بەلسەندى دۋلات ءاعادىلدىڭ يزولياتوردان "؛قاشىپ كەتكەنى"؛ حابارلاندى (ۆيدەو)

بەلسەندى دۋلات ءاعادىلدىڭ اقمولا وبلىسى سەلينوگراد اۋدانىنداعى ۋاقىتشا ۇستاۋ يزولياتورىنان قاشىپ كەتكەنى حابارلاندى. بۇل تۋرالى 13 قاراشا كۇنى كەشكە facebook الەۋمەتتىك جەلىسىندە بەلسەندىلەر جازدى. رەسمي ورگاندار بۇل جايتقا قاتىستى ءالى رەسمي اقپارات بەرمەدى. ؛

نۇرجان سەيتجانوۆ ەسىمدى نۇرسۇلتاندىق بەلسەندى 13 قاراشادا facebook-تا تىكەلەي ەفيرگە شىعىپ, پوليسيانىڭ ءاعادىلدى ىزدەپ, ۇيىندە ء"تىنتۋ جۇرگىزگەنىن" حابارلادى. ؛

اعادىلدىڭ ايەلى گۇلنار قاسىمحانوۆا 13 قاراشا كۇنى كەشكى ساعات 22.00-دە ؛ ۇيىنە وزدەرىن پوليسيا وكىلدەرىمىز دەپ تانىستىرعان ادامدار كەلىپ, كۇيەۋىنىڭ ۋاقىتشا ۇستاۋ يزولياتورىنان قاشىپ كەتكەنىن ايتقان. قاسىمحانوۆانىڭ ايتۋىنشا, كۇيەۋىنىڭ بوساپ شىعۋىنا ءبىر كۇن قالعان, سوندىقتان ونىڭ قاشىپ شىعۋى مۇمكىن ەمەس.

اعادىلدىڭ ۋاقىتشا ۇستاۋ يزولياتورىنان "قاشىپ شىققانىنىنا" بەلسەندىلەر دە كۇدىكپەن قارايدى. بۇل تۋرالى ولار facebook-تا جازىپ جاتىر. جاقىندا بيلىككە قارسى وپپوزيسيالىق پارتيا قۇراتىنىن مالىمدەگەن بەلسەندى, جۋرناليست جانبولات ماماي ء"اعادىل تۇرمەدەن قاشتى" دەگەنگە سەنبەيتىن, بۇل بەلسەندىنى "ساياسي سەبەپپەن قۋدالاۋ" دەپ بىلەتىن جازدى. ؛

"دۋلات ءاعادىل تۇرمەدەن قاشتى دەگەنگە مەن سەنبەيمىن. بىرىنشىدەن, مەرزىمى اياقتالۋعا ءبىر كۇن قالعاندا قاشىپ نەسى بار؟ ەكىنشىدەن, تالاي تۇرمەدە وتىرعان ادام رەتىندە ايتايىن: ودان قاشۋ مۇمكىن ەمەس! ۇشىنشىدەن, دۋلات ءوزىن كىنالى سەزىنبەيدى. سەزىكتى سەكىرەدى دەمەكشى, ونىڭ قاشاتىن ءجونى دە جوق! سوندىقتان, مۇنى ساياسي سەبەپپەن قۋدالاۋ دەپ بىلەمىن! قورعاۋعا دايىنبىز!" دەدى ماماي. ؛

دۋلات ءاعادىلدىڭ ادۆوكاتى دانيار اقتانوۆ بەيسەنبى, 14 قاراشادا تاڭەرتەڭ ؛ازاتتىق راديوسىنىڭ تىلشىسىنە بەلسەندىگە قاتىستى اقپاراتى جوعىن, ۋاقىتشا قاماۋ يزولياتورىنا كىرۋگە رۇقساتى جوعىن ايتقان.

"قاشىپ كەتتى مە, قاشىپ كەتكەن جوق پا نەمەسە ونى ول جاقتان الىپ كەتتى مە, الدە باسقا ما, ەشتەڭە بەلگىسىز" دەپتى ادۆوكات دانيار اقتانوۆ.

tirek.info سايتىنىڭ جازۋىنشا, 4 قاراشادا سوت 42 جاستاعى بەلسەندى دۋلات ءاعادىلدى "پوليسياعا باعىنباعانى ءۇشىن" ون تاۋلىككە قاماعان. ونىڭ الدىندا بەلسەندى "بەيبىت جيىن وتكىزۋ ءتارتىبىن بۇزعانى ءۇشىن" 15 تاۋلىككە قامالىپ شىققان. ؛

 ؛