• usd 389.52
  • eur 429.21
  • rub 6.07
  • cny 54.94
13 قاراشا، 04:14:06
قازاقستان ۋكراينانىڭ ساۋدا نارىعىنا الاڭداۋلى

09 قاراشا، 2019 news

كوكشەتاۋ مەكتەپتەرىنىڭ بىرىندە بەلگىسىز دەرت جايلادى

كوكشەتاۋدا مەكتەپتى بەلگىسىز دەرت جايلادى دەپ حابارلايدى qamshy.kz اقپارات اگەنتتىگى ktk.kz ؛سايتىنا سىلتەمە جاساپ.

كوكشەتاۋدا ءبىر كۇندە 80 بالا اۋىرىپ مۇرتتاي ۇشتى. قالا ورتالىعىنداعى №2 مەكتەپتە بۇگىن 260 وقۋشى ساباققا كەلمەي قالدى. كەشەدەن بەرى اياعىنان تىك تۇرعان دارىگەرلەر ءۇي-ۇيدى ارالاپ، مەكتەپتەگى بالالاردى دا باستان-اياق تەكسەرۋگە كىرىسكەن. ولاردىڭ بارلىعى جۇرەگى اينىپ السىرەپتى.

كەشە بولعان سىرقات بەلگىلەرى وقۋشىلاردا بۇگىن دە بايقالعان. ۇستازدار اتا-انالارىن شاقىرىپ دارىگەردىڭ قاراۋىنا جىبەرىپ جاتىر. بۇل &ndash؛ قالا ورتالىعىنداعى 2200-گە جۋىق ؛وقۋشىسى بار ەڭ ۇلكەن مەكتەپ. ءبىر ساتتە 80 وقۋشى اۋىرىپ قالعاندا مەكتەپ باسشىلىعى دابىل قاعا باستاعان. سانيتار ماماندار مەكتەپ اسحاناسىنان قاجەتتى سىنامالار الىپتى. ؛

گۇلنار ءابدىقاسىموۆا، مەكتەپ ديرەكتورى: - بۇگىن 260 وقۋشى مەكتەپكە كەلمەي قالدى. كوبىن اتاانالارى قاۋىپتەنىپ جىبەرمەي قالعان. سولاي دەپ مەكتەپكە حابارلاستى. بۇل جاعدايدىڭ نەدەن بولعانىن ايتا المايمىز. اسحانادا ۋلانۋى مۇمكىن ەمەس. بارلىق بالالار تاماق ءىشىپ ءجۇر عوي. قاجەتتى تەكسەرۋ جۇمىسىن ۇيىمداستىرىپ جاتىرمىز. ؛

وقۋشىلارمەن بىرگە ەكى ءمۇعالىم دە ناۋقاستانىپ قالعان. ءىشى اۋىرىپ، قۇسىپ، باسى اينالىپ مەكتەپكە كەلە الماعانداردى دارىگەرلەر قاراپ جاتىر. ساباق ۇستىندە دە بالالاردىڭ دەنساۋلىعىن تەكسەرۋدە.

مادينا ساعىمباەۆا، تەراپەۆت: - كەشە مەكتەپتە 300، بۇگىن 150 بالانى قاراپ ۇلگەردىك. اۋرۋ بەلگىلەرى بايقالمادى. جاعدايلارى جاقسى. سىرقاتتانىپ قالعان بالالار اناليز تاپسىرىپ جاتىر. وقۋشىلاردى تۇگەل قاراپ شىعامىز، ازىرگە ناقتى دياگنوزىن ايتا المايمىز.

بىلىم وشاعىن دۇرلىكتىرگەن دەرتتىڭ سەبەپ سالدارىن سانيتار ماماندار انىقتاپ جاتىر. اسحاناداعى تاعامنان سىنامالار الىپ، بالالار اناليز تاپسىرۋعا جىبەرىلگەن. سوندىقتان ءدال ءقازىر دياگنوزدى ءدوپ باسىپ ايتۋ قيىن دەيدى ماماندار. ۆيرۋستىق ينفەكسيا ما، الدە ۋلانۋ ما، ول ەندى ساراپتاما قورىتىندىسىنان كەيىن بەلگىلى بولادى.

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر