13 قاراشا, 2019 ايتتى-ەي, باۋىرىڭ!
بەلگىلى ءدىنتانۋشى قايرات جولدىباي ءوزىنىڭ ؛facebook-تەگى پاراقشاسىندا الەۋمەتتىك جەلىلەر ارقىلى لوتورەيا ويناتۋ دەرەكتەرىنە قاتىستى يسلام دىنىندە نە دەلىنگەنى جونىندە ايتتى.
"بۇگىندە الەۋمەتتىك جەلىدە ءارتۇرلى لوتەرەيا ويناتۋ موداعا اينالىپ وتىر. ءبىرى ەسكى كولىگىن, ءۇيىن قىمبات باعاعا ساتۋدى امالداسا, ەندى ءبىرى وقىرمانىنىڭ سانىن كوبەيتۋدى كوزدەيدى. جۇرت ايتەۋرى وڭاي ولجادان ءۇمىتتى. ءبىراق قارىمىنا ەشنارسە الىنباي ويناتىلعان كەز-كەلگەن لوتەرەيا ءتۇرىنىڭ شاريعاتتا حارام ەكەنىن, قۇمار ويىنعا جاتاتىنىن ويناتقاندار دا, اقشاسىن سالىپ قاتىسقاندار دا بىلۋگە ءتيىس. مىسالى, مىڭ ادام قاتىسىپ, ولاردىڭ جيناعان اقشاسىنا الىنعان سىيلىققا بىرنەشە ادامنىڭ عانا يەلىك ەتۋى ادىلدىككە جاتپايدى. ويىنعا قاتىسقان ادامداردىڭ اقشالارىن ريزاشىلىقپەن بەرۋلەرى بۇل ءىستى اقتاپ الا المايدى.
بىراق مىنا جاعدايدى بۇدان بولەك قاراستىرۋعا بولادى. ەگەر كىسى قانداي دا ءبىر زاتتى نارىقتاعى ناقتى قۇنىنا ساتىپ السا, سوسىن ساتۋشى تاراپ وزدەرىنىڭ پايداسىنان ۇتىس ويناتىپ, جۇلدە تىكسە, بۇل حارام ەمەس. ويتكەنى بۇل جەردە ءار ادام ءوزىنىڭ اقشاسىنىڭ قارىمىنا زات ساتىپ الىپ تۇر. ال ويناتىلعان جۇلدە ساتۋشىنىڭ پايداسىنان بەرىلەدى.
بۇل جەردە ساتىپ الىنعان زاتتىڭ نارىقتاعى باعاسىنا ساي بولۋى ماڭىزدى. ايتپەسە, ەكى مىڭ تەڭگەلىك تاۋاردى 7000 تەڭگە ساتۋ دا ارام ءىستى ادال جاساۋدىڭ امالى عانا. لوتەرەيانى ساۋدامەن بۇركەمەلەۋگە جاتادى".
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر