• usd 468.56

  • eur 497.56

  • rub 7.3

  • cny 67.18

29 ناۋرىز, 13:24:41
الماتى
+35°

مارقۇم ايارۋ ەرمەك وتباسىنىڭ ۇلكەنى بولعان. 10 جاسار قىز كاراتە جانە بيمەن اينالىسقان دەپ جازادى qamshy.kz اقپارات اگەنتتىگى ؛mgorod.kz سايتىنىڭ دەرەگىن نەگىزگە الىپ. ؛

اكەسىنىڭ ايتۋى بويىنشا, ايارۋ كاراتەدەن الەم چەمپيونى بولۋدى ارمانداعان. ول باسقالاردان توزىمدىلىگىمەن, تاباندىلىعىمەن ەرەكشەلەنگەن. ؛

" مۇنداي قايعىلى جاعدايدا ماعان بىرنارسە دەۋ قيىن. ۇلكەن قىزىم دايىندىقتان قالمايتىن, كۇنى كەشە عانا اجەسىمەن بىرگە كاراتەگە باردى. جاياۋ جۇرگىنشىلەر جولىنان ءوتىپ بارا جاتقان كەزدە قىزىمنىڭ قولىندا قاراڭعىدا كوزگە انىق كورىنەتىن لەنتا بولعان. ؛ كەيىن ءوزىن ەشكىم سوققىعا جىعا المايتىنىن, ماشينالاردىڭ وزدەرى توقتايتىنىن ايتىپتى. ؛سونىمەن قاتار ول كوركەم گيمناستيكامەن, بيمەن دە اۋەستەندى. ۇنەمى جارىستارعا قاتىسىپ, رەسپۋبليكالىق چەمپيوناتتاردا جۇلدەلى ورىندارعا يە بولدى. ؛ول وتە قابىلەتتى بولاتىن, 5 جىل ىشىندە سانكت-پەتەربۋرگتەگى حالىقارالىق فەستيۆالدە قازاق بيىمەن ءبىرىنشى ورىندى جەڭىپ الدى. ؛كاراتەدەن جاتتىقتىرۋشىسى ايارۋدان ۇلكەن ءۇمىت كۇتتى, ءتىپتى ونى تەگىن جاتتىقتىرا باستادى", - دەدى مارقۇمنىڭ اكەسى اسىلحان قازيەۆ.

اسىلحان قازيەۆتىڭ ايتۋىنشا, جول اپاتىنا كىنالى تاراپتان ءبىر ادام كەلىپ كەشىرىم سۇراماعان. ايارۋدىڭ وزىنەن كەيىن 3 ءسىڭلىسى بار. ؛قىزدىڭ اكەسى ع.قۇرمانعاليەۆ اتىنداعى فيلارمونيادا جۇمىس ىستەيدى. ول ؛ قالادا كۇيشى رەتىندە تانىمال. ال اناسى «؛اقجايىق»؛ بي ءانسامبلىنىڭ جەتەكشىسى.

ەسكە سالايىق, 20 قاراشادا ساعات 20.50-دە ورال قالاسى نۇر كوشەسىنىڭ 5-شاعىناۋدانىندا بەلگىسىز جۇرگىزۋشى 10 جاسار قىزدى قاعىپ كەتىپ, وقيعا ورنىنان ءىزىن سۋىتقان. ؛جەدەل جاردەم كەلگەنگە دەيىن قىز وقيعا ورنىندا قايتىس بولدى. اراعا ءبىراز ۋقاتى سالىپ كۇدىكتى ۇستالىپ, ۋاقىتشا تەرگەۋ يزولياتورىنا قامالدى. بۇل ءىس بويىنشا سوتقا دەيىنگى تەرگەۋ باستالدى. ؛

 ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر