قر ورتالىق كوممۋنيكاسيالار قىزمەتىندە وتكەن بريفينگ بارىسىندا شقو اكىمى دانيال احمەتوۆ وڭىردە 181 مىڭ تۇرعىن تىركەلگەنىن اتاپ ءوتتى. ونىڭ ىشىندە الەۋمەتتىك جاعىنان از قامتىلعان 27,1 مىڭ كوپبالالى انا بار.
بيىل كوپبالالى انالارعا كورسەتىلەتىن ءبىرىڭعاي الەۋمەتتىك كومەك ەكى ەسەگە ارتتى. ءسويتىپ 70 مىڭنان 140 مىڭعا دەيىن قاراجات تولەنەتىن بولدى. ال اتاۋلى الەۋمەتتىك كومەك ءۇش ەسەگە كوبەيدى. سونداي-اق تۇرعىن ءۇي الۋعا العاشقى جارنا بەرىلىپ, سۋبسيديا بولىنەتىن بولدى.
-اعىمداعى جىل باسىنان بەرى الەۋمەتتىك جاعىنان از قامتىلعان 21 مىڭ وتباسىعا نەمەسە 100,2 مىڭ ادامعا جالپى سوماسى 8,3 ملرد تەڭگە كولەمىندە اتاۋلى الەۋمەتتىك كومەك تاعايىندالدى. جىل سوڭىنا دەيىن ااك-تى شامامەن 26 مىڭ وتباسى نەمەسە 107,6 مىڭ الادى. وعان 11 ملرد تەڭگە قاراستىرىلعان, - دەدى دانيال احمەتوۆ.
سونىمەن قاتار بيىل شىعىسقازاقستاندىقتاردىڭ الەۋمەتتىك ماسەلەلەرىن شەشۋدىڭ ناقتى جولدارى قاراستىرىلدى. الەۋمەتتىك جاعىنان از قامتىلعان جانە كوپبالالى وتباسىلاردا تاربيەلەنىپ جاتقان 33,5 مىڭ بالا مەكتەپ فورمالارىمەن جانە ىستىق تاماقپەن تەگىن قامتاماسىز ەتىلدى. 3,5 مىڭ بالا بالاباقشا تەگىن بارادى. ەڭبەك نارىعىندا سۇرانىسقا يە كادرلاردى دايارلاۋ ماقساتىندا كوللەدجدەرگە 7930 گرانت ءبولىندى. جوو-نىڭ تۇلەكتەرىنە 400 گرانت (از قامتىلعان جانە كوپبالالى وتباسىلاردىڭ بالالارى) قاراستىرىلدى. ولار تەگىن تاماق جانە جولاقىمەن قامتاماسىز ەتىلگەن.
بيىل كوپبالالى جانە الەۋمەتتىك جاعىنان از قامتىلعان وتباسىلارعا, سونداي-اق ەڭبەككە جارامسىز مۇمكىندىگى شەكتەۋلى جاندارعا جەكە بيزنەستەرىن اشۋعا كومەك كورسەتۋ ماقساتىندا 1227 گرانت تاعايىندالدى.
شىعىس قازاقستاندا كوپبالالى وتباسىلاردى باسپانامەن قامتۋ جۇمىستارى كەزەڭ-كەزەڭىمەن ىسكە اسىرىلۋدا.
بۇگىندە اۋىلدىق جەرلەردە تۇراتىن 388 وتباسى نەمەسە 23% قونىس تويىن تويلادى. ونىڭ ىشىندە ء231-ى بيۋدجەتتەن تىس قاراجات ەسەبىنەن, 118-ڭ مەملەكەتتىك تۇرعىن ءۇي قورىنان, 39-ى دەمەۋشىلەر تاراپىنان كومەك الىپ, ءۇي الدى. "باقىتتى وتباسى" باعدارلاماسى بويىنشا وسى وتباسىلاردى بيۋدجەتتەن تىس قاراجات كوزدەرى ارقىلى تۇرعىن ۇيمەن قامتاماسىز ەتۋ مەحانيزمىن ەنگىزۋ قاراستىرىلۋدا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر