پولشانىڭ كاتوۆيسە قالاسىندا ءوتىپ جاتقان ەۋروۆيدەنيا-2019 ؛بالالار ءان بايقاۋىندا ىڭعايسىز جاعداي ورىن الدى, دەپ جازادى ؛informburo.kz.
قاتىسۋشىلارمەن ولاردىڭ انا تىلىندە سالەمدەسەتىن كونكۋرس جۇرگىزۋشىسى ماتەۋش شيمكوۆياك قازاقستاندىق ەرجان ماكسيمدى تانىستىرعاندا ونىمەن قازاقشا ەمەس, گرۋزين تىلىندە امانداستى. ؛
جۇرگىزۋشى سونداي-اق ەرجاننان بۇل كونكۋرسقا نە ءۇشىن قاتىسىپ وتىرعانىن سۇرادى. قازاقستاندىق ونەرپاز بايقاۋدى ۇدايى قاراپ وتىراتىنىن, قاتىسۋ ارمانى بولعانىن ايتتى.
اشىلۋ سالتاناتىنان سوڭ جەرەبە تارتىلىپ, قاتىسۋشىلاردىڭ ونەر كورسەتۋ رەتى انىقتالدى. ەرجان ماكسيم ساحناعا ونىنشى بولىپ شىعادى.
كونكۋرس فينالى 24 قاراشادا وتەدى. قازاقستاندىقتار بايقاۋدى "حابار" ارناسىنان تىكەلەي ەفير ارقىلى 21:00-دە كورە الادى. ؛
كورەرمەندەردەن داۋىس 24-25 قاراشا ارالىعىندا فينال باستالعانعا دەيىن ؛junioreurovision.tv سايتى ارقىلى قابىلدانادى. بۇدان سوڭ تاعى 15 مينۋتقا داۋىس بەرۋگە مۇمكىندىك بەرىلەدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر