• usd 468.56

  • eur 497.56

  • rub 7.3

  • cny 67.18

29 ناۋرىز, 11:59:32
الماتى
+35°

جەلىنىڭ جەتەلى ويپازدارى!
بۇل جازبامدى سىزدەرگە ارنادىم. سىزدەر ارقىلى قر پرالامەنتى ءماجىلىسىنىڭ سپيكەرى ن.نىعماتۋللينگە ءۇشبۋ سالەم جولدادىم.


نىعماتۋللين مادەنيەت جانە سپورت ءمينيسترىنىڭ ورىنباسارىنا شۇيلىگىپ وتىر. مينيسترلىك وزدەرىنە بولىنگەن ءبىر 300 ميلليون تەڭگەنى قورعاي الماعان با, قالاي؟ «؛اقشانى دالاعا شاشاسىڭدار. مەملەكەتكە جاندارىڭ اشىمايدى. ميرنيسترلىكتە 300 (؟) ادام جۇمىس ىستەيدى. سەندەر سىرتتان فيرما جالدايسىڭدار. سوندا مينيسترلىكتە كونسەپسيا جاسايتىن ءبىر ادام بولماسا, ول اپپاراتتىڭ كەرەگى نە؟ مينيسترلىككە قارايتىن مۋزەي, كىتاپحانالارىڭ بار. ولار نە ىستەيدى؟...»؛


قۇداي-اۋ, سپيكەر سۇراۋدى جاڭبىرشا جاۋدىردى, ءمينيستردىڭ ورىنباسارىنا ۇرسىپ باقتى. سىرت قاراعان كىسىگە, مينيسترلىكتىڭ ىشكى «؛كۋحنياسىنان»؛ بەيحابار جاندارعا جاعىپ-اق بارادى. ءبىراق, مينيسترلىكتە بۇرىن قىزمەت اتقارعان مامان جايىندا ءنىعماتۋلليننىڭ سۇراۋى, سىنى, ءسوزى بىزگە ۇنامادى. ماسەلە كوتەرىسى دۇرىس. ءبىراق, شىنداپ كەلگەندە بۇل تالقى ەلباسىنىڭ «؛بولاشاققا باعدار: رۋحاني جاڭعىرۋ»؛ باعدارلامالى ماقالاسىنان تۋىندايتىن مىندەتتەرگە قارسىلىق سياقتى بولىپ شىقتى شىندىعىندا!


ويلانىپ كورەيىكشى. مينيسترلىك جەرگىلىكتى جەرلەرمەن بايلانىسىپ جىلىنا بىرنەشە تەاتر فەستيۆالىن وتكىزەدى. حالىقارالىق, رەسپۋبليكالىق ت.ب. مينيسترلىكتە تەاتر ماسەلەسىن قاتاڭ باقىلايتىن جانە وسى ىستەردى ۇيىمداستىراتىن ءبىر عانا قىزمەتكەر بار. بۇرىن وبلىس باسقارعان ادامعا وبلىستىق مادەنيەت باسقارماسىنىڭ مينيسترلىك ارقىلى قارجىلاندىرىلمايتىنىن ايتپاي-اق قويايىن. سول سەكىلدى جەرگىلىكتى مۋزەي, كىتاپحانالار... ولار دا جەرگىلىكتى باسقارۋ ەنشىسىندى. ءارى ءبارىنىڭ ايلىعى اۋىز تۇششىمايتىنداي از! قر پرەزيدەنتى ق.توقاەۆتىڭ مۋزەي, كىتاپحانا قىزمەتكەرلەرىنىڭ ايلىعىن كوتەرۋ جونىندە ءجيى ايتاتىنى سودان. تەاتر سەكىلدى مۋزەي, كىتاپحانا ىستەرىنە قارايتىن دا بىردى-ەكىلى ينسپەكتور بار. ولار وزدەرى كونسەپسيا جاساپ, وزدەرى جۇزەگە اسىرۋعا شاماسى دا كەلمەيدى, قارجىسى دا كوتەرمەيدى. سوندىقتان, مينيسترلىكتەگى الگى ءبىرلى-جارىم شتاتتاعى ينسپەكتور سالانىڭ ماماندارىنا جۇگىنىپ, ولارمەن شارتقا وتىرىپ دەگەندەي كونسەپسيا جاساتۋعا, ءىستى جۇزەگە اسىرۋعا مۇددەلى.باسقاشا جولى جوق بۇل ماسەلەنىڭ.


ايتالىق, ەلباسى جازۋشىلارعا گونوراردى (قالاماقى) قايتاردى. قايتارعاندا ماسەلەنى ن.ا.نازارباەۆ وسى مينيسترلىككە جۇكتەدى. مينيسترلىكتە قىزمەت ىستەيتىن جازۋشى بارى, جوعىن بىلمەيمىن. (جازۋشىلار وداعىنىڭ مۇشەسى). بىر-ەر عانا قالامگەر بار. جۋرناليست دەگەندەي. جىلدا جازۋشىلار قولجازبامەن تەندەرگە قاتىسادى. مىڭداعان قولجازبا. ونى مينيسترلىكتىڭ بىر-ەر جاۋاپتى قالامگەرى قالاي تالداپ, قالاي تالعاي الادى؟ ءتىپتى ونىڭ ءبارىن وقىپ شىعۋ مۇمكىن ەمەس. ەندى نە ىستەۋ كەرەك؟ سىرتتان ەكسپەرتتىك كوميسسيا قۇرىلادى. ولار الگى قولجازبالاردى ءبولىپ-بولىپ الىپ وقيدى. ىرىكتەپ, سۇرىپتاپ جۇزدەگەن قولجازبادان بىر-ەكەۋىن عانا جارامدى دەپ تابادى. جارامدى دەپ تابىلعان قولجازبا ىرىكتەلىپ الگى ەكسپەرتتەردىڭ كوميسسياسىنا قايتا تۇسەدى. جاتقان تارتىس. مىنە, وسى تارتىستان وتكەن قولجازبا عانا مينيسترلىك تاراپىنان ساتىلىپ الىنادى. ول قولجازبا عانا جىل اۋدارىپ بارىپ كىتاپ بولىپ شىعادى. الگى ەكسپەرت (رەسەنزەنت) قۇدايىعا جۇمىس ىستەي مە, سوندا؟


مينيسترلىكتىڭ بار سالا-سالا جۇمىستارىنىڭ جۇيەسى وسىنداي. بۇرىن دا وسىلاي بولعان. باسقاشا مۇمكىن ەمەس. سوندا الگى كوپسىنىپ وتىرعان 300 ملن. تەڭگەسى بار بولعىرىڭ ء«؛ۇپ»؛ دەسەڭ ۇشىپ كەتەتىن ەبەلەك قۇرلى دا بولماسى وزىنەن-وزى تۇسىنىكتى عوي, نۇرەكە-اۋ!

سپورت بۇدان دا كۇردەلى. قاراجاتتى مادەنيەت سالاسىنا قاراعاندا بالەنباي ەسە ارتىق جۇمساۋدى تالاپ ەتەدى.


مادەنيەت جانە سپورت شارۋاسى &ndash؛ ۇلتتىق ماسەلە! مەملەكەتىمىزدىڭ, مەملەكەت قۇراۋشى ۇلتىمىزدىڭ بار رۋحاني جان بايلىعىن (التىن ادام كورمەسىن شەت ەلدەردە ۇيىمداستىرۋ. ت.ب.) سىرت ەلدەرگە كەڭ كولەمدە جارنامالاپ كورسەتۋ &ndash؛ ەلدىك ءىس! ەلدىك ءىس قۇرعاق پاتريوتيزمگە جاسالمايدى عوي.


ەلباسىنىڭ «؛رۋحاني جاڭعىرۋ»؛ باعدارلاماسىن جۇزەگە اسىرۋ دا جايدەن-جاي بولا سالمايدى. الدىمەن ونى ءتۇسىنىپ قابىلدايتىن مامان كەرەك. مامان ماقالانى تالداپ ءىس-شارانى جۇزەگە اسىرۋ مەتوديكاسىن جاسايدى. كونسەپتۋالدىق ماقالانىڭ ءوزىن ۇرپاق ۇياسىنا ءسىڭىرۋ, ويىن بويىنا جارىستىرا كەمەلدەندىرە قالىپتاستىرۋ &ndash؛ رۋحاني جاڭارتۋ جولىندا مەتوديكادان مەتودولوگياعا دەيىن قانشاما جۇمىس اتقارىلادى. سونىڭ ءبارى قۇرعاق پاتريوتيزمگە جاسالمايدى عوي.


مادەنيەت جانە سپورت مينيسترلىگى كوپ سالالى. التىن ادامدى سىرتقا تانىستىرۋ, تەاتردىڭ سىرت ەلدەرگە گاسترولى, ونەرپازداردىڭ شەت ەلدىك فەستيۆالدەرگە قاتىسۋى, جەڭىمپاز بولىپ ورالۋى, سپورت تا سولاي... بۇلار ۇنەمشىلدىكتى جاقتىرمايدى.


قىل-قىسقاسى, وركەنيەتتى ەلدەر ەل مادەنيەتىنەن قارجى ۇنەمدەمەيدى. ويتكەنى, ەلدىڭ ىشكى مادەنيەتى &ndash؛ ونىڭ وركەنيەتتىك كورسەتكىشى. قانداي ەلدى دە ۇلتتىق وزىندىك مادەنيەتى, مادەنيەتىنىڭ ۇلتتىق سيپاتىنا قاراي تانيدى سىرت جۇرت. بۇگىن مادەنيەتكە قۇيىلعان اقشا, بولىنگەن قاراجات ەرتەڭ ەلگە سۇمدىق قازىنا بولىپ قايتۋى كەرەك. بۇگىن مادەنيەتتەن ۇنەمدەۋ ۇرپاقتىڭ ەرتەڭىنەن ۇنەمدەۋ! سوندىقتان پارلامەنت ءماجىلىسىنىڭ سپيكەرىنىڭ مينيسترلىك قارجىلارىن تالداۋ, تالقىلاۋىن جاقسى ىرىمعا جورىعانىممەن, تاپ مادەنيەت جانە سپورت مينيسترلىگىن تىعىرىققا تىرەۋدى ماقۇلداۋعا بولمايدى دەپ ويلايمىن.ۇنەمدەگىش بولساڭىزدار,وزگە ءبىر سالالىق مينيسترلىكتەردەن ۇنەمدەڭىزدەر! ارىلعىلارىڭىز كەلسە مۇناي, ەنەرگەتيكا ت.ب. سالالارداعى قارا شىبىنداي قاپتاعان دەلدال-كادرلاردان قۇتىلىڭىزدار!


قاپى قالىپپىز, رۋحاني جاڭعىرايىق دەيسىزدەر دە, رۋحاني جاڭعىرتۋ مينيسترلىگىن قارجىدان قىساسىزدار, شاعىن جانە ورتا بيزنەستى دامىتايىق دەيسىزدەر دە, وعان دەر كەزىندە قاراجات بولمەيسىزدەر, پرەمەر مينيستر ەلىمىزدە گچپ جۇرمەيدى دەپ ۇكىمەت ساعاتىندا ستول توقپاقتايدى كۇن سايىن, وبلىس, قالا, اۋدان اكىمدەرى «؛گچپ»؛-عا جەر بولمەيدى, كاسىپكەرگە ءوزىنىڭ ساتىپ العان جەرىنە قۇرىلىس سالدىرمايدى, قوقىعان قاعاز جيناپ, «؛قىشىعان الاقاندى»؛ قاناعاتتاندىرىپ قۇرىلىس سالساڭ &ndash؛ وتەمىن تولەمەي يت اۋرەگە سالادى. پارلامەنتتە قارايتىن ماسەلەلەر مىنە, وسىلار ەمەس پە؟!


سىزدەر, قالاي ويلايسىزدار, جەلىلەس دوستار؟ پىكىر الىسايىقشى.

 ؛

پروفەسسور قۇلبەك ەرگوبەكتىڭ facebook-تاعى پاراقشاسىنان الىندى

"قامشى" سىلتەيدى
ىلمەك سوزدەر: نۇرلان نىعماتۋلين

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر