نازارباەۆ: تەك كۇش بىرىكتىرۋ ارقىلى عانا جاڭا قاۋىپتەرگە قارسى تۇرا الامىز

بىر ەلدىڭ نەمەسە ايماقتىڭ عانا ەمەس, تۇتاس ادامزاتتىڭ كەلەشەگى بۇگىنگى ەمتيحاندى قالاي وتكەنىمىزگە بايلانىستى بولماق. بۇگىن, 12 قاراشادا نۇر-سۇلتاندا ءوتىپ جاتقان "astana club" وتىرىسىندا قازاقستاننىڭ ەكس-پرەزيدەنتى نۇرسۇلتان نازارباەۆ وسىلاي دەدى.

- بۇكىل ەۋرازيادا قاۋىپسىزدىك پەن تۇراقتىلىقسىز ەشكىم دە ۇزاق مەرزىمدى دامۋعا قول جەتكىزە المايتىنىن قازاقستان ۇعىپ وتىر. سول سەبەپتى بۇگىنگى جاعدايدا قۇرلىقتاعى بارلىق ەلدەر تار ايماقشىلىققا, بلوكتىق ويلامعا بەرىلمەي, ەۋرازيالىق اۋقىمدى ساناتتا ويلانۋى ءتيىس. تەك وسىلاي عانا ەۋرازيالىق سۋبقۇرلىق وزىنە ءتان الەۋەتتى ىسكە اسىرا الادى. ءدال وسى رەتتە ءبىزدىڭ كلۋب ۇلكەن ەۋرازيا اتتى جاڭا گەوساياي قۇرىلىمدا ءبىرىڭعاي الاڭ بولىپ وتىرعانى قۋانتادى, - دەدى نازارباەۆ.

نازارباەۆ ايگىلى ويشىل ارنولد ءتوينبيدىڭ ءسوزىن كەلتىردى.

- تاريحتىڭ سىن-تەگەۋرىنىنە قارسى تاپقان جاۋاپتارىنا قاراي ءاربىر قوعام دامىپ, جەڭىپ كەلەدى. تاريح &ndash؛ قاتال ەكزامەناتور. كوپ ەل بۇرىس نەمەسە ورىنسىز ارەكەتى ءۇشىن جاۋاپ بەرگەن. ءبىر ەلدىڭ نەمەسە ايماقتىڭ عانا ەمەس, تۇتاس ادامزاتتىڭ كەلەشەگى بۇگىنگى سىناقتى قالاي وتكەنىمىزگە بايلانىستى بولماق. تەك كۇش بىرىكتىرۋ ارقىلى عانا جاڭا قاۋىپتەر مەن تەگەۋرىندەرگە قارسى تۇرا الامىز, - دەدى نۇرسۇلتان نازارباەۆ.

بۇگىن, 12 قاراشادا نۇرسۇلتان نازارباەۆتىڭ قاتىسۋىمەن ەلوردادا "astana club" وتىرىسى ءوتىپ جاتىر. بۇل جيىنعا الەمنىڭ 23 مەملەكەتىنەن گەوساياسات, ەكونوميكا مەن حالىقارالىق قاتىناستار سالاسىنىڭ ساراپشىسى رەتىندە مويىندالعان 50-دەن استام حالىقارالىق سپيكەر قاتىسۋدا. قۇرمەتتى مەيمانداردىڭ قاتارىندا - 3 بۇرىنعى مەملەكەت باسشىسى, 5 ەكس-پرەمەر-مينيستر, 10 مينيستر جانە نوبەل سىيلىعىنىڭ لاۋرەاتى بار.

 ؛