• usd 389.52
  • eur 429.21
  • rub 6.07
  • cny 54.94
29 قاڭتار, 10:30:56
قازاقستان ۋكراينانىڭ ساۋدا نارىعىنا الاڭداۋلى

30 قاراشا, 2019 ءداستۇر

قۇسبەگىلەردىڭ «سونار-2019» ءتۋرنيرى وتەدى

بۇگىندە ۇرپاق ساناسىنان وشە باستاعان حالقىمىزدىڭ ەجەلگى ءداستۇرى, ورەسى بيىك ونەرىن قايتا جاڭعىرتۋ ماقساتىندا العاش رەت 6-9 جەلتوقسان كۇندەرى الماتى وبلىسىنىڭ نارىنقول ءوڭىرى قاينار اۋىلىندا «؛سونار &ndash؛ 2019»؛ حالىقارالىق ءتۋرنيرى ۇيىمداستىرىلماق.

تۋرنير مادەنيەت جانە سپورت مينيسترلىگى بەكىتكەن رەگلامەنتكە سايكەس وتكىزىلەدى. قۇسبەگىلەر جارىسىنا باعدات مۇپتەكەقىزى باسقاراتىن «؛قىران»؛ فەدەراسياسى ۇيىتقى بولىپ وتىر.

مادەني شارانى نارىنقولدا وتكىزۋدىڭ دە وزىندىك ءمانى بار. نارىنقول &ndash؛ حالقى قوناقجاي, قازاقتىڭ ەجەلگى ءسالت-داستۇرى تۇنىپ تۇرعان, تابيعاتى تاماشا, اڭ-قۇسقا باي ءوڭىر.

دوداعا ەلدىڭ اقمولا, ماڭعىستاۋ, اتىراۋ, شىعىس قازاقستان, قاراعاندى, جامبىل, الماتى وبلىستارى مەن الماتى, استانا قالاسىنان 60-قا جۋىق بىلىكتى قۇسبەگىلەر, سونداي-اق قىرعىز ەلىنەن, قىتاي, مونعوليادان قۇس باپتاۋشى قاتىسادى.

جارىس بىرنەشە كەزەڭنەن تۇرادى. العاشقى كۇنى قۇستىڭ سىنى, قۇسبەگىنىڭ كيىم ۇلگىسى, ەركىن اڭعا سالۋ بويىنشا ىرىكتەۋ وتەدى.  ؛ەكىنشى كۇنى جارتىلاي فينالدىق كەزەڭدە بۇركىتتەر قويانعا, ال يتەلگى, قارشىعالار قولعا شاقىرۋ, دالبايعا شاقىرۋ, كەپتەر, قىرعاۋىلعا سالۋ بويىنشا سىنالسا, ءۇشىنشى كۇنى وتەتىن فينالدا بۇركىتتەر تۇلكىگە سالىنىپ, قارشىعا مەن يتەلگىلەر قويانعا جىبەرىلەدى. سونىمەن قاتار, اڭشى يتتەر (تازى) جارىسى دا قاتار وتكىزىلەدى.

جارىس باعدارلاماسى تومەندەگىدەي:

6 جەلتوقسان, 2019 ج.

جارىسقا قاتىسۋشىلاردىڭ كەلۋى, ورنالاسۋى.

7 جەلتوقسان

09.00- 10.00

جارىستىڭ اشىلۋى. جارىستىڭ العاشقى كۇنى. دايىندىق كەزەڭى. اتتىڭ تاعالارىن قاراۋ, تاعالاۋ. قۇسبەگىلەردىڭ قىران قۇستارمەن (بۇركىت, قارشىعا, سۇڭقار, لاشىن), اڭعا شىعۋ دايىندىعىن سىناۋ (قاعۋشىلار, ءىز كەسۋشىلەر, اتقوسشىلاردى جاساقتاۋ).

ا) قاقپان, تۇزاق, زاقپى, بەلقانجىعا, ساقپان, شاڭگەك, شىڭ, دابىل, داۋىلپاز, دۋدىعا, جانتورسىق, سىرىق (ىندەگى اڭدى الىپ شىعاتىن قۇرالداردى تۇگەندەۋ)؛

ا) ارقان, شوقپار, ەت قارماق؛

ب) اتتاردىڭ تاعاسىن تەكسەرۋ, تاعالاۋ؛

ۆ) ات ابزەلدەرىنىڭ (قامشى, جابۋ, ەر-تۇرمان)؛

2) قۇسبەگىلەردىڭ ۇلتتىق كيىم ۇلگىسى, قىران قۇستارعا قاجەتتى قۇرال-جابدىقتاردى (توماعا, بالاق باۋ, بالداق, شىرعا, دالباي ت.ب.) تۇگەندەۋ.

10.00-11.00

كوماندالاردىڭ اڭ اۋلايتىن ايماقتارعا اتتانۋى.

جارىس الاڭى.

ۇلتتىق سپورت تۇرلەرى: جامبى اتۋ, اۋدارىسپاق, اۋدان ونەرپازدارىنىڭ كونسەرتى.

17.00-18.00

اڭشىلاردىڭ ؛ اڭ اۋلايتىن ايماقتاردان قايتۋى.

18.00-19.30

كەشكى اس. «؛قوستاعى كەشكى الاۋ»؛. اڭشىنىڭ اسحاناسى (قىران قۇستار ۇستاعان اڭ-قۇستاردىڭ ەتىنەن دايىندالعان اس, كەشكى ويىن-ساۋىق, ان-كۇي, جىر, ايتىس).

19.30-20.00

جارىستى قورىتىندىلاۋ.

8 جەلتوقسان

09.30-13.00

كوماندالاردىڭ قىران قۇستارمەن (بۇركىت, قارشىعا, سۇڭقار, لاشىن), اڭشى (تازى, توبەت) يتتەرمەن اڭ اۋلايتىن ايماقتارعا اتتانۋى.

14.00-17.00

جارتىلاي فينال.

  • بۇركىتتى قويانعا سالۋ.
  • سۇڭقارلاردى دالبايعا شاقىرۋ.
  • قارشىعانى كەپتەرگە سالۋ.
  • كۋرسينگ. يتتەردى 350-500 مەترگە جارىستىرۋ.

17.00-17.30

جارىستى قورىتىندىلاۋ.

18.00-19.00

كەشكى اس.

19.00-20.00

الماتى وبلىستىق «؛جالايىر شورا-قىران»؛ فەدەراسياسىنىڭ تۇساۋ كەسەر راسىمى.«؛جىگىتتىڭ جەتى ونەرى»؛. قۇسبەگىلەردىڭ ۇلتتىق ونەردەگى بەلسەندىلىگى (شىعارماشىلىعى, ۇلتتىق مۋزىكالىق اسپاپتا ويناۋ, ان-كۇي ورىنداۋ شەبەرلىگىن سىناۋ ت.ب.).

9 جەلتوقسان.

10.00- 10.30

تۋرنيردىڭ سالتاناتتى اشىلۋى.

10.30-13.00

بۇركىتتى تۇلكىگە سالۋ. قارشىعانى قويانعا, سۇڭقارلاردى قىرعاۋىلعا سالۋ. اڭشى يتتەردىڭ يىسشىلدىك قابىلەتىن, جىلدامدىعىن انىقتاۋ, تۇلكىگە سالۋ.

13.00-14.00

تۇسكى اس.

14.00-15.00

ماراپاتتاۋ ءراسىمى. ءتۋرنيردىڭ سالتاناتتى جابىلۋى.

15.00

جارىسقا قاتىسۋشىلاردىڭ قايتۋى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر