halyk bank قولما-قول اقشاسىز تولەم قىزمەتتەرىن تانىستىردى

ترەند پەن بۇگىنگى كۇننىڭ شىندىعىنا اينالعان قولما-قول اقشاسىز ەسەپ ايىرىسۋ ءۇردىسى جاڭا قوس قىزمەتپەن تولىقپاق. ونى halyk bank ۇسىنىپ وتىر.

العاشقىسى &ndash؛ android سمارتفوندارعا ارنالعان homebank موبيلدىك قوسىمشاسى ارقىلى ارنايى pos-تەرمينالداردا جاناسۋسىز تولەم جاساۋ قىزمەتى. بۇل قىزمەتتى جۇزەگە اسىرۋ ءۇشىن سمارتفوندا nfc ءمودۋلى ورناتىلعان بولۋى كەرەك. سونداي-اق موبيلدىك قوسىمشاعا تىركەۋ ارقىلى كەز كەلگەن visa كارتاسىمەن تولەۋ جاساۋعا بولادى.

بانك وكىلدەرىنىڭ ايتۋىنشا, ەلەكتروندىق تولەمنىڭ بۇل ءتۇرى ءقاۋىپسىز. ويتكەنى قوسىمشاعا قوسىلعان قۇرىلعى بانك كارتاسىنىڭ ءنومىرىن ساقتامايدى ەكەن.

كارتا تىركەلگەن homebank قوسىمشاسى ارقىلى تولەم جاساۋ وپ-وڭاي. بار بولعانى قوسىمشاعا كىرىپ, nfc تولەم جاساۋ بەلگىسىن تاڭداعان سوڭ سمارتفوندى جاناسۋسىز تولەم جاساۋ فۋنكسياسى بار pos-تەرمينالعا جاقىنداتۋ كەرەك. بارى سول. اتالمىش قىزمەت جۋىق ارالىقتا homebank قولدانۋشىلارىنا جاڭارتۋ كەلگەن ساتتەن قول جەتىمدى بولماق.

halyk bank باسقارما ءتوراعاسىنىڭ ورىنباسارى اسقار سماعۇلوۆتىڭ سوزىنشە, halyk bank جاناسۋسىز تولەم جاساۋدىڭ يننوۆاسيالىق تەحنولوگيالارىن پايدالانا وتىرىپ, قولما-قول اقشاسىز تولەمدەردى بەلسەندى دامىتىپ كەلەدى.

بانكتىڭ قولما-قول اقشاسىز تولەم جاساۋداعى جاڭاشىلدىقتارى تانىستىرىلعان شاراداعى ۇسىنىلعان كەزەكتى قىزمەت ءتۇرى tap to phone تەحنولوگياسى.

halyk bank جانە visa كومپانياسى بىرلەسىپ جاساعان يننوۆاسيالىق تەحنولوگيا ءnfc-مودۋلى بار android بازاسىنداعى سمارتفوندى قوسىمشا جابدىقسىز pos-تەرمينالعا اينالدىرۋعا مۇمكىندىك بەرەدى. بۇل شەشىم ورتا جانە شاعىن بيزنەس كاسىپورىندارىنىڭ وپەراسيالىق قىزمەتىن جەڭىلدەتەدى. جاناسۋسىز تولەمدەردى قابىلداۋ جەلىسىن ايتارلىقتاي كەڭەيتىپ, ساۋدا نۇكتەلەرىنىڭ كليەنتتەر بازاسىن ۇلعايتۋدى جانە ەكۆايرينگ قىزمەتتەرىنە قوسىلۋ قۇنىن بارىنشا ازايتۋعا جول اشادى.

كاسىپكەر tap to phone ارقىلى تولەمدەردى قابىلداۋ ءۇشىن payswiff كومپانياسى ازىرلەگەن halyk pos قوسىمشاسىن جۇكتەپ الىپ, halyk bank-پەن ەكۆايرينگ شارتىن جاساۋى ءتيىس.

بۇگىندە تەستىلەۋدەن ءوتىپ جاتقان ۇوسىمشا 2020 جىلى ىسكە قوسىلماق.

visa-نىڭ ورتالىق ازياداعى باس مەنەدجەرى ءاليا چىنىباەۆانىڭ ايتۋىنشا, قازاقستاندا, ءىرى قالالاردان تىس جەرلەردە, اسىرەسە وڭىرلەردە قولما-قول اقشاسىز تولەمدەردى قابىلداۋ جەلىسى, ءالى دە دامۋى قاجەت. بۇگىندە ەلدەگى ءاربىر 1 000 تۇرعىنعا تولەم قابىلدايتىن 10 تەرمينالدان كەلەدى ەكەن. بۇل كورسەتكىش نارىقتىڭ سيفرلى جولعا تولىقتاي كوشۋگە جەتكىلىكسىز ەكەنىن ايعاقتايدى. سوندىقتان tap to phone تەحنولوگياسى سىندى شەشىمدەردىڭ دۇنيەگە كەلۋى اسا ماڭىزدى.

 ؛