• usd 389.52
  • eur 429.21
  • rub 6.07
  • cny 54.94
13 قاراشا، 03:37:40
قازاقستان ۋكراينانىڭ ساۋدا نارىعىنا الاڭداۋلى

08 قاراشا، 2019 ەكونوميكا

حالىقتىڭ قارىزى ايلىق تابىستان ەكى ەسە كوبەيگەن

قازاقستاندىق بانكتەر بانكروت بولۋى مۇمكىن بە؟ حالىقارالىق moody&rsquo؛s اگەنتتىگىنىڭ ساراپشىلارى 2020 جىلدىڭ سوڭىنا قاراي بىزدەگى بانك سەكتورى كەزەكتى داعدارىستى باستان وتكەرەدى دەپ بولجاپتى دەپ حابارلايدى ؛qamshy.kz اقپارات اگەنتتىگى ؛ktk.kz سايتىنا سىتەمە جاساپ. ؛

قازىردىڭ وزىندە حالىقتىڭ قارىزى ايلىق تابىسىنان ەكى ەسە كوبەيگەن. سوعان قاراماستان، قاراجاتتان قىسىلسا نەسيەگە جۇگىنەتىندەر ءالى دە كوپ. ماسەلەن، ءقازىر 6 ميلليونعا جۋىق وتانداسىمىزدىڭ بانك الدىندا بەرەشەگى بار. ونىڭ جالپى سوماسى 7 تريلليون تەڭگەگە جەتىپ جىعىلادى. اسىرەسە الماتى مەن نۇر-سۇلتان قالالارىنىڭ، قاراعاندى وبلىسىنىڭ تۇرعىندارى كەپىلسىز تۇتىنۋشىلىق نەسيەگە بەلشەسىنەن باتقان. ال تۇركىستان مەن سولتۇستىك قازاقستان وبىلىسىنىڭ حالقى بانكتەرگە مەيلىنشە جولاماۋعا تىرىسادى ەكەن. سوندىقتان ساراپشىلار وڭدى-سولدى نەسيە بەرۋ توقتاتىلماسا، ەكىنشى دەڭگەيلى بانكتەر قۇردىمعا كەتەدى دەگەن تۇجىرىمعا كەلىپتى.

حالىقارالىق اگەنتتىكتىڭ ءۋاجىن وتاندىق ەكونوميستەردە قۇپتادى. ايتا كەتسەك، سول ەكىنشى دەڭگەيلى بانكتەردىڭ وڭدى-سولدى نەسيە تاراتپاۋ ماسەلەسىن ءقازىر ۇلتتىق بانك تە قاراستىرىپ جاتىر. ؛  ؛

راسۋل رىسمامبەتوۆ، قارجى ساراپشىسى: بانكتەر تولەم قابىلەتى تومەن ازاماتتارعا نەسيە بەرۋدى ازايتۋى ءتيىس. ونىڭ ورنىنا بيزنەسكە، كاسىپكەرلىك سالاسىن دامىتۋعا اقشا بولگەن ابزال. ويتكەنى ايلىق تابىسىمىز ازايىپ بارادى. حالىقتىڭ نەسيە تولەيتىن شاماسى جوق. بۇلاي جالعاسا بەرسە، سوڭى ەكونوميكالىق داعدارىسقا اكەلەدى.

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر