دارىگەردىڭ ينسۋلتقا قاتىستى قۇندى كەڭەستەرى

قازاقستاندا جىل سايىن 49 مىڭ ينسۋلت الۋ وقيعاسى تىركەلەدى. ينسۋلت العانداردىڭ 80 پايىزعا جۋىعى مۇگەدەك بولىپ قالادى. بۇل تۋرالى «؛قازاقپارات»؛ حاا تىلشىسىنە №7 قالالىق كلينيكالىق اۋرۋحانا ينسۋلت بولىمشەسىنىڭ مەڭگەرۋشىسى جاننا دۇيسەمباەۆا ايتتى.

&ndash؛ ينسۋلت &ndash؛ مي قان اينالىمىنىڭ ءجىتى بۇزىلۋى. ول كەنەتتەن پايدا بولادى. ءينسۋلتتىڭ 2 ءتۇرى بار: ءبىرىنشىسى &ndash؛ مي ينفاركتى (يشەميالىق ينسۋلت) جانە ەكىنشىسى &ndash؛ قان قىسىمىنىڭ جوعارىلاۋى سالدارىنان بولاتىن ميعا قان قۇيىلۋ, ؛&ndash؛ دەپ اتاپ ءوتتى ول.

دارىگەر ميعا قان قۇيىلۋ كەنەتتەن پايدا بولسا, وندا ادامنىڭ قان قىسىمى كۇرت كوتەرىلەدى, تامىرى ۇزىلەتىنىن ءتۇسىندىردى.

«؛ادام ءوزىن ناشار سەزىنەدى, تالىپ قۇلاپ قالۋى مۇمكىن, سونداي-اق ەسىن جوعالتا باستايدى. ال يشەميالىق ينسۋلت كەزىندە ادامنىڭ جاعدايى بىرتىندەپ ناشارلايدى, ونىڭ قول-اياعى جانسىزدانا باستايدى»؛, ؛&ndash؛ دەيدى جاننا دۇيسەمباەۆا.

دارىگەردىڭ ايتۋىنشا, مۇنداي جاعدايلاردا ناۋقاستار دەرەۋ دارىگەرگە قارالۋى كەرەك.

&ndash؛ وكىنىشكە وراي, كلينيكالارعا كەش بارىپ جاتادى. ءبىزدىڭ حالىق اۋرۋحانالارعا بارىپ, اۋرەگە تۇسكىسى كەلمەيدى. ينسۋلت العاندا بىردەن جەدەل جاردەم شاقىرۋ قاجەت. ءتىپتى, بەرىلگەن دارى-دارمەكتەردى تولىعىمەن ىشپەيتىن ينسۋلت العان ەسەپتە تۇرعان ناۋقاستارىمىز دا بار, ؛&ndash؛ دەيدى دارىگەر.

جاننا دۇيسەمباەۆا بۇگىنگى كۇندە قازاقستاندا 57 ينسۋلت ورتالىعى بار ەكەنىن اتاپ ءوتتى.

«؛گيپەرتونيالىق اۋرۋمەن اۋىراتىن ادامدار قان قىسىمى بار-جوعىنا قاراماستان, دارىگەرلەر بەرگەن دارى-دارمەكتەردى كۇن سايىن ءىشىپ وتىرۋى كەرەك. نەگىزىنەن, ناۋقاستار دەنساۋلىقتارى قالىپتى جاعدايعا كەلگەن كەزدە ءدارى ءىشۋدى توقتاتادى. الايدا قان قىسىمى كەز كەلگەن ۋاقىتتا كەنەتتەن كوتەرىلۋى مۇمكىن. دارىگەردىڭ بەلگىلەپ بەرگەن ەم-شارالارىن ۋاقىتىندا قابىلداپ وتىرۋى قاجەت»؛, ؛&ndash؛ دەدى ول.

بۇل اۋرۋدان كوبىنەسە 60 جاستان اسقان ەگدە جاستاعى ادامدار زارداپ شەگەدى, ءبىراق ينسۋلت جاستار اراسىندا دا كەزدەسەدى. ونىڭ ايتۋىنشا, ادامدار ءبىرىنشى كەزەكتە سالاۋاتتى ءومىر سالتىن ۇستانىپ, دۇرىس تاماقتانىپ, ءينسۋلتتىڭ عانا ەمەس, باسقا دا اۋرۋلاردىڭ الدىن الۋ ءۇشىن زياندى ادەتتەردەن باس تارتۋى كەرەك.