• usd 389.52
  • eur 429.21
  • rub 6.07
  • cny 54.94
15 جەلتوقسان، 16:38:25
قازاقستان ۋكراينانىڭ ساۋدا نارىعىنا الاڭداۋلى

12 قاراشا، 2019 news

"؛شەكارا بۇزدى"؛ دەپ ايىپتالعان قىتاي قازاعى قايشا اقان سوتى جالعاستى

بۇگىن، 12 قاراشادا جاركەنت قالاسىنداعى پانفيلوۆ اۋداندىق سوتىندا قازاقستان&ndash؛قىتاي شەكاراسىنان زاڭسىز وتكەن قىتاي قازاعى قايشا اقان ءىسى بويىنشا سوت پروسەسى جالعاستى دەپ جازادى qamshy.kz اقپارات اگەنتتىگى ازاتتىقتىڭ دەرەگىن نەگىزگە الىپ. ؛

سوتقا قايشا اقاننىڭ ادۆوكاتى ايمان وماروۆا، اقش-تىڭ الماتىداعى كونسۋلدىعىنىڭ، "اتا جۇرت"، "وتانداس ەل" ۇيىمىنىڭ وكىلدەرى قاتىستى.

قايشا اقاننىڭ سوتتاعى سوزىنە قاراعاندا، ول قازاقستان شەكاراسىنان 2018 جىلدىڭ 7 مامىرىندا قورعاس كەدەن بەكەتى ارقىلى، كوپشىلىككە ىلەسە وتكەن.

2019 جىلى تامىز ايىندا ۇلتتىق قاۋىپسىزدىك كوميتەتىنە ءوز ەركىمەن بارىپ، شەكارادان زاڭسىز وتكەنى جايلى حابارلاعان. ارتىنشا قىلمىستىق ءىس قوزعالىپ، سوت باستالعان.

ول قازاقستانعا كەلگەن ساتتە تاعى ءبىر ەتنيكالىق قازاق سايراگۇل ساۋىتبايدىڭ ءىسى بويىنشا سوت پروسەسىن قاداعالاعانىن ايتادى. ءوز تاعدىرىن سايراگۇل ساۋىتباي تاعدىرىمەن ۇقساستىرادى. ونىڭ سوزىنشە، قىتايدىڭ ىلە-قازاق اۆتونوميالىق اۋدانىنىڭ پوليسياسى "قايتا تاربيەلەۋ لاگەرىنە" قامالاتىنىن اشىق ەسكەرتكەن. وسىدان كەيىن قازاقستانعا كەتۋگە بەل بايلاپ، قىتاي شەكاراسىنا ءۇش رەت كەلگەن.

&ndash؛قولىمدا قازاقستاننىڭ ۆيزاسى بولا تۇرا جىبەرمەدى. شەتەلگە شىعۋعا تىيىم سالىنعاندار تىزىمىندەسىڭ دەپ قايتاردى. قازاقستاننان پانا ىزدەپ كەلدىم. مەنى قىتايعا قايتارماۋدى سۇرايمىن. قىتايدا مەنى ساياسي قۋعىن كۇتىپ تۇر،- دەيدى ول.

قايشا اقان سوت بارىسىندا "قازاقستان شەكاراسىنان زاڭسىز وتكەنىن" مويىنداپ، وعان قىتايداعى از ۇلتتارعا جاسالاتىن قىسىمنان سەسكەنگەندىكتەن بارعانىن ايتتى.

1983 جىلى قىتايدىڭ ىلە-قازاق اۆتونوميالى وبلىسىندا دۇنيەگە كەلگەن قازاق قايشا اقان قىتايدا 70 جاستاعى شەشەسى قالعانىن ايتادى. جالعىز ۇلى دا بۇرىن اجىراسقان كۇيەۋىنىڭ قولىندا، قىتايدا قالعان. ءقازىر الماتى قالاسىندا پاتەر جالداپ تۇرادى، تۇراقتى جۇمىس ىستەمەيدى.

وزىنىڭ ايتۋىنشا، قاراشانىڭ 11-ىنە الماتى قالالىق كوشى-قون پوليسياسىنان "پانا ىزدەۋشى تۇلعا" قۇجاتىن العان.

2018 جىلى "قازاقستان شەكاراسىنان زاڭسىز ءوتتى" دەگەن ايىپپەن قىتاي قازاعى سايراگۇل ساۋىتبايدىڭ ۇستىنەن سوت پروسەسى جۇرگەن. قوعام نازارىن اۋدارعان سوت شەشىمىمەن سايراگۇل ساۋىتباي شارتتى جازامەن ؛بوستاندىققا شىعىپ، كەيىن شۆەسيادان ساياسي باسپانا الىپ كەتكەن.

بۇعان دەيىن قىتايدىڭ شىڭجاڭ-ۇيعىر اۆتونوميالىق ايماعىندا تۇراتىن ەتنيكالىق قازاقتار قاستەر مۇسحانۇلى مەن مۇراگەر ءالىمۇلىنىڭ قازاقستانعا "شەكارادان زاڭسىز وتكەنى"، تۋرالى اقپارات تاراعان بولاتىن. "پانا ىزدەۋشى تۇلعا" مارتەبەسىن العان ولاردىڭ ۇستىنەن ءقازىر تەرگەۋ پروسەسى ؛جۇرىپ جاتىر.

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر