ق.توقاەۆ سوزدەن ءسۇرىندى. حالىقارالىق داۋ تۋۋى مۇمكىن

قر پرەزيدەنتى قاسىم-جومارت توقاەۆتىڭ "نەمسوۆا. ينتەرۆيۋ" باعدارلاماسىنا بەرگەن سۇحباتىندا قىرىم ماسەلەسى, قىتايداعى از ۇلتتارعا كورسەتىلىپ جاتقان قىسىم, قازاقستانداعى جالعىز ادامدىق نارازىلىق اكسيالارى تۋرالى ايتقان مالىمدەمەلەرى الەۋمەتتىك جەلىدە قىزۋ تالقىلانىپ, حالىقارالىق داۋعا اينالۋدىڭ از-اق الدىندا تۇر.

اڭگىمەنى سوڭعى ايتقانىمىزدان باستاساق. ق.توقاەۆتىڭ قىرىم وقيعاسىنا قاتىستى باسىپ الۋ, ياعني اننەكسيا ءسوزىن قولدانۋ تىم اۋىر دەۋى ۋكراينا بيلىگىنە ۇناي قويمادى. مالىمدەمەدەن سوڭ ۋكراينا سىرتقى ىستەر مينيسترلىگىنىڭ ءباسپاسوز قىزمەتى قازاقستانعا قاتىستى دەمارش جاريالاۋدى جوسپارلاپ جاتقانىن, توقاەۆ مالىمدەمەسىنە ۇلكەن الاڭداۋشىلىق بىلدىرە وتىرىپ, پرەزيدەنت ءسوزى ۋكراين-قازاق قارىم-قاتىناسىنا, حالىقارالىق دارەجەدە مويىندالعان ۇستانىمعا, 2014 جىلدىڭ 27 ناۋرىزىندا بۇۇ باس اسسامبلەياسى قابىلداعان №a/res/68/262 رەزوليۋسياعا قاراما-قايشى كەلەتىنىن حابارلادى.

ال رەسەيلىك تاراپ بولسا, كەرىسىنشە ق.توقاەۆتىڭ بۇل ايتقاندارىن جاقسىلىققا جورىپ جاتىر. قىرىم پارلامەنتىنىڭ ۆيسە-سپيكەرى ەفيم فيكس بۇنى «؛قىرىمدى رەسەيدىكى دەپ تانۋدىڭ الەمدىك ساياساتتاعى كەزەكتى كورىنىسى»؛ دەپ باعالادى.

جۋرناليستىڭ قىتايدا يسلام ءدىنىن ۇستاناتىن ۇيعىر, قازاق سىندى ەتنوس وكىلدەرىنە بايلانىستى كورسەتىلىپ جاتقان قىسىم تۋرالى ساۋالىنا پرەزيدەنتتىڭ «؛حالىقارالىق قۇقىق قورعاۋ ۇيىمدارىنىڭ كوپتەگەن حابارلارى شىندىققا سايكەس كەلمەيدى. قىتايداعى ەتنيكالىق قازاقتار ماسەلەسىن قاساقانا قوزدىرۋ بار»؛ دەپ تۇيىتكىل توركىنىن قىتاي مەن اقش اراسىنداعى ساۋدا سوعىسىنا جابا سالۋى دا الەۋمەتتىك جەلىدە ءتۇرلى تالقىلاۋعا تۇرتكى بولۋدا.

سونداي-اق پرەزيدەنتتىڭ قازاقستاندا جالعىز ادامدىق پيكەتتەردە ەشكىم ۇستالىپ جاتقان جوق دەگەن جاۋابى شىندىققا جاناسپايتىنى دا كوپشىلىككە ءمالىم. 12 قازاندا الماتى ارباتىندا جالعىز ادامدىق پيكەت ۇيىمداستىرعانى ءۇشىن بەلسەندىلەر &ndash؛ اسحات جەكسەباەۆ, سەرىك ايتجانوۆ جانە نويان راحىمجانوۆتىڭ جاۋاپكەرشىلىككە تارتىلعانى بەلگىلى. ارنايى اۋدانارالىق اكىمشىلىك سوتتا وتكەن وتىرىستا سۋديا سەرىك ايتجانوۆقا 50 اەك مولشەرىندە ايىپپۇل سالىپ, نويان راحىمجانوۆتى 7 تاۋلىككە اكىمشىلىك قاماۋعا الۋ, اسحات جەكسەباەۆتى 10 تاۋلىككە قاماۋ تۋرالى شەشىم شىعارعان بولاتىن.