جانبولات ماماي تۇرمەگە قامالۋى مۇمكىن ەكەنىن مالىمدەدى (ۆيدەو)

2017 جىلى اقپاندا "مۇحتار ءابليازوۆتىڭ اقشاسىن گازەت شىعارۋ ارقىلى زاڭداستىرۋعا قاتىستى" دەگەن كۇدىكپەن الماتىدا قاماۋعا الىنىپ, جەتى ايدان كەيىن سوت ۇكىمىمەن بوستاندىعى ءۇش جىلعا شەكتەلىپ, بوساپ شىققان وپپوزيسياداعى بەلسەندى, تاۋەلسىز جۋرناليست جانبولات ماماي ءوزىن قايتادان "پوليسيا قاماۋى مۇمكىن" دەپ كۇدىكتەنەدى. بۇل تۋرالى ول بۇگىن, 9 قاراشادا facebook-تاعى پاراقشاسىندا مالىمدەدى. ؛

مامايدىڭ ايتۋىنشا, 9 قاراشا كۇنى كۇندىز ساعات 14.00-دە ونىڭ ۇيىنە الماتى وبلىسى قاراساي اۋدانى ىشكى ىستەر ءبولىمىنىڭ پروباسيا قىزمەتكەرلەرى كەلىپ, سول ؛ ۋاقىتتا ۇيىندە بولماۋىنا بايلانىستى تۋىستارىنا جازباشا ەسكەرتۋ تاستاپ كەتكەن. كەيىن, كەشكى ساعات 20.30 شاماسىندا مامايدىڭ ۇيىنە پروباسيا قىزمەتكەرلەرى تاعى كەلىپ, 11 قاراشا كۇنى پروباسيا قىزمەتىنە كەلۋ تۋرالى شاقىرتۋ قاعازىن بەرگەن. بەلسەندىنىڭ سوزىنشە, پروباسيا قىزمەتكەرلەرى بەرگەن شاقىرتۋ قاعازىندا 11 قاراشا كۇنى ءوزىنىڭ "بوستاندىعىن شەكتەۋ" جازاسىنا بايلانىستى ماسەلە قارالاتىنى تۋرالى جازىلىپتى. ؛

ماماي وزىنە جاسالعان ەسكەرتۋدىڭ زاڭسىزدىعىن جانە پروباسيا قىزمەتىنە شاقىرتىلۋىن ساياسي بەلسەندىلىگىن شەكتەۋ ءۇشىن بيلىك تاراپىنان جاسالىنىپ وتىرعان ارەكەت ەكەنىن ايتتى. ؛

"بۇل - تاپ-تازا ساياسي استارى بار, ساياسي نەگىزدەگى قىسىم دەپ بىلەمىن. ويتكەنى مەن پروباسيا قىزمەتىندە 2017 جىلدىڭ 29 قىركۇيەگىنەن باستاپ باقىلاۋدا تۇرمىن. ءبىراق وسى ۋاقىتقا دەيىن مەنى بىردە-بىر رەت كۇندىز ۇيىمە كەلىپ تەكسەرگەن ەمەس, سەنبى, جەكسەنبى كۇنى كۇندىز كەلىپ تەكسەرگەن ەمەس. تەكسەرسە, كەشكى 22.00-دەن كەيىن (ياعني زاڭ بويىنشا مەن سول ۋاقىتتا ۇيدە وتىرۋىم كەرەك) تەكسەرەتىن. ءدال وسى كۇنى تەكسەرىپ, ءدال وسى كۇنى كەلگەنىنە قاراعاندا, بۇل - ساياسي استارى بار قىسىم. مەن ءالى دە زاڭ بويىنشا پروباسيا قىزمەتىنىڭ تىركەۋىندە بولۋىم كەرەك بولاتىن. ماعان كوكتەمدە ءبىر رەت «؛پوليتون" كلۋبىن جۇرگىزدى دەپ ءبىر ەسكەرتۋ بەردى, ەندى تاعى ءبىر ەسكەرتۋ بەرىلەتىن بولسا, (ول ەسكەرتۋ بەرىلەتىن سياقتى دۇيسەنبى كۇنى) وندا مەنى قايتادان تۇرمەگە قاماۋى مۇمكىن" - دەدى ماماي ءوزىنىڭ facەbook ارقىلى جاساعان مالىمدەمەسىندە. ؛

بۇرىن "ساياسي قالام - "تريبۋنا" گازەتىن باسقارعان جۋرناليست, قوعام بەلسەندىسى جانبولات ماماي 2017 جىلى اقپاندا "مۇحتار ءابليازوۆتىڭ اقشاسىن گازەت شىعارۋ ارقىلى زاڭداستىرۋعا قاتىستى" دەپ ايىپتالىپ, 2017 جىلدىڭ قىركۇيەگىندە شارتتى جازامەن بوساتىلعان. سوت وعان ءۇش جىل جۋرناليستىك قىزمەتپەن اينالىسۋعا تىيىم سالعان. جانبولات ماماي وزىنە تاعىلعان ايىپتى مويىنداماعان. ​

16 قازاندا جانبولات ماماي جاڭا وپپوزيسيالىق پارتيا قۇراتىنىن مالىمدەگەن. قاراشا ايىنىڭ باسىندا ماماي وپپوزيسيالىق پاريا قۇرعالى وتىرعان ؛باستاماشىل توپپەن بىرگە 2-8 قاراشا كۇندەرى قازاقستاننىڭ باتىس ءوڭىرىن ارالاپ, جاقتاستارىمەن كەزدەسپەك بولعان. ءبىراق 1 قاراشادا الماتى وبلىسى قاراساي اۋدانىنىڭ پروباسيا قىزمەتى وعان قالادان شىعۋعا تىيىم سالعان. ؛

 ؛

&diams؛وقي وتىرىڭىز: جانبولات ماماي: توقاەۆ تا, نازارباەۆ تا پوپۋليزممەن اينالىسىپ وتىر