13 قاراشادا اقمولا وبلىسى سەلينوگراد اۋدانىنىڭ ۋاقىتشا ۇستاۋ يزولياتورىنان "قاشىپ شىقتى" دەلىنگەن قوعام بەلسەندىسى دۋلات ءاعادىل بۇگىن, 15 قاراشادا facebook ارقىلى مالىمدەمە جاسادى. ءاعادىل ۆيدەو مالىمدەمەسىندە قاماۋ ورنىنان نە سەبەپتى "شىعىپ كەتكەنىن" ايتتى. ؛
بەلسەندىنىڭ ايتۋىنشا, قاماۋ ورنىنان قاشىپ كەتۋ ارقىلى ول ؛يزولياتورداعى زاڭسىزدىقتاردى, كۇزەتتىڭ دۇرىس جۇمىس ىستەمەيتىنىن, كەز كەلگەن ادامنىڭ ول جەردەن قاشىپ شىعۋىنا كەدەرگى جوق ەكەنىن دالەلدەمەك بولعان. ؛
"مەن شىنىمەن دە قاشىپ كەتتىم, قاشۋعا ءماجبۇر بولدىم. سەبەبى مەنى ءبىر ايدىڭ ىشىندە بەس رەت سوتتادى. جوعارعى سوتقا, باس پروكۋرورعا, ىشكى ىستەر مينيسترىنە حات جازدىم. ءبىراق ولاردان جاۋاپ كەلمەدى. مەنىڭ قاشىپ كەتۋ سەبەبىم: وسى ادىلەتسىزدىكتەردى حالىققا جەتكىزگىم كەلدى" دەدى دۋلات ءاعادىل.
دۋلات ءاعادىل "كورگەن ادىلەتسىزدىكتەرىمدى قازاقستاننىڭ باس پروكۋراتۋراسىنا بارىپ ايتامىن" دەپ 15 قاراشادا تاڭەرتەڭ نۇر-سۇلتانداعى باس پروكۋراتۋرا عيماراتىنا بارعان كەزدە پوليسەيلەر ونى سول جەردەن ۇستاپ اكەتتى.
13 قاراشادا كەشكە قاراي اقمولا وبلىسى سەلينوگراد اۋدانى تالاپكەر اۋىلىنىڭ تۇرعىنى 42 جاستاعى بەلسەندى دۋلات ءاعادىلدىڭ وسى اۋدانداعى تەرگەۋ يزولياتوردان "قاشىپ كەتكەنى" تۋرالى اقپارات الەۋمەتتىك جەلىلەردە تاراعان. ؛
14 قاراشا تۇسكە قاراي ىشكى ىستەر مينيسترلىگى ۆەدومستۆو عيماراتىنا بارعان بەلسەندىنىڭ جاقتاستارىنا اعادىلگە قاتىستى تۇسىنىكتەمە بەردى.
14 قاراشادا تۇستەن كەيىن اقمولا وبلىسى سەلينوگراد اۋداندىق پوليسيا بولىمشەسى ؛دۋلات ءاعادىل جايلى ۆيدەونى جاقتاستارىنا كورسەتكەن. ؛ال بەلسەندىلەر پوليسيانىڭ ءسوزىن, ولار كورسەتكەن ۆيدەوعا كۇمان كەلتىرگەن ؛ەدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر