگە كەلگەندەردىڭ ءبىرازى ساياسي ماسەلەلەردى دە كوتەردى. مۇگەدەك بەكبولات وتەباەۆ ميكروفون الىپ, قازاقستان پرەزيدەنتى قاسىم-جومارت توقاەۆقا قايىرىلدى.

بىرنەشە رەت كرەديت الدىم جانە ۋاقتىلى تولەپ وتىردىم. سوڭعى رەت ءوزىمنىڭ ەمىمە دەپ ءبىر رەت, قىزىمنىڭ ەمىنە دەپ تاعى كرەديت الدىم. ءبىراق ەمدەلە المادىم. ماعان جۇمىسقا جارامسىز دەگەن انىقتاما بەردى. ءقازىر جۇمىس ىستەمەيمىن, 30 مىڭ تەڭگە كومەك الامىن. كىشى قىزىم دا 30 مىڭ تەڭگە الادى. ايەلىم 36 مىڭ تەڭگە تابادى. وسى تابىسقا ءبىز ءدارى الىپ, كرەديت تولەپ, تاماقتانۋىمىز كەرەك. ءبىر جىل بويى الەۋمەتتىك كومەك بەرمەي كەلەدى. شەنەۋنىكتەر &ldquo؛قىزىڭىز وقۋدان شىعىپ, جۇمىس ىستەسىن&rdquo؛, &ldquo؛اۋىرىپ جاتا بەرمەي جۇمىس ىستە&rdquo؛ دەيدى. احاج بەن ەڭبەك جانە الەۋمەتتىك قورعاۋ دەپارتامەنتىنە بىرنەشە رەت باردىم. ءبىراق ولار مەنىڭ نە ءۇشىن &ldquo؛كرەديتى كەشىرىلگەندەردىڭ&rdquo؛ ساناتىنا ەنبەگەنىمدى ءتۇسىندىرىپ بەرە المادى, - دەيدى ول.

وزىن قۇقىق قورعاۋ ورگاندارىنا قايتا جۇمىسقا الۋدى تالاپ ەتىپ جۇرگەن بۇرىنعى پوليسەي البەك ەرعازيەۆ سويلەپ تۇرعاندا ونىڭ ءسوزىن جەرگىلىكتى باسىلىمنىڭ ءجۋرناليسى بولە بەردى. ءتىلشى ەرعازيەۆكە سويلەۋگە مۇمكىندىك بەرمەي, وعان سۇراق قويىپ, كوممەنتاريي تالاپ ەتتى.

ميتينگىنىڭ ورتاسىندا ميكروفون ىستەمەي قالدى. دىبىس وپەراتورى &ldquo؛وزىنە بىرەۋ قوڭىراۋ شالىپ, ميكروفوندى ءوشىرۋدى تالاپ ەتكەنىن&rdquo؛ ايتتى. كەيىن ميكروفون قايتا ىستەگەنىمەن, داۋىسى دۇرىس ەستىلمەدى.

شارانى ۇيىمداستىرۋشى ماقسات ايساۋىتوۆتىڭ سوزىنشە, اكىمدىك قىزمەتكەرى ساحنا شەتىندە تۇرىپ ساياسي تاقىرىپتاردا ءسوز سويلەگەندەردەن ميكروفوندى تارتىپ الۋدى سۇراعان.

ەربول كۋشەكوۆ (ورال قالاسى ىشكى ساياسات باسقاراماسىنىڭ جەتەكشىسى &ndash؛ رەد.) قايتا-قايتا كەلىپ, &ldquo؛الەۋمەتتىك ماسەلەلەردى عانا ايتىڭدار&rdquo؛ دەۋمەن بولدى. ول ميتينگىدە ساياسي تاقىرىپتار ايتۋعا بولمايتىنىن وسىلاي مەڭزەدى, - دەيدى ايساۋىتوۆ.

كۋشەكوۆ جۋرناليسىنە &ldquo؛جۇمىس ۋاقىتىندا پىكىر بەرە المايتىنىن, ميتينگىدەن سوڭ تىلشىلەرمەن سۇحباتتاساتىنىن&rdquo؛ ايتقان. ءبىراق ميتينگىدەن كەيىن تىلشىلەر ونى تاپپاي قالدى.