مال جانە ەت ونىمدەرىن تاسىمالداۋعا باقىلاۋ كۇشەيدى

«؛مال ۇرلىعى»؛ جەدەل الدىن الۋ ءىس-شاراسى بارىسىندا الماتى وبلىسىنىڭ ءتارتىپ ساقشىلارى مال جانە ەت ونىمدەرىن تاسىمالداۋعا, ولاردى ساۋدالاۋعا قاجەتتى قۇجاتتاردى قاتاڭ تەكسەرۋگە الۋدا. ارنايى ءىس-شارا 11 قاراشادا باستالىپ, 3 كۇن وتەدى.

ىس-شارانىڭ باستى ماقساتى ؛&ndash؛ مال ۇرلىعىنىڭ الدىن الۋ, بۇعان دەيىن ورىن العان ۇرلىقتاردى اشۋ. وسى ماقساتتا وبلىستىق جانە رەسپۋبليكالىق جولدار بويىندا ارنايى بلوك-پوستتار قويىلىپ, كولىكتەردىڭ مال تاسىمالداۋعا قاجەتتى قۇجاتتارىن تەكسەرۋدە.

&ndash؛ ءبىر كۇن ىشىندە مال جانە ەت ونىمدەرىن تاسىمالداۋشى 80 جۋىق كولىك تەكسەرىلىپ, 17 جۇرگىزۋشىنىڭ ءتيىستى قۇجاتتارى جوق ەكەنى انىقتالدى. سونىمەن قاتار, 25 مال ساتۋ ورنى مەن 30-دان استام ەت ونىمدەرىنىڭ دۇكەنى تەكسەرىلدى, ؛&ndash؛ دەپ حابارلادى وبلىستىق پد ءباسپاسوز قىزمەتى.

ارنايى شارا بارىسىندا بۇعان دەيىن بولعان 16 قىلمىس اشىلعان. ونىڭ 4 دەرەگى بۇرىنعى جىلدار ساناتىنا جاتادى. مال ۇرلىعىنا قاتىسى بار دەگەن كۇدىككە ىلىنگەن 3 قىلمىستىق توپتىڭ مۇشەلەرى قۇرىقتالعان.

&ndash؛ الماتى وبلىسىنىڭ ءتارتىپ ساقشىلارى 10 اي ىشىندە قاجەتتى قۇجاتتار جوق بولسا دا مال تاسىمالداۋدىڭ 656 دەرەگىن انىقتاعان. جۇرگىزۋشىلەرگە 8 ميلليون 92 مىڭ تەڭگەنىڭ ايىپپۇلى سالىندى. بيىل رەيد كەزىندە ەڭبەكشىقازاق اۋدانىندا مال ۇرلىعىن كاسىپ قىلعان قىلمىستىق توپ ۇستالىپ, بارىمتاشىلار توبىنان 40 جىلقى تاركىلەنگەن, ؛&ndash؛ دەپ تولىقتىردى وبلىستىق پوليسەيلەر.