27 قاراشا, 2019 news
سىرتقى ىستەر مينيسترلىگى قىتايدا ەسىرتكى كونترابانداسى ءۇشىن ۇستالعان اقجارقىن تۇرلىبايدى ەلگە قايتارۋ ماسەلەسىن ءتۇسىندىردى, دەپ حابارلايدى ؛qamshy.kz اقپارات اگەنتتىگى ؛sputnik قازاقستان ؛سايتىنىڭ دەرەگىن نەگىزگە الىپ.
مينيستردىڭ ءبىرىنشى ورىنباسارى شاحرات نۇرىشەۆتىڭ ايتۋىنشا, سوتتىڭ سوڭعى شەشىمى ءالى شىققان جوق. ونسىز اقجارقىن تۇرلىبايدى ەكستراديسيالاۋعا سۇراۋ سالۋ مۇمكىن ەمەس.
"سوتتىڭ سوڭعى وتىرىسى قىركۇيەك ايىندا بولعان. ءبىراق شەشىم ءالى شىققان جوق. ءبىز سونى كۇتىپ وتىرمىز. سوتتىڭ شەشىمى شىققاننان كەيىن ەكستراديسيالاۋعا بولادى. ءتارتىپ بويىنشا ونىڭ تۋعان-تۋىستارى باس پروكۋراتۋراعا اقجارقىندى ەكستراديسيالاۋ تۋرالى ءوتىنىشحات جولدايدى. سونىڭ نەگىزىندە باس پروكۋراتۋرا قىتايداعى كونتر ارىپتەستەرگە سۇراۋ سالادى. ولار ءوز كەزەگىندە سوتتالعان ادامدى بەرە مە, جوق پا, وزدەرى شەشەدى. وڭ شەشىم بولسا, ەكستراديسيا جاسالادى", - دەدى نۇرىشەۆ.
ونىڭ سوزىنە قاراعاندا, اقجارقىن تۇرلىباي ەلگە قايتارىلعاننان كەيىن ونىڭ ءىسىن قازاقستاننىڭ سوتى قارايدى. سەبەبى ەكى ەلدىڭ زاڭناماسى ەكى بولەك جانە قىلمىس ءۇشىن بەرىلەتىن جازا ءارتۇرلى.
"يا, جازانىڭ مەرزىمى وزگەرۋى مۇمكىن. سەبەبى قازاقستان مەن قىتايدىڭ زاڭناماسى بىر-بىرىنە ۇقسامايدى. ءبىر قىلمىس ءۇشىن ءارتۇرلى جازا بەرىلەدى. سوندىقتان بۇل جەردە ول ءوز جازاسىن قازاقستاننىڭ زاڭناماسى بويىنشا وتەۋى ءتيىس", - دەپ اتاپ كورسەتتى نۇرىشەۆ.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر