20 قاراشا, 2019 ساياسات
قر پارلامەنتى ءماجىلىسىنىڭ دەپۋتاتى قۋانىش سۇلتانوۆ «؛قازاقستان رەسپۋبليكاسىنىڭ كەيبىر زاڭنامالىق اكتىلەرىنە قىلمىستىق جانە قىلمىستىق-پروسەستىك زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى»؛ زاڭ جوباسىن قولدايتىنىن جەتكىزىپ, ۇرلىق ماسەلەسىنە قاتىستى پىكىر بىلدىردى ؛دەپ جازادى qamshy.kz اقپارات اگەنتتىگى ؛baq.kz سايتىنىڭ دەرەگىن نەگىزگە الىپ. ؛
"قوعامنىڭ دەنساۋلىعى دۇرىس ەمەستەي كورىنەدى. ەسى دۇرىس ادام نارەستەگە زورلىق جاساي ما, ەسى دۇرىس ادام وسى قوعامدا قالاي مەكتەپتىڭ اۋلاسىنا كىرىپ كەتەدى؟ وسى جاعدايلاردان ءبىزدىڭ سالعىرتتىعىمىز, قوعامنىڭ سالعىرتتىعى كورىنەدى. وسىعان بايلانىستى قۇقىق قورعاۋ ورگاندارىنىڭ قۇقىقتارىن كۇشەيتىپ, ولارعا مۇمكىندىكتەر بەرىپ وتىرمىز. ەكىنشى جاعىنان قۇقىق قورعاۋ ورگاندارىنىڭ جاۋاپكەرشىلىگىن كۇشەيتۋ كەرەك", - دەدى ؛دەپۋتات.
سۇلتانوۆ ۇرلىق قىلمىستارىنىڭ اشىلماۋىنا قۇقىق قورعاۋ ورگاندارىنىڭ دا اسەرى بارىن ايتا كەتتى.
"قوعامنىڭ دەنى ساۋ بولماعان سوڭ ۇرلىق جاسايدى. نەگە بالالارىمىز ۇرلىققا بەيىمدەلەدى؟ سودان بارىپ ءۇيىر-ۇيىر جىلقى ۇرلاۋعا دەيىن وسەدى. مۇنى قۇقىق قورعاۋ ورگاندارىنىڭ باسشىلارى وزدەرى ايتىپ وتىر, بىلەدى. ناركوتۇراق قايدا ەكەنىن بىلەدى, مالدى ۇرلاپ, ونى قوستانايدان قىرعىزستانعا, قىرعىزستاننان قوستانايعا ايدايتىن جولداردىڭ ءبارىن بىلەدى. نەگە جابىلمايدى وسىنىڭ ءبارى؟ وسىعان دەگەن كوزقاراستى وزگەرتىپ, زاڭنىڭ جۇمىس ىستەۋىن قامتاماسىز ەتۋىمىز كەرەك. جالپى, ساۋاتتى جانە وركەنيەت تالاپتارىنا ساي زاڭدارىمىز بار, ءبىراق, ورىنداۋعا كەلگەن كەزدە تىپىرلايمىز دا قالامىز. سوڭىندا پارلامەنت كىنالى بولىپ شىعادى", - دەدى ول.
پارلامەنت ءماجىلىسىنىڭ دەپۋتاتى ۇرلىق ماسەلەسىنە جالپى قوعام جاۋاپكەرشىلىكپەن قاراۋى ءتيىس ەكەنىن ايتتى. ؛
"بۇكىل قوعام وسىعان قارسى ورە تۇرەگەلمەسەك, ۇرلىقتى توقتاتا المايمىز. مال ۇرلادى ما, ۇيرەك ۇرلادى ما, قاز ؛ۇرلادى ما, ۇرلىق دەگەن وتە جامان مىنەزدەمە. قوعامنىڭ اۋرۋى, دەرتى دەگەن ءسوز. قۇقىق قورعاۋ ورگاندارىنىڭ قىزمەتكەرلەرى «؛زاڭنىڭ مىناداي بابى بار, وسىدان ساق بولىڭدار»؛ دەپ تەلەديداردان كۇندە سويلەسىن. "ۇرلىققا بارماڭدار, 20 جىل تۇتقىندا وتىراسىڭدار" دەپ الدىن الا ەسكەرتەيىك. قوعامنىڭ قۇلاعىنا كىرگىزۋ ماسەلەلەرىن قولعا الۋىمىز كەرەك", - دەدى دەپۋتات.
سۇلتانوۆ بۇرىندارى كامەلەتكە تولماعاندار ءىسى بويىنشا كوميسسيالار بولعانىن, وسى جۇمىستاردى دا قايتا جاڭارتۋ قاجەت ەكەنىن ايتتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر