مەملەكەت باسشىسى قاسىم-جومارت توقاەۆ 10 جاستاعى الماتىلىق وقۋشىنىڭ حاتىن وقىپ بەردى. حاتتا وقۋشى جالپى ءبىلىم بەرۋ باعدارلاماسىنان كۇردەلى پاندەردى الىپ تاستاپ, دەمالىسىن ۇزارتۋدى ءوتىندى.
"ەۆرازيا" تەلەارناسىنىڭ حابارلاۋىنشا, پرەزيدەنت بالانىڭ حاتىن وقىپ بولعان سوڭ, ءتيىستى ورگاندارعا وقۋشىنىڭ ؛بارلىق سۇراقتارىنا جاۋاپ بەرۋدى تاپسىرعان.
كوپ ۇزاماي 10 جاسار نۇرباقىت عالىمجان قىزىقتىراتىن سۇراقتارعا ءبىلىم جانە عىلىم ءمينيسترى اسحات ايماعامبەتوۆ facebook-تەگى پاراقشاسىندا جاۋاپ جازدى.
"بىلىم مينيسترلىگىنىڭ جۇمىسى سىزدەردىڭ, نۇرباقىت پەن ءسىزدىڭ دوستارىڭىزدىڭ ءبىلىمدى ادامدار بولىپ وسۋىنە, قازاقستاننىڭ دامۋىنا ءوز ۇلەستەرىڭىزدى قوسۋعا باعىتتالعان. سونىمەن قاتار, وقۋ جوسپارىنىڭ بارلىق پاندەرى ماڭىزدى جانە باسقا ءپاندى بىلمەستەن ءبىر ءپاندى وقۋ مۇمكىن ەمەس دەپ ايتقىم كەلەدى. جاراتىلىستانۋ ؛&ndash؛ بۇل ءسىزدى اينالاڭىزداعى الەممەن تانىستىراتىن وتە قىزىقتى تاقىرىپ. ال ولكەتانۋ &ndash؛ ءسىزدىڭ تۋعان جانە ءومىر سۇرگەن جەرىڭىزدىڭ تاريحى تۋرالى ايتادى", &ndash؛ دەيدى مينيستر.
وز كەزەگىندە, نۇرباقىت عالىمجان حاتىنا جاۋاپ بەرگەنى ءۇشىن ەل پرەزيدەنتىنە جانە ءتيىستى ءبولىم باسشىسىنا ۇلكەن العىسىن ءبىلدىردى. سونداي-اق كۇردەلى پاندەرگە باسقاشا قاراۋعا تىرىساتىندىعىن دا ايتتى.
ەسكە سالساق, الماتىلىق وقۋشى پرەزيدەنت قاسىم-جومارت توقاەۆقا حات جازىپ, وندا مەرەكە كۇندەرىن كوبەيتۋدى, مەكتەپتە "جاراتىلىستانۋ" جانە "ولكەتانۋ" پاندەرى وعان قيىن بولاتىندىعىن جانە ونى قاجەت ەمەس دەپ الىپ تاستاۋدى جانە مەكتەپتەگى سپورت سەكسيالارىنىڭ تەگىن بولۋىن سۇرادى.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر