الماتىنىڭ قوعامدىق كەڭەسى سىندارلى ديالوگ الاڭىنا اينالدى

قر پرەزيدەنتىنىڭ كومەكشىسى &ndash؛ قر پرەزيدەنتى اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى ايدا بالاەۆا مەن الماتى قالاسى اكىمىنىڭ ورىنباسارى ەرجان باباقۇماروۆ جاڭارتىلعان قۇرامداعى قالانىڭ قوعامدىق كەڭەسىنىڭ ءبىرىنشى وتىرىسىن وتكىزدى, دەپ جازادى اكىمدىكتىڭ ءباسپاسوز قىزمەتى.

الماتى قالاسىنىڭ قوعامدىق كەڭەسى 2016 جىلى قۇرىلىپ, قالا ءومىرىنىڭ وزەكتى ماسەلەلەرىن تالقىلاۋ جانە وڭتايلى شەشىمدەردى ازىرلەۋدە ماڭىزدى الاڭعا اينالدى. كەڭەسكە قوعامداعى ءتۇرلى سالالاردىڭ, سونىڭ ىشىندە ۇكىمەتتىك ەمەس ۇيىمداردىڭ, ەتنومادەني بىرلەستىكتەردىڭ, بيزنەستىڭ جانە ساياسي پارتيالاردىڭ وكىلدەرى كىرەدى. بۇل قالانى دامىتۋ بويىنشا جۇمىستىڭ تيىمدىلىگىن ارتتىرادى. كەڭەس مۇشەلەرىنىڭ سانىن 31-دەن 37 ادامعا دەيىن ارتتىرۋ دا وڭ اسەرىن تيگىزەدى. ايدا بالاەۆا قالالىقتاردىڭ ءومىر ءسۇرۋ ساپاسىن جاقسارتۋداعى قوعامدىق كەڭەستىڭ ماڭىزدىلىعىن اتاپ ءوتتى. ونىڭ ايتۋىنشا, ونىڭ جۇمىسى ەلىمىزدىڭ باسقا قالالارى ءۇشىن ۇلگى بولا الادى.

«؛ەگەر رەسپۋبليكاداعى بارلىق قوعامدىق كەڭەستەردىڭ قىزمەتىن ساراپتايتىن بولساق, ولاردىڭ كەيبىرىندە تاجىريبە جەتىسپەيتىنىن جانە قۇرامىن وزگەرتۋ كەرەكتىگىن اتاپ وتۋگە بولادى. سىزدەر الەۋمەتتىك ماڭىزدى ماسەلەلەردى شەشۋدە ۇلكەن جۇمىس اتقارۋداسىزدار»؛, &ndash؛ دەدى ا.بالاەۆا.

كەزدەسۋگە قاتىسقان الماتى قالاسى اكىمىنىڭ ورىنباسارى ەرجان باباقۇماروۆ تا قوعامدىق كەڭەس قىزمەتىنىڭ تيىمدىلىگىنە نازار اۋداردى.

«؛ەلدەگى قوعامدىق كەڭەستەر ەلباسى نۇرسۇلتان نازارباەۆتىڭ باستاماسىمەن قۇرىلعان. قالا اكىمى كەڭەس جۇمىسىنا ەرەكشە كوڭىل بولەدى. سوندىقتان, قالا اكىمى رەتىندە قوعامدىق كەڭەس مۇشەلەرىمەن ءبىرىنشى كەزدەسۋدى ءوزى وتكىزدى. سونىمەن قاتار, nur otan پارتياسىنىڭ قالالىق فيليالى جانىنان ازاماتتار مەن مەملەكەتتىك ورگانداردىڭ ءوزارا ءىس-قيمىلىن كۇشەيتۋ ماقساتىندا مەگاپوليستى دامىتۋدىڭ الەۋمەتتىك-ەكونوميكالىق ماسەلەلەرىن قاراۋ جونىندەگى ازاماتتىق كوميتەت قۇرىلدى. باقىتجان ساعىنتاەۆ ءوز جۇمىسىندا قوعاممەن ديالوگقا ۇلكەن ءمان بەرەدى. ول ايىنا ەكى رەت ازاماتتاردىڭ جەكە قابىلداۋىن, سونداي-اق «؛اشىق ميكروفون»؛ فورماتىندا تۇرعىندارمەن كەزدەسۋلەر وتكىزەدى. ونىڭ تاپسىرماسى بويىنشا اۋدان اكىمدەرى مەن باسقارما باسشىلارى تۇراقتى نەگىزدە «؛اشىق ەسىك»؛ كۇندەرىن وتكىزەدى. اپتاسىنا ەكى رەت «؛الماتى»؛ تەلەارناسىندا تىكەلەي ەفيردە قالا تۇرعىندارىنىڭ سۇراقتارىنا جاۋاپ بەرەدى»؛, ؛&ndash؛ دەگەن ەرجان باباقۇماروۆ, اكىمدىك جۇمىسىنىڭ اشىقتىعىن تىلگە تيەك ەتتى.

جالپى, الماتى اكىمدىگى ازاماتتىق سەكتوردىڭ باستامالارىن قولدايدى. بۇل رەتتە قالانىڭ تىنىس-تىرشىلىگىنە قاتىستى ماڭىزدى شەشىمدەر جۇرتشىلىق وكىلدەرىمەن تالقىلانعاننان كەيىن قابىلدانادى.

«؛كەڭەس مۇشەلەرىنىڭ بەلسەندى ومىرلىك ۇستانىمى الماتىلىقتاردىڭ ءومىر ءسۇرۋ ساپاسىن جاقسارتۋ بويىنشا الدىمىزدا تۇرعان مىندەتتەردى ناقتى شەشۋگە كومەكتەسەدى. سونىمەن قاتار, قالانى دامىتۋ باعدارلاماسىنىڭ جۇزەگە اسىرىلۋىنا قوعامدىق باقىلاۋ جانە بيلىك پەن قوعام اراسىنداعى سىندارلى ديالوگ قامتاماسىز ەتىلمەك»؛, ؛&ndash؛ دەپ تولىقتىردى قالا اكىمىنىڭ ورىنباسارى.

كەزدەسۋ بارىسىندا قالانىڭ قوعامدىق كەڭەسىنىڭ ءتوراعاسى, «؛تۇران»؛ ۋنيۆەرسيتەتىنىڭ رەكتورى, ءماسليحات دەپۋتاتى راحمان الشانوۆ, «؛قازاقستاننىڭ داعدارىس ورتالىقتارى وداعى»؛ زتب باسقارما ءتوراعاسى زۋلفيا بايساقوۆا, «؛اقپاراتتىق-رەسۋرستىق ورتالىق»؛ قق ديرەكتورى التىناي كوبەەۆا, تاۋەلسىز جۋرناليست سەرگەي پونومارەۆ, «؛قازاقستان رەسپۋبليكاسى كووپەراتيۆتەرىنىڭ جانە ەكونوميكالىق قوعامداستىقتاردىڭ باسقا دا نىساندارىنىڭ ۇلتتىق قاۋىمداستىعى»؛ زتب پرەزيدەنتى قازىبەك شايح, قوعام قايراتكەرى مارات شيبۋتوۆ جانە باسقالار ءسوز سويلەدى.

 ؛