ءدىن قوعاممەن تىعىز بايلانىستا
  • usd 468.56

  • eur 497.56

  • rub 7.3

  • cny 67.18

29 ناۋرىز, 15:34:56
الماتى
+35°

جاھاندانۋ زامانىندا عالامدىق باستى ماسەلە &ndash؛ بەيبىت ءومىر مەن تۇراقتى دامۋدىڭ تۇعىرى &ndash؛ بەيبىت كەلىسىم مەن توزىمدىلىك مادەنيەتىن ساقتاۋ مەن نىعايتۋ ەكەندىگى كۇمانسىز. زاماناۋي الەم قازىرگى تاڭدا ەكونوميكالىق داعدارىس, قارجىلىق تۇراقسىزدىق, الەۋمەتتىك كۇيزەلىس, ساۋدا جانجالدارى, ساياسي كەۋدەمسوقتىق تەكەتىرەسى, لاڭكەستىك, تەرروريزم سىندى سىن-قاتەرلەرمەن بەتپە-بەت كەلىپ وتىر. ءدىن جانە ءدىني ديپلوماتيا الەمدىك ساياساتتا مەملەكەتتەر مەن وركەنيەتتەردى ديالوگقا جەتەلەۋشى قاينار كوز رەتىندە قاراستىرىلۋدا. ەلىمىز الەمدىك جانە ءداستۇرلى دىندەردىڭ بەيبىتشىلىك پەن گۋمانيزمدى ۇلىقتاۋشى الەۋەتىنە سەنىم ارتىپ ءدىن كوشباسشىلارىن ەلىمىزدىڭ استاناسى نۇر-سۇلتان شاھارىنا جيناپ جاھاندىق ماسەلەلەردى ءدىني توزىمدىلىك جانە بەيبىت جولمەن شەشۋگە شاقىرادى.

دىندارلار ساناسىنىڭ راديكاليزاسيالانۋىنىڭ الدىن الۋ ءىس-شارالارى ەڭ الدىمەن ءدىن سالاسىنداعى مەملەكەتتىك ساياساتتىڭ پارمەندىلىگىن ارتتىرۋ, جاستاردىڭ الەۋمەتتەنۋ ۇدەرىسىندەگى ءدىننىڭ ورنى مەن ءرولىن زەردەلەۋ, ءدىندار ايەلدەر قاۋىمىن زايىرلى مادەني ۇستانىمعا تاربيەلەۋ, ازاماتتىق قوعام ينستيتۋتتارىنىڭ ءتيىمدى جۇمىس جاساۋىن ارتتىرۋ, جاستاردىڭ الەۋمەتتەنۋى مەن قوعامدىق ومىرگە اتسالىسۋىن جەتىلدىرۋ, ءداستۇرلى ءدىل مەن زايىرلى قاعيداتقا ساي ءدىندارلىق مادەنيەتىن قالىپتاستىرۋ, اسىرە دىنشىلدىكتىڭ سەبەپتەرىن ايقىنداۋ, الەۋمەتتىك از قامتىلعان توپتارمەن جۇمىستى ءتيىمدى جۇرگىزۋ, الەۋمەتتىك-ەكونوميكالىق تەڭسىزدىكتى ازايتۋ, حالىقتىڭ ءال-اۋقاتىن ارتتىرۋ, داستۇردەن تىس ىلىمدەردىڭ قوعامدىق سانا مەن ومىرگە تيگىزەر كەرى اسەرىن كەشەندى تۇردە كورسەتۋ, ايماقتاعى وزەكتى الەۋمەتتىك ماسەلەلەردى شەشۋ, ءدىني جاعدايعا قاتىستى تاجىريبە الماسۋ, ايماقتاعى ءدىني جاعدايدى تالداۋدىڭ ەلارالىق بىرىككەن ورتالىعىن قۇرۋ, قازاق ويشىلدارىنىڭ ءدىني مۇرالالارى مەن ورتا ازيالىق عۇلاما عالىمداردىڭ ەڭبەكتەرىن اۋدارۋ جانە ناسيحاتتاۋ, كورشى ەلدەردەگى ءدىني احۋالدى ءجىتى تالداۋ, ءىرى جانە مونوقالالارداعى ءدىني احۋالعا ۇنەمى تالداۋ جۇرگىزىلۋى ءتيىس.

ەلىمىزدەگى ءدىني احۋالىن جانە ءدىن سالاسىنداعى جاڭا ۇردىستەرىن تالداۋ ۇنەمى نازاردا بولعان ءجون. سوندىقتان دا, ءدىني تۇرعىداعى ەكسترەميزم مەن لاڭكەستىككە قارسى تۇراتىن سىني كوزقاراس, ازاماتتىق پوزيسيا قالىپتاستىرۋ ەلىمىز ءۇشىن ماڭىزدى مىندەت. ءدىني ەكسترەميزم مەن لاڭكەستىك ادام مەن قوعام ومىرىنە, مەملەكەت نەگىزىنە ءقاۋىپتى ىندەت ەكەندىگى جاستارعا بايىپتى جانە عىلىمي تۇرعىدا ءتۇسىندىرىلۋى قاجەت.

ەلىمىزدە 1999 جىلى «؛تەرروريزمگە قارسى ءىس-قيمىل تۋرالى»؛, 2005 جىلى «؛ەكسترەميزمگە قارسى ءىس-قيمىل تۋرالى»؛ قر زاڭدارى قابىلداندى. ەلىمىزدىڭ انتيتەررورلىق ءىس-شارالاردى كۇشەيتۋ ۇستانىمى 2017-2020 جىلدارعا ارنالعان ءدىني ەكسترەميزم مەن تەرروريزمنىڭ الدىن الۋعا بايلانىستى قابىلدانعان جانە 2018-2022 جىلدارعا ارنالعان مەملەكەتتىك باعدارلامالاردا ناقتى كورسەتىلگەن. وسى باعدارلاما اياسىندا الماتى قالاسى قوعامدىق دامۋ باسقارماسىنىڭ تاپسىرىسىمەن «؛مونيتورينگ جانە تالداۋ»؛ ورتالىعى حالىققا ءاقپاراتتىق-تۇسىندىرۋ جانە الدىن-الۋ جۇمىستارىن جۇرگىزىپ جاتىر. جالپى سانى 64 ماماننان, ءدىنتانۋشىلار, يسلامتانۋشىلار, الەۋمەتتانۋشىلار, ساياساتتانۋشىلار, قوعام قايراتكەرلەرى مەن زاڭگەرلەردەن تۇراتىن ارنايى اقپاراتتىق ءتۇسىندىرۋ توبى قۇرىلعان. بيىلعى جىلى 600-دەن استام ءىس-شارا ۇيىمداستىرۋ جوسپارلانۋدا. بۇل شارالار الماتى قالاسىنىڭ بارلىق الەۋمەتتىك توپتارىن قامتيدى. جالپى ءبىلىم بەرۋ مەكەمەلەرى وقۋشىلارىنا, ورتا ارنايى/جوعارى وقۋ ورىندارى ستۋدەنتتەرىنە جانە دە دەسترۋتيۆتىك اعىم وكىلدەرى كوپ شوعىرلانعان ساۋدا كەشەندەرىندە باسىم كوپشىلىك شارالار جۇرگىزىلەدى.

دىننىڭ الەۋەتىن قوعامدىق سانا مەن ۇلتتىق دۇنيەتانىم مەن پسيحولوگياعا ساي ەتنودىني بىرتەكتىلىك پەن ۇلتتىق تۇتاستىقتى نىعايتۋعا قىزمەت ەتۋگە باعىتتاۋ قاجەت. قازاقستانداعى ءدىنارالىق كەلىسىم مەن تۇراقتىلىقتى ساقتاۋ ءۇشىن &ndash؛ زايىرلى ۇستانىمداعى ءدىني سانا مەن ءدىني مادەنيەت قالىپتاستىرۋ ماڭىزدى. سونىمەن قاتار, قوعامدىق ءومىردى كلەريكاليزاسيالانۋدان جانە ءدىننىڭ ساياسي سيپات الۋىنا جول بەرمەۋ &ndash؛ زايىرلى مەملەكەت ءۇشىن وزەكتى ماسەلە.

بەيسەنوۆ باعدات

فيلوسوفيا عىلىمدارىنىڭ دوكتورى,

الماتى ق. ءاقپاراتتىق-تۇسىندىرۋ

توبىنىڭ مۇشەسى

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر