ماڭعىستاۋعا بيىل 445 ملرد.تەڭگە ينۆەستيسيا تارتىلدى

نۇر-سۇلتان قالاسىنداعى ورتالىق كوممۋنيكاسيالار قىزمەتى الاڭىندا وتكەن بريفينگكتە ماڭعىستاۋ وبلىسى اكىمى س.ترۇموۆ وڭىردەگى كاسىپكەرلىك سالاسىن وركەندەتۋ, يننوۆاسيالىق بيزنەس باستامالاردى قولداۋ جانە ينۆەستيسيالىق ؛ پوتەنسيالدى ارتتىرۋ جونىندە ماعلۇماتپەن ءبولىستى.

بۇگىنگى تاڭدا وڭىردەگى كاسىپكەرلەر سانى 54 مىڭعا جۋىقتادى. ال بيۋدجەت قازىناسىن مولايتاتىن سالىمداردىڭ 22,5 پايىزى ؛ شاعىن جانە ورتا بيزنەس سۋبەكتىلەرىنەن تۇسكەن. «؛بيزنەستىڭ جول كارتاسى - 2020»؛ باعدارلاماسى ىسكە قوسىلعالى بەرى وبلىستا قۇنى 87 ملرد. تەڭگەنى قۇرايتىن 935 جوبا جۇزەگە اسقان. ال بيىل 4 ملرد. تەڭگەگە 170 جوبا سۋبسيديالانعان. وسى جۇمىستار ناتيجەسىندە 5000-عا جۋىق جاڭا جۇمىس ورىندارى قۇرىلىپ, 13 636 جۇمىس ورنى ساقتالدى.

بيىل جەكە كاسىبىن جۇرگىزۋگە ىنتالى ازاماتتارعا 2,2 ملرد. تەڭگەگە شاعىن نەسيە بەرىلسە, جاڭادان ىسكە قوسىلعان 279 جوبا اياسىندا 397 جاڭا جۇمىس ورنى اشىلدى. ال «؛نۇر كاپيتال»؛ وڭىرلىك باعدارلاماسى بويىنشا 2,2 ملرد. تەڭگەگە 113 جوبا قارجىلاندىرىلىپ, 932 جۇمىس ورنى قۇرىلدى. ناتيجەسىندە جۇمىسسىزدىق دەڭگەيى 4,8 پايىزعا تومەندەدى. شاعىن جانە ورتا بيزنەستى دامىتۋ باعىتىندا اتقارىلعان جۇمىستار ارقاسىندا 30 مىڭنان استام جۇمىس ورنى پايدا بولدى.

وڭىر باسشىسى كاسىپكەرلىك ءورىسىن كەڭەيتۋدە «؛اتامەكەن»؛ ۇكپ وڭىرلىك فيليالدارى قىزمەتى ماڭىزىن ەرەكشە اتاپ ءوتتى. ماسەلەن, پالاتا قولداۋىمەن جاڭاوزەن قالاسىندا «؛كاسىپ ءتۇبى ء&ndash؛ناسىپ»؛ جوباسى ىسكە اسىرىلۋدا. بۇل جوبا ەكونوميكاسى مۇناي شيكىزاتىنا تاۋەلدى قالا دامۋىنا وڭ ىقپال ەتەرى انىق. جوبا اياسىندا قالانىڭ جۇمىسسىز تۇرعىندارى ءوز ءىسىن باستاۋ ءۇشىن ارنايى كەڭەس الۋ مۇمكىندىگىنە قول جەتكىزدى. سونداي-اق جاڭاوزەن قالاسى بويىنشا «؛باستاۋ بيزنەس»؛, «؛جاس كاسىپكەر»؛ باعدارلامالارى بويىنشا 491 ادام وقىپ, 37 ملن. تەڭگەگە 77 جوبا ىسكە اسقان.

سونداي-اق ءباسپاسوز ءماسليحاتىندا ماڭعىستاۋ ءوڭىرىنىڭ ينۆەستيسيالىق الەۋەتى جايلى ماعلۇمات بەرىلدى.

قازىرگى تاڭدا ماڭعىستاۋ اۋماعىندا 763 شەتەلدىك كومپانيالار جۇمىس ىستەيدى. ولاردىڭ قاتارىندا ەۋروپا, اقش, قىتاي, جاپونيا, كورەيا جانە ت.ب. 47 ەلدەن كەلگەن مەكەمەلەر بار. وتكەن اپتادا ءوڭىردىڭ ەكونوميكالىق دامۋىنا وڭ سەرپىن بەرەتىن جاڭا جوبالار قۇرىلىسى باستاۋ الدى. ونىڭ ءبىرى &ndash؛ قۇنى 1,8 ملرد. اقش دوللارىن قۇرايتىن مەتانول مەن ولەفين وندىرەتىن زاۋىت. ءوندىرىس وشاعى «؛اقتاۋتەڭىزپورتى»؛ اەا-دا بوي كوتەرەدى. ينۆەستيسيالىق جوبا 2023 جىلى ىسكە قوسىلادى. زاۋىت قۇرىلىسىنا 4000 جۇمىسشى جۇمىلدىرىلادى, ال زاۋىت ىسكە قوسىلىسىمەن 700-گە جۋىق جاڭا تۇراقتى جۇمىس ورنى قۇرىلادى.

ەكىنشىسى &ndash؛ كاسپيي تەڭىزى تۇبىنەن ءازىربايجان باعىتىنا قاراي تالشىقتى-وپتيكالىق بايلانىس جەلىسىن توسەۋ جوباسى. قۇنى 60 ملن. اقش دوللارىن قۇرايتىن اۋقىمدى جوبا اياسىندا 150 جاڭا جۇمىس ورنى اشىلادى. تەڭىز تۇبىندە جۇرگىزىلەتىن جەلى ۇزىندىعى 400 شاقىرىمدى قۇرايدى. سەكۋندىنا 4-6 تەرابيت اقپارات الماسۋ قۋاتىنا يە جوبا ەۋروپا مەن ازيا اراسىن جالعايتىن ساندىق تەلەكوممۋنيكاسيالىق ءدالىزدىڭ نەگىزىنە اينالادى.

بيىل ماڭعىستاۋ وڭىرىنە تارتىلعان ينۆەستيسيا كولەمى &ndash؛ 445 ملرد. تەڭگەنى قۇرادى. بۇل كورسەتكىش وتكەن جىلمەن سالىستىرعاندا 2,9 پايىزعا ارتقان.