• usd 468.56

  • eur 497.56

  • rub 7.3

  • cny 67.18

28 ناۋرىز, 18:01:45
الماتى
+35°

فوتو phd دوكتور قۋانتار اليحانوۆتىڭ جەكە مۇراعاتىنان الىندى

ا

بيىلعى جىلدىڭ توعىز ايىندا مال دارىگەرلەرىنىڭ جالاقىسى 23 پايىزعا ارتىپ, 112 مىڭ تەڭگە بولدى, دەپ جازادى finprom سايتى. الايدا بۇل ەلدەگى ورتاشا جالاقىدان (181,9 تەڭگە) اجەپتاۋىر تومەن. ينفلياسيانى ەسكەرگەندەگى ساتىپ الۋ قابىلەتىنىڭ ءوسىمى 16,7 پايىزعا تەڭ. جالاقى تومەندىگىنىڭ سالدارىنان ۆەتەريناريا سەكتورىندا مامان تاپشى. بۇگىندە بارلىق دەرلىك ءوڭىر كادردان تارشىلىق كورىپ وتىر.

ۆەتەريناريا سالاسىندا 87 مىڭنان استام ادام ەڭبەك ەتەدى. اتالعان سەكتورداعى قىزمەت كولەمى جارتى جىلدا 15,9 ملرد تەڭگەنى قۇراعان. بۇل بىلتىرعى سايكەس كەزەڭدەگى كورسەتكىشكە (18,6 ملرد) قاراعاندا از. 17 ايماقتىڭ 10-ىندا قىزمەت كولەمى كەمىگەن. ۆەتقىزمەت كولەمى ارتقان وڭىرلەر قاتارىندا تۇركىستان (+32,8% 1 جىلدا), اتىراۋ (+25,6%), قوستاناي (+15,5%) جانە اقتوبە (+13,6%) وبلىستارى بار.

مال دارىگەرلەرىنىڭ تاپشىلىعى اسىرەسە اقتوبە وبلىسىندا ەرەكشە سەزىلۋدە. وبلىستا ۆەتەرينارلارمەن قاتار اگرونوم, زووتەحنيك, ماشينيست سىندى 400 مامان جەتىسپەيدى. فەرمەرلەر سوزىنشە, ماسەلە شەشىمىن تاپپاسا, تاياۋ ۋاقىتتا ايماقتا مال شارۋاشىلىعىمەن اينالىساتىن ادام قالمايدى.

اقتوبە اۋىل شارۋاشىلىعى كوللەدجى ديرەكتورىنىڭ وقۋ-ادىستەمە بويىنشا ورىنباسارى ايگۇل بالماعامبەتوۆانىڭ ايتۋىنشا, اگرو ونەركاسىپتىك كەشەنمەن بايلانىستى ماماندىقتارعا جاستار بارعىسى كەلمەيدى.

&ndash؛ بىزدە اۋىل شارۋاشىلىعىنا بالالار از بارادى. مال دارىگەرى, اگرونوم ماماندىقتارىنىڭ جۇمىسى وڭاي ەمەس. ال جالاقىسى از, شامامەن 70-80 مىڭ تەڭگەنىڭ اينالاسىندا. سوندىقتان اۋىل شارۋاشىلىعى ماماندىقتارىنىڭ مارتەبەسىن كوتەرۋ قاجەتتىگى تۋىپ وتىر, &ndash؛ دەيدى ول.

احمەت بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىنىڭ 3-كۋرس phd دوكتورانتى, اقش, بەلورۋس, پولشا ەلدەرىنىڭ ۆەتەرينارلىق دارى-دارمەكتەرىنىڭ قازاقستانداعى ديستريبيۋتورى «؛يۋگۆەتسەرۆيس-2015»؛ كومپانياسىنىڭ قىزمەتكەرى جۇلدىز كۇرمانبەكوۆانىڭ پىكىرىنشە, ۆەتەرينارلىق سالاعا قاتىستى قوعامداعى قالىپتاسقان كەيبىر پىكىرلەر قاتە.

&ndash؛ و باستا بۇل سالاعا كەلگەندە دوكتورلىققا دەيىن وقيمىن دەپ ويلامادىم. سويتسەم, ۆەتەرينارلىق سەكتوردىڭ دا قىزىعى از ەمەس ەكەن. بۇل سالا عىلىمي جاڭالىقتاردىڭ ۇدايى وندىرىسكە ەنىپ, ءىس جۇزىنە اسىپ جاتاتىنىمەن قىزىق. كەي جاستارعا ۆەتەريناريانىڭ بولاشاعى بۇلىڭعىر بولىپ كورىنەتىنى جاسىرىن ەمەس. البەتتە, وندىرىستىك سالادا شەشىمىن تابۋى ءتيىس ماسەلە بارشىلىق. ال عىلىمي ۆەتەريناريا ەلدە كەنجەلەپ قالعان دەگەن پىكىرمەن كەلىسپەيمىن. بۇل سالادا دا ءتۇرلى جوبالار, زەرتتەۋلەر, گرانتتار, باعدارلامالار بار. ءوز باسىم زەرتتەۋ جۇمىسىمەن اقش-تا, سلوۆاكيا, اۆستريا, رەسەي, ازەربايجان, تاجىكستان, قىرعىزستان, ۋكراينا, بەلورۋس ەلدەرىندە بولىپ, شەتەلدىك ماماندارمەن تاجىريبە الماستىم. شەتەلدىك ارىپتەستەرمەن جۇمىس ىستەگەننەن تۇيگەنىم, وقۋدى جاڭا بىتىرگەن مامانداردى شەتەلگە شىعارىپ, تاجىريبە الماسۋعا مۇمكىندىك بەرۋدىڭ پايداسى مول, &ndash؛ دەيدى جۇلدىز كۇرمانبەكوۆا.

جۇلدىز

احمەت بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىنىڭ 3-كۋرس phd دوكتورانتى جۇلدىز كۇرمانبەكوۆا

قازاق ۇلتتىق اگرارلىق ۋنيۆەرسيتەتىنىڭ قاۋىمداستىرىلعان پروفەسسورى, phd دوكتور قۋانتار اليحانوۆ تا ەلدە عىلىمي ۆەتەريناريا جاقسى جولعا قويىلعانىن, الايدا وندىرىستە مال دارىگەرلەرى تاپشى ەكەنىن ايتتى.

&ndash؛ مامان تاپشىلىعىنىڭ بىر-بىرىنە بايلانىستى بىرنەشە سەبەبى بار. اۋەلى كوپ ماسەلە جالاقىعا كەلىپ تىرەلەدى. ۆەتمامانداردىڭ جالاقىسى ءالى دە از. مامان تاپشىلىعىنا اسەر ەتۋشى ەكىنشى فاكتور &ndash؛ ۋربانيزاسيا ءۇردىسى. جاستار اۋىلدا تۇرعىسى كەلمەيدى. وعان سايىپ كەلگەندە اۋىلداعى جاي-كۇيدىڭ ناشارلىعى, جالاقىنىڭ تومەندىگى سەبەپ. وسىنىڭ سالدارىنان جاس ماماندار جەتىسپەيدى. اۋىلدىق جەرلەردەگى مال دارىگەرلەرىنىڭ باسىم كوپشىلىگى ۇلكەن كىسىلەر, &ndash؛ دەگەن عالىم اۋىل شارۋاشىلىعى ماماندىقتارىنا گرانتقا تۇسكەن ستۋدەنتتەردى 3 جىل سول ماماندىق بويىنشا جۇمىس ىستەۋگە مىندەتتەيتىن نورمادان ۇلكەن ءۇمىت كۇتەتىنىن جاسىرمادى. &ndash؛ بۇرىن اۋىل كۆوتاسى بويىنشا گرانتقا تۇسكەندەرگە 3 جىل اۋىلدا ەڭبەك ەتۋ مىندەتتەلەتىن. ءقازىر بۇل تالاپ اۋىل شارۋاشىلىعى ماماندىقتارىندا گرانتتا وقيتىن بارلىق ستۋدەنتتەرگە ەنگىزىلدى. بۇل &ndash؛ جاقسى باستاما. الايدا سەرپىن باعدارلاماسىنداعىداي گرانت ءۇشىن وقۋعا ءتۇسىپ الىپ, جوعارى كۋرستارعا كەلگەندە وزگە ماماندىقتارعا اۋىسىپ كەتەتىندەر بولۋى مۇمكىن. سوندىقتان وسى ماسەلە ءالى زەردەلەۋدى قاجەت ەتەدى, &ndash؛ دەپ اتاپ ءوتتى ول.

ا

قازاق ۇلتتىق اگرارلىق ۋنيۆەرسيتەتىنىڭ قاۋىمداستىرىلعان پروفەسسورى, phd دوكتور قۋانتار اليحانوۆ

سونداي-اق قۋانتار اليحانوۆ گرانتتاردى ءبولۋ ماسەلەسىنە نازار اۋداردى.

&ndash؛ مەديسينا سالاسىنا قاتىستى ماماندىق گرانتتارىن بەيىندىك ۆەدومستۆو &ndash؛ دەنساۋلىق ساقتاۋ مينيسترلىگىنە بەكىتكەن سياقتى اۋىل شارۋاشىلىعى ماماندىقتارىن دا سايكەس ورگان &ndash؛ اۋىل شارۋاشىلىعىنا بەكىتكەن ءجون بولار ەدى. ويتكەنى ول جەردەگىلەر سالاداعى ناقتى جاعدايدى جاقسى بىلەدى. قولدارىندا قاي جەردە, قانداي مامان جەتىسپەيتىنى تۋرالى اقپارات بار. ەگەر بۇل جۇزەگە اسسا, ناقتى جاعداي بويىنشا گرانت ءبولىنىپ, نىسانالى جۇمىستار جۇرگىزىلەر ەدى, &ndash؛ دەيدى عالىم.

ونىڭ سوزىنشە, بۇگىندە ۆەتەريناريا ماماندارىنىڭ اراسىندا ەر بالالاردىڭ جەتىسپەۋشىلىگى وتە وتكىر ماسەلەگە اينالعان.

ۆەتەرەنارياداعى كوكەيتەستى پروبلەمانىڭ ءبىرى &ndash؛ وڭىرلەردەگى مال دارىگەرلەرىنىڭ بىلىكتىلىگىن ارتتىرۋ ماسەلەسى.

&ndash؛ بيۋدجەتتەن قىرۋار قارجى ءبولىپ, ءاربىر مال دارىگەرىن ۋنيۆەرسيتەتتەر مەن عىلىمي-زەرتتەۋ ينستيتۋتتارعا جىبەرۋ ءتيىمسىز. ونىڭ ورنىنا ورتالىقتاعى بىلىكتى مامانداردى اۋداندارعا, اۋىلدارعا اتتاندىرىپ, سول جاقتاعىلارعا بىر-ەكى اپتا سەمينار جۇرگىزىپ, ۇيرەتسە اناعۇرلى ءونىمدى بولار ەدى. ءارى قارجى دا ۇنەمدەلەدى. ءبىر ادامدى اۋدانعا جىبەرىپ, ەلۋ ادامدى وقىتقان ارزان با, ەلۋ ۆەتەريناردى قالادا وقىتقان ارزان با؟ ويلانا بەرىڭىز, دەگەن عالىم ۆەتەريناريا سالاسىندا پروفيلاكتيكانىڭ اقساپ تۇرعانىن دا اتاپ ءوتتى. &ndash؛ بىزدە پروفيلاكتيكا دۇرىس جاسالمايدى. ءقازىر سۇيەلدى دەرماتيت اۋرۋى ءورشىپ تۇر. بۇكىل قازاقستانعا تاراپ بارا جاتىر. ول الدىن الۋ, ساقتاندىرۋ جۇمىستارىنىڭ دۇرىس جۇرمەۋىنىڭ كەسىرىنەن شىققان. مال ۇستايتىن جەكەلەگەن ادامداردىڭ كوبى رەسەيلىك ارزان ەكپەلەردى قولدانادى. ال ولاردىڭ اۋرۋعا قارسى تۇراتىن ەشقانداي كۇشى جوق. تيىمدىلىك نولگە تەڭ. وسىلايشا, اۋرۋ تارالا بەرەدى. ونىڭ ورنىنا ءوزىمىزدىڭ بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتى شىعاتىن ەكپە ۆاكسينالاردى قولدانسا, مالدار اۋىرمايدى. وسىنى ءبىر ىزگە ءتۇسىرۋ وتە ماڭىزدى. سونداي-اق دەزينفەكسيا شارالارى دا شارۋاشىلىقتاردا دۇرىس جاسالىنبايدى. ءارى ونى باقىلاپ جاتقان ەشكىم جوق. وسىلاردىڭ سالدارىنان ءتۇرلى اۋرۋ وشاقتارى شىعىپ جاتىر. سوندىقتان ۆەتەريناريا بولىمدەرى مەن ينسپەكسيالارىن ىرىلەندىرىپ, وكىلەتتىلىگىن ارتتىرۋ قاجەت. اۋرۋلاردىڭ پروفيلاكتيكالىق, ساۋىقتىرۋ-دەزينفەكسيالىق شارالار كەشەنىن شارۋاشىلىقتار مەن فەرمالاردا جۇيەلى تۇردە جۇرگىزۋدى جولعا قويۋ كەرەك, &ndash؛ دەيدى عالىم.

قۋانتار اليحانوۆتىڭ ايتۋىنشا, جاس ماماندى جۇمىسقا تارتۋدىڭ باستى شارتى &ndash؛ ولاردى ىنتالاندىرۋ تەتىكتەرىن جەتىلدىرۋ.

&ndash؛ جاستارعا ماتەريالدىق تۇرعىدا قولداۋ بولسا, ولار اۋىلعا بارادى. ول ءۇشىن باسپانا ماسەلەسىن شەشىپ, كوتەرمە جاردەماقىلار تاعايىنداۋ قاجەت. «؛ديپلوممەن اۋىلعا»؛ باعدارلاماسىنىڭ كوتەرمە جاردەماقىلارىن جوعارىلاتىپ, ولاردى راسىمدەۋدى جەڭىلدەتىپ, قاعازباستىلىقتى ازايتۋ كەرەك. سوندا جاستار وسىنداي باعدارلامالارعا قاتىسادى. ولاردىڭ كوبى باسىندا «؛3-5 جىلعا اۋىلعا بارىپ, كەيىن كوشىپ كەتەرمىن»؛ دەپ ويلاۋى مۇمكىن. ءبىراق تاجىريبە كورسەتكەندەي, ولاردىڭ باسىم كوپشىلىگى سول جاقتا وتاۋ قۇرىپ, جەكە كاسىپتەرىن دوڭگەلەتىپ, جۇرتپەن ارالاسىپ, ءبىر سوزبەن ايتقاندا اۋىلعا ءسىڭىسىپ كەتىپ جاتىر.

ىنتالاندىرۋدىڭ تاعى ءبىر ءتاسىلى &ndash؛ رەيتينگتىك جۇيە ەنگىزۋ. بەلگىلى ءبىر تۇراقتى جالاقى بەلگىلەپ, جۇمىس ونىمدىلىگىنە قاراي ۇستەمە قوسىلىپ وتىرسا, مامانداردا جۇمىس ىستەۋگە دەگەن قۇلشىنىس پايدا بولادى. ايتالىق, اۋداندا 100 باس ءىرى قارا برۋسەللەزبەن اۋىرادى دەلىك. كەلەسى جىلى سونى 80-گە تۇسىرسە, وندا بەلگىلى ءبىر كولەمدە ماتەريالدىق تۇرعىدا ىنتالاندىرۋ كورسەتىلسە. نەمەسە اۋىل تۇرعىندارى اراسىندا ۆەتەريناردىڭ جۇمىسىن باعالاۋ جۇرگىزىلىپ, سونىڭ نەگىزىندە جالاقىعا ۇستەماقى تولەنىپ وتىرسا مال دارىگەرلەرى جۇمىستى قۇلشىنىپ ىستەر ەدى, &ndash؛ دەپ ويىن ءبىلدىردى قۋانتار اليحانوۆ.

مەلىس سەيداحمەتوۆ

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر