ابايدىڭ سيرەك كەزدەسەتىن تۋىندىلارى لوندوندا كورسەتىلەدى

قر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگ بارىسىندا شقو اكىمى دانيال احمەتوۆ ۇلى ابايدىڭ 175-جىلدىعىنا وراي جۇرگىزىلىپ جاتقان دايىندىق جۇمىستارى تۋرالى كەڭىنەن ايتىپ بەردى.

ول وبلىستا وسى شارانى كەڭ اۋقىمدا اتاپ ءوتۋ ءۇشىن ارنايى جوسپار جاسالعاننىن اتاپ ءوتتى. جوسپارعا سايكەس اقساقالدار, عالىمدار, ابايتانۋشىلار, ونىڭ ىشىندە عاريفوللا ەسىم, روللان سەيسەنباەۆ, اراپ ەسپەنبەتوۆ بار. بارلىعى 560 ءىس-شارا وتەدى, ء24-ى حالىقارالىق دەڭگەيدە ۇلىبريتانيادا, رەسەيدە, تۇركيادا, پولشادا, قىتايدا, 21 رەسپۋبليكالىق, 515 وبلىستىق شارا ۇيىمداستىرىلادى.

بۇدان بولەك "رۋحاني جاڭعىرتۋ" باعدارلاماسىنىڭ ايماقتىق باعدارلاماسىنا اقىننىڭ مەرەيتويىن ەنگىزۋ جوسپارلانۋدا. اعىمداعى جىل سوڭىنا دەيىن "ابايتانۋ" كۋرسىنىڭ كەشەندى وقۋ-ادىستەمەلىك كەشەنى ازىرلەنەدى. وسى ماقساتتا عالىمدار تارتىلادى. كەيىننەن بۇل عىلىمي-زەرتتەۋ ينستيتۋتتارىنىڭ جۇمىسى وبلىستاعى كوللەدجدەر مەن مەكتەپتەرگە تاراتىلادى. ءبىلىم جانە عىلىم مينيسترلىگىنىڭ قولداۋىمەن 2020 جىلدان باستاپ 5-8 سىنىپ وقۋشىلارىنا ەلەۆتيۆتى كۋرس رەتىندە ەنگىزىلەدى. سونىمەن قاتار پەداگوگيكالىق كوللەدجدەردىڭ ستۋدەنتتەرى دە وسى كۋرستى وقيتىن بولادى.

2019 جىلدىڭ قاراشا ايىنان باستاپ 280 ءمۇعالىم ارنايى كۋرستان وتەدى. ولارعا جوو-داعى ابايتانۋشىلار ءدارىس بەرەدى.

2020 جىلدىڭ ءساۋىر ايىندا وقۋشىلار مەن ستۋدەنتتەر اراسىندا ىت-حاكاتون وتەدى. باستى ماقسات ؛&ndash؛ ىت-شەشىمدەر ارقىلى اباي تۋىندىلارىن ناسيحاتتاۋ.

بىلىم بەرۋ سالاسىندا اباي شىعارمالارىن ناسيحاتتاۋ ءۇشىن وليمپيادالار, دارىستەر جۇرگىزىلەدى. جەڭىمپازدار جيدەباي-بورىلى, اقشوقى تۋريستىك باعىتتارى بويىنشا, سونداي-اق اباي, اۋەزوۆ, دوستوەۆسكيي مۇراجايلارىن بارىپ, كوزبەن كورىپ قايتۋعا مۇمكىندىك الادى. وعان شامامەن 225 مىڭ وقۋشى مەن ستۋدەنت قاتىسادى دەپ جوسپارلانۋدا.

2020 جىلدىڭ تامىز ايىندا اباي اتىنداعى قازاق ءتىلىن تەرەڭدەتىپ وقىتاتىن وبلىستىق مامانداندىرىلعان مەكتە-گيمنازياسى اشىلادى. سونداي-اق وسكەمەندەگى № 46 جالپى ءبىلىم بەرەتىن ورتا مەكتەپ پەن اباي اۋدانىنداعى قاراۋىل اۋىلىندا 300 ورىندىق مەكتەپتە قازاق ءتىلى تەرەڭدەتىلىپ وقىتىلادى. ال كەلەسى وقۋ جىلىندا وبلىستاعى 277 تولىق كومپلەكتىلى مەكتەپ پەن ەكى پەداگوگيكالىق كوللەدجدە "ابايتانۋ" كابينەتتەرى اشىلادى. جوعارى وقۋ ورىندارىندا "ادام بول" اتتى عىلىمي زەرتتەۋ جوبالارى قولعا الىنادى (د.سەرىكباەۆ اتىنداعى شقمتۋ. باستى ماقسات ؛&ndash؛ جاستار اراسىندا اباي مۇراسىن ناسيحاتتاۋ. "اباي جانە ءححى" عاسىر اتتى ەلەۆتيۆتى كۋرسى ەنگىزىلەدى. ونى 1-4 كۋرس ستۋدەنتتەرى وقيدى. سونداي-اق شاكارىم اتىنداعى سەمەي مەملەكەتتىك ۋنيۆەرسيتەتىنىڭ بازاسىندا "حاكىم اباي" جوباسى ىسكە اسىرىلۋدا. وندا اباي مۇراسىن ناسيحاتتايتىن باسپالار شىعارىلادى. وعان ابايتانۋشى اراپ ەسپەنبەتوۆ جەتەكشىلىك ەتەدى.

مادەنيەتتى دامىتۋ باعدارلاماسى اياسىندا "شىعىس قازاقستاننىڭ ەجەلگى بايلىعى" جوباسى قولعا الىندى. بۇل جوبا اياسىندا "التىن ۇلى دالا" اتتى كوشپەلى ارحەولوگيالىق كورمە ۇيىمداستىرىلادى. ۇلىبريتانياداعى كەمبريدج ۋنيۆەرسيتەتىندە 26 مامىر مەن 16 تامىز ارالىعىندا وسى كورمە وتەدى. وندا "ۇلى دالانىڭ ۇلى ۇلدارى" اتتى ادەبي-سۋرەتتەمەلىك كورمە ءبولىمى وتەدى. مۇندا كەلۋشىلەردىڭ نازارىنا سيرەك كەزدەسەتىن قورلار ۇسىنىلادى. ونىڭ ىشىندە اباي شىعارماشىلارى دا بار. سونداي-اق "اباي ؛&ndash؛ ۇلى ويشىل" اتتى سۋرەتشىلەردىڭ پلەنەرى وتەدى. وعان وتاندىق جانە شەتەلدىك قىلقالام شەبەرلەرى قاتىسادى.

كلاسسيكالىق ورىنداۋشىلاردىڭ قاتىسۋىمەن "اق ەرتىس" حالىقارالىق بايقاۋى وتەدى. "اباي الەمى" كىتاپتار سەرياسى شىعارىلادى. وندا ادەبي مۇرالار مەن وڭىردەگى جازۋشىلاردىڭ پوتەنسيالى تولىق كورسەتىلەدى. اباي مۇراسىن ناسيحاتتاۋ ماقساتىندا فوتوالبومدار مەن مۋزەيلەرگە ارنالعان كاتولوگتار شىعارىلادى.

&ndash؛ مەرەيتويدى وتكىزۋدەگى باستى ماقسات ؛&ndash؛ اباي مۇراسىن الەمدىك قوعامداستىققا تانىتۋ. ءسويتىپ قازاقستانداعى گۋمانيزمنىڭ جوعارى دەڭگەيىن كورسەتىپ, ەلىمىزدەگى تاتۋلىق پەن اشىقتىقتى وزگە ەلدەرگە پاش ەتۋ, ؛&ndash؛ دەدى دانيال احمەتوۆ.